ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

2 Dec 2012

ਹਾਇਕੁ ਗੋਸ਼ਟੀ

ਉਦਿਤਾ ਸਚਿਦਾਨੰਦ, ਡਾ. ਵਿਮਲ, ਸੁਆਮੀ ਜੀ,ਪ੍ਰੋ. ਹਿਦਿਆਕੀ ਇਸ਼ੀਦਾ 
ਕਾਵਿ ਖੋਜ ਸੰਸਥਾ ਦੀ ਰਹਿਨੁਮਾਈ ਅਧੀਨ ਭਾਰਤੀ ਵਿੱਦਿਆ ਭਵਨ ਕਾਪਰਨੀਕਸ ਲੇਨ ਕਸਤੂਰਬਾ ਗਾਂਧੀ ਮਾਰਗ ਨਵੀਂ ਦਿੱਲੀ ਵਿਖੇ 27-28 ਨਵੰਬਰ 2012 ਨੂੰ ਦੋ ਦਿਨਾਂ ਹਾਇਕੁ ਗੋਸ਼ਟੀ ਹੋਈ। ਇਸ ਗੋਸ਼ਟੀ ਦਾ ਸੰਚਾਲਨ ਸੁਪ੍ਰਸਿੱਧ ਸਾਹਿਤਕਾਰ ਡਾ. ਗੰਗਾ ਪ੍ਰਸਾਦ ਵਿਮਲ ਨੇ ਕੀਤਾ। ਡਾ. ਸੁਆਮੀ ਸ਼ਿਆਮਾ ਨੰਦ ਸਰਸਵਤੀ 'ਰੌਸ਼ਨ' ਦਾ ਹਾਇਕੁ ਸੰਗ੍ਰਹਿ 'ਰੌਸ਼ਨ ਹੂੰ ਮੈਂ' ਲੋਕ ਅਰਪਣ ਹੋਇਆ। 
ਪ੍ਰੋ. ਹਿਦਿਆਕੀ ਇਸ਼ੀਦਾ (ਜਪਾਨ)

ਹਿੰਦੀ ਤੇ ਜਪਾਨੀ ਭਾਸ਼ਾ ਦੇ ਵਿਦਵਾਨ ਪ੍ਰੋ. ਹਿਦੀਆਕੀ ਇਸ਼ਿਦਾ ਮੁੱਖ ਮਹਿਮਾਨ ਵਜੋਂ ਹਾਜ਼ਰ ਹੋਏ। ਜਪਾਨੀ ਤੇ ਹਿੰਦੀ ਦੀ ਮਹਾਨ ਲੇਖਕਾ ਉਦਿਤਾ ਸਚਿਦਾਨੰਦ (ਜੋ ਹਾਇਕੁ ਦੇ ਅਨੁਵਾਦ ਦਾ ਕਾਰਜ ਕਰਦੇ ਹਨ) ਨੇ ਭਾਰਤ 'ਚ ਹਾਇਕੁ 'ਤੇ ਹੋਏ ਕੰਮ ਬਾਰੇ ਜਾਣਕਾਰੀ ਦਿੱਤੀ।


ਡਾ. ਤੋਮੋਕੋ ਕਿਕੁਚੀ ਪਿਛਲੇ ਵੀਹ ਸਾਲਾਂ ਤੋਂ ਭਾਰਤ 'ਚ ਰਹਿ ਰਹੇ ਹਨ ਤੇ ਹਾਇਕੁ ਦਾ ਅਨੁਵਾਦ ਕਾਰਜ ਸੰਭਾਲ ਰਹੇ ਹਨ। ਆਪ ਨੇ ਹਾਇਕੁ ਤੇ ਚੋਕਾ ਬਾਰੇ ਜਾਣਕਾਰੀ ਦਿੱਤੀ। ਆਪਨੇ ਯੋਸਾ ਬੁਸੋਨ ਦੇ ਹਾਇਕੁ ਦਾ ਅਨੁਵਾਦ ਸੁਣਾਇਆ। ਇਸ ਵਿੱਚ ਹਿੰਦੀ ਦਾ ਵਰਣ-ਵਿਧਾਨ ਸਾਫ਼ ਦੇਖਿਆ ਜਾ ਸਕਦਾ ਹੈ



