ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

28 Aug 2015

ਰੱਖੜੀ (ਸੇਦੋਕਾ)

1.
ਕੱਚੀਆਂ ਤੰਦਾਂ 
ਪਿਆਰ ਗੰਢ ਦੀਆਂ 
ਇਹ ਪੱਕੇ ਰਿਸ਼ਤੇ 
ਭੈਣ ਭਰਾ ਦੇ 
ਮੁੱਕ ਗਏ ਸ਼ਿਕਵੇ 
ਅੱਜ ਬੰਨ ਰੱਖੜੀ। 
2.
ਯਾਦ ਕਰਾਵੇ 
ਰੱਖੜੀ ਤਿਉਹਾਰ 
ਭੈਣ -ਭਾਈ ਪਿਆਰ 
ਰੱਖੜੀ ਦਿਨ 
ਵੀਰੇ ਦੇਸ਼ -ਵਿਦੇਸ਼ 
ਘਰ ਭੈਣ ਉਡੀਕੇ। 
3.
ਘਰ 'ਚ ਧੀਆਂ 
ਸੌਣ ਦੀਆਂ ਝੜੀਆਂ 
ਅੱਜ ਲੱਗਣ ਤੀਆਂ 
ਬਿਪਤਾ ਵੇਲੇ 
ਧੀਆਂ ਅੱਗੇ ਵਧੀਆਂ 
ਅੱਜ ਪੁੱਤ ਬਣ ਕੇ। 
4.
ਭੈਣ ਘੱਲਦੀ 
ਕਾਵਾਂ ਹੱਥ ਸੁਨੇਹੇ 
ਵੀਰ ਵਿਦੇਸ਼ 
ਬਿਰਧ ਭੂਆ 
ਰੱਖੜੀ ਲੈ ਕੇ ਆਈ 
ਪੱਕੀ ਸਾਂਝ ਵਧਾਈ। 

ਬੁੱਧ ਸਿੰਘ ਚਿੱਤਰਕਾਰ 
ਪਿੰਡ ਨਡਾਲੋਂ - ਹੁਸ਼ਿਆਰਪੁਰ 
**************************
1.


ਰੱਖੜੀ ਆਈ
ਉਡੀਕੇ ਭੈਣ ਵੀਰਾ
ਅੱਜ ਅਸੀਸਾਂ ਲੈ ਜਾ
ਲੱਖ ਖ਼ੁਸ਼ੀਆਂ
ਵੀਰਾ ਘਰ ਲਿਆਵੇ
ਗੁੱਟ ਬੰਨਾ  ਰੱਖੜੀ

ਕਮਲਾ ਘਟਾਔਰਾ 
ਯੂ ਕੇ
ਨੋਟ: ਇਹ ਪੋਸਟ ਹੁਣ ਤੱਕ 279 ਵਾਰ ਪੜ੍ਹੀ ਗਈ।

26 Aug 2015

ਚੱਕੀ ਦੇ ਪੁੜ

ਫੋਟੋ : ਕਮਲਜੀਤ ਦੋਸਾਂਝ ਨੱਤ 
ਸੁੰਨਾ ਵਿਹੜਾ 
ਚੱਕੀ ਦੇ ਦੋਵੇਂ ਪੁੜ 
ਖੜੇ ਇੱਕਲੇ ।

ਡਾ. ਹਰਦੀਪ ਕੌਰ ਸੰਧੂ 
ਨੋਟ: ਇਹ ਪੋਸਟ ਹੁਣ ਤੱਕ 64 ਵਾਰ ਪੜ੍ਹੀ ਗਈ।

25 Aug 2015

ਗੋਰੇ ਦਾ ਘਰ

1.
ਗੋਰੇ ਦਾ ਘਰ
ਘਰ ਦੇ ਤਿੰਨ ਜੀਅ 
 ਕੁੱਤੇ ਨੇ ਚਾਰ ।

2.
ਗੋਰੇ  ਦਾ ਘਰ
ਗਰਿਲ ਉੱਤੇ ਮਾਸ
ਕੁੱਤਾ ਵੀ ਦੇਖੇ ।

3.
ਗੋਰੇ ਦਾ ਕੁੱਤਾ
ਦੇਖ ਲਈ ਪਗੜੀ
ਭੌਂਕੀ  ਹੀ ਜਾਵੇ ।

ਦਿਲਜੋਧ ਸਿੰਘ 
ਯੂ. ਐਸ. ਏ .
ਨੋਟ: ਇਹ ਪੋਸਟ ਹੁਣ ਤੱਕ 31 ਵਾਰ ਪੜ੍ਹੀ ਗਈ।

20 Aug 2015

ਨਿੱਘੀ ਮਿਲਣੀ (ਹਾਇਬਨ)