ਸੁੰਦਰ ਰਾਤ 
ਚੰਦਰਮਾ ਮੁਝੇ ਦੋ
ਉਦਿਤਾ ਸੱਚਦਾਨੰਦ
ਬੱਚਾ ਰੋਤਾ ਹੈ

ਰਾਮੇਸ਼ਵਰ ਕੰਬੋਜ 'ਹਿਮਾਂਸ਼ੂ' ਨੇ ਹਿੰਦੀ ਹਾਇਕੁ ਤੇ ਤ੍ਰਿਵੇਣੀ 'ਚ  ਹਾਇਕੁ, ਹਾਇਗਾ, ਤਾਂਕਾ, ਚੋਕਾ ਤੇ ਸੇਦੋਕਾ ਸਬੰਧੀ ਹੋ ਰਹੇ ਕੰਮ ਬਾਰੇ ਜਾਣਕਾਰੀ ਦਿੱਤੀ। 
ਗੋਸ਼ਟੀ ਵਿੱਚ ਸਭ ਤੋਂ ਵੱਧ ਖਿੱਚ ਦਾ ਕੇਂਦਰ ਪੰਜਾਬੀ ਹਾਇਕੁ ਬਾਰੇ ਹੋਈ ਚਰਚਾ ਬਣੀ, ਜਿੱਥੇ ਹਾਇਕੁ-ਲੋਕ ਦਾ ਖਾਸ ਜ਼ਿਕਰ ਹੋਇਆ। ਅੱਜ ਤੋਂ 4 ਕੁ ਦਹਾਕੇ ਪਹਿਲਾਂ 

ਪੰਜਾਬੀ ਹਾਇਕੁ 'ਚ ਜਪਾਨੀ ਵਿਧਾ ਅਨੁਸਾਰ ਕੰਮ ਸ਼ੁਰੂ ਤਾਂ ਹੋਇਆ ਸੀ ਪਰ ਅੱਗੇ ਵਧ ਨਹੀਂ ਸਕਿਆ। ਓਸੇ ਅਧੂਰੇ ਕੰਮ ਨੂੰ ਕਰਨ ਦਾ ਬੀੜਾ ਹਾਇਕੁ-ਲੋਕ ਨੇ ਚੁੱਕਿਆ ਹੈ।ਪੰਜਾਬੀ ਹਾਇਕੁ ਵਿੱਚ ਜਪਾਨੀ ਕਾਵਿ ਵਿਧਾ ਅਨੁਸਾਰ ਕੰਮ ਕਰਨ ਦਾ ਜੋ ਟੀਚਾ ਹਾਇਕੁ-ਲੋਕ ਨੇ ਮਿਥਿਆ ਹੈ ਉਸ ਦੀ ਭਰਪੂਰ ਸ਼ਲਾਘਾ ਹੋਈ। ਇਹ ਹਾਇਕੁ -ਲੋਕ ਲਈ ਬਹੁਤ ਵੱਡੀ ਉਪਲਭਦੀ ਹੈ। ਸਮੂਹ ਹਾਇਕੁ ਪਰਿਵਾਰ ਇਸ ਲਈ ਵਧਾਈ ਦਾ ਹੱਕਦਾਰ ਹੈ। 

ਪੇਸ਼ ਕਰਤਾ: ਕਾਵਿ ਖੋਜ ਸੰਸਥਾ 

1 comment:

  1. ਹਾਇਕੁ ਗੋਸ਼ਟੀ ਦੀ ਰਿਪੋਰਟ ਪੜ੍ਹ ਕੇ ਬਹੁਤ ਖੁਸ਼ੀ ਹੋਈ ਜਿੱਥੇ ਹਾਇਕੁ-ਲੋਕ ਦੀ ਵਿਸ਼ੇਸ਼ ਚਰਚਾ ਹੋਈ।
    ਹਾਇਕੁ-ਲੋਕ ਪਰਿਵਾਰ ਨੂੰ ਵਧਾਈ।

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