 ਸਿਆਲਾਂ ਦੇ ਦਿਨਾਂ ' ਕੋਸੀ ਜਿਹੀ ਧੁੱਪ ' ਬੈਠੀ ਮੈਂ ਸਾਵੇ -ਸਾਵੇ  ਘਾਹ 'ਤੇ ਬਿਖਰੀਆਂ ਤ੍ਰੇਲ ਬੂੰਦਾਂ ਨੂੰ ਨਿਹਾਰ ਰਹੀ ਸਾਂ। ਅਚਾਨਕ ਉਸ ਦੀ ਨਿੱਘੀ ਮੋਹ ਭਰੀ ਮਿਲਣੀ ਦੀਆਂ ਯਾਦਾਂ ਦੀ ਦਸਤਕ ਮੇਰੇ ਖਿਆਲਾਂ ਦੇ ਦਰ 'ਤੇ ਹੋਈ। ਓਸ ਅਣਜਾਣ ਤੇ ਓਪਰੇ ਜਿਹੇ ਮਾਹੌਲ ' ਉਸਦੀ ਅਪਣੱਤ ਭਰੀ ਤੱਕਣੀ ਨੇ ਮੈਨੂੰ ਆਪਣੇ ਕਲਾਵੇ ' ਝੱਟ ਲੈ ਲਿਆ ਸੀ। ਉਸ ਦੀ ਪਹਿਲੀ ਮਿਲਣੀ ' ਹੀ ਮੈਨੂੰ ਉਸ ਨਾਲ ਅੰਤਾਂ ਦਾ ਮੋਹ ਹੋ ਗਿਆ ਸੀ। ਮਨ ਦੀਆਂ ਬਰੂਹਾਂ 'ਤੇ ਖਲੋਤੀ ਝਿਜਕ ਅਛੋਪਲੇ ਹੀ ਕੋਹਾਂ ਦੂਰ ਨੱਸ ਗਈ ਸੀ। ਉਸ ਸੰਗ ਦੋਸਤੀ ਦਾ ਰਿਸ਼ਤਾ ਮੈਨੂੰ ਅਣਮੁੱਲੇ ਸੁੱਚੇ ਮੋਤੀਆਂ ਜਿਹਾ ਲੱਗਾ  
        ਓਸ ਦਿਨ ਤੋਂ ਮਗਰੋਂ ਉਹ ਜਦੋਂ -ਜਦੋਂ ਵੀ ਮੈਨੂੰ ਮਿਲਦੀ ਇਓਂ ਲੱਗਦਾ ਜਿਵੇਂ ਉਸ ਦੀ ਮਿਲਣੀ ਹੁਨਾਲ ਦੀਆਂ ਤਪਦੀਆਂ ਦੁਪਹਿਰਾਂ ' ਰੂਹ ਨੂੰ ਠਾਰ ਰਹੀ ਹੋਵੇ।ਉਸ ਦੇ ਮੋਹ ਭਿੱਜੇ ਬੋਲ ਮੇਰੇ ਮਨ ਦੀ ਫਿਜ਼ਾ ' ਖੇੜਾ ਬਿਖੇਰ ਦਿੰਦੇ।ਮਨ ਲੋਚਦਾ ਕਿ ਕਾਸ਼ ਇਹ ਘੜੀਆਂ ਅਮੁੱਕ ਬਣ ਜਾਣ ਤੇ ਮੈਂ ਉਸ ਕੋਲ ਬੈਠੀ ਆਪਣੇ ਮਨ ਦੀਆਂ ਪਰਤਾਂ ਫਰੋਲੀ ਜਾਵਾਂ। ਪਲਕਾਂ 'ਤੇ ਮੋਹ ਦੇ ਦੀਵੇ ਧਰ ਉਸ ਦਾ ਹੌਲੇ ਜਿਹੇ ਕਹਿਣਾ, " ਕੀ ਹਾਲ ਹੈ ਤੇਰਾ ? ਬੜੇ ਚਿਰਾਂ ਤੋਂ ਆਪਾਂ ਮਿਲੇ ਹੀ ਨਹੀਂ ?" ਮੈਨੂੰ ਕਦੇ ਵੀ ਰਸਮੀ ਜਿਹਾ ਨਹੀਂ ਲੱਗਾ। ਸੁੱਚੀ ਸਵੇਰ ਵਰਗੇ ਉਸਦੇ ਸੱਜਰੇ ਬੋਲ ਹਰ ਵਾਰ ਉਸ ਨੂੰ ਮੇਰਾ ਹੋਰ ਆਪਣਾ ਬਣਾ ਜਾਂਦੇ ਨੇ। ਉਸ ਦੀਆਂ ਗਹਿਰ ਗੰਭੀਰ ਸੋਝੀਆਂ ਦੇ ਅੰਤਰਾਂ ਦੇ ਅਰਥ ਮੇਰੀ ਬੁੱਧੀ ' ਹੁਣ ਹੌਲੇ -ਹੌਲੇ ਰਲਣ ਲੱਗ ਪਏ ਨੇ। ਮੇਰੀ ਰੱਬ ਅੱਗੇ ਇਹੋ ਦੁਆ ਹੈ ਕਿ ਸਾਡੀ ਨਿੱਘੀ ਮਿਲਣੀ ਦੀਆਂ ਉੱਚੀਆਂ ਉਮੰਗਾਂ ਨਾਲ ਸਾਨੂੰ ਅਗੰਮੀ ਪ੍ਰਸੰਨਤਾ ਦੇ ਹੁਲਾਰੇ ਸਦਾ ਮਿਲਦੇ ਰਹਿਣ। 

ਨਿੱਘੀ ਮਿਲਣੀ -                                             
ਪੌਣਾਂ ਸੰਗ ਝੂਮਣ 
ਫੁੱਲ ਸੰਧੂਰੀ 
ਡਾ. ਹਰਦੀਪ ਕੌਰ ਸੰਧੂ 
ਨੋਟ: ਇਹ ਪੋਸਟ ਹੁਣ ਤੱਕ 52 ਵਾਰ ਪੜ੍ਹੀ ਗਈ।

17 Aug 2015

ਬੁੱਝਿਆ ਚੁੱਲ੍ਹਾ

1.

ਚੁਫੇਰੇ ਕੋਰਾ 
ਸਿਆਲ ਦੀ ਸਵੇਰ 
ਬੁੱਝਿਆ ਚੁੱਲ੍ਹਾ। 

2.
ਜੂਨ ਮਹੀਨਾ
ਖੜ ਗਿਆ ਹੀਟਰ
ਠੰਡੀ ਰਜਾਈ।

3.

ਸਿਆਲੂ ਦਿਨ
ਧੁੰਦ ਦੇ  ਪਰਦੇ ਨੇ 

 ਕੱਜਿਆ ਪਿੰਡ। 
ਹਰਜਿੰਦਰ ਢੀਂਡਸਾ 
(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 59 ਵਾਰ ਪੜ੍ਹੀ ਗਈ।

13 Aug 2015

ਮੀਂਹ ਦਾ ਜ਼ੋਰ

1.

ਛੱਲੀਆਂ 'ਚ ਕਾਂ 
ਪੂਣਾਂ ਫ਼ੋਲ ਠੁੰਗਦੇ 
ਦੁੱਧ ਦੇ ਦਾਣੇ। 
2.
ਅੰਮ੍ਰਿਤ ਵੇਲੇ 
ਬਬੀਹੇ ਦੀ ਪੁਕਾਰ 
ਮੇਘ ਬਰਸੇ। 
3.
ਮੀਂਹ ਦਾ ਜ਼ੋਰ 
ਸ਼ਾਖਾਵਾਂ ਕਮਜ਼ੋਰ 
ਪੰਛੀ ਕੰਬਦੇ। 

ਬੁੱਧ ਸਿੰਘ ਚਿੱਤਰਕਾਰ 
(ਹੁਸ਼ਿਆਰਪੁਰ) 

ਨੋਟ: ਇਹ ਪੋਸਟ ਹੁਣ ਤੱਕ 200 ਵਾਰ ਪੜ੍ਹੀ ਗਈ।

5 Aug 2015

ਕਲੀ ਕਿ ਜੋਟਾ

ਡਾ. ਹਰਦੀਪ ਕੌਰ ਸੰਧੂ 
ਨੋਟ: ਇਹ ਪੋਸਟ ਹੁਣ ਤੱਕ 31 ਵਾਰ ਪੜ੍ਹੀ ਗਈ।