ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

29 Oct 2015

ਕੱਲਯੁੱਗੀ ਰਾਵਣ ( ਸੇਦੋਕਾ)

1.

ਭਰੀ ਭੀੜ ਨੇ
ਰਾਵਣ ਜਲਾਇਆ
ਅੱਜ ਫਿਰ ਵੀ ਜ਼ਿੰਦਾ
ਹੈ ਦੁਸਹਿਰਾ
ਰਾਵਣ ਦਾ ਪਹਿਰਾ 
ਸਭ ਜਾਗਦੇ ਰਹੋ।
2.
ਭੀੜ 'ਚੋਂ ਝਾਕੇ
ਕਾਗਜ਼ ਦਾ ਰਾਵਣ
ਜਦ ਭਰਿਆ ਮੇਲਾ 
ਰਾਮ ਲੀਲਾ 'ਚ 
ਹੋਰ ਵੱਡਾ ਹੋਇਆ 
ਅੱਜ ਰਾਵਣ ਕੱਦ। 
3.
ਵਿਛੜੀ ਸੀਤਾ 
ਰੁੱਖਾਂ ਦੇ ਗੱਲ ਲੱਗ 
ਤਦ ਰਾਮ ਵੀ ਰੋਏ 
ਲੰਘ ਰਹੀ ਹੈ 
ਅਗਨੀ ਪ੍ਰੀਖਿਆ 'ਚੋਂ 
ਫਿਰ ਵੀ ਅੱਜ ਸੀਤਾ। 
4.
ਲੰਕਾ ਵੀ ਹਾਰੇ 
ਜਦ ਤੋਂ ਰਾਵਣ ਨੇ 
ਮਨੋ ਰਾਮ ਵਿਸਾਰੇ 
ਬਣਕੇ ਯਾਰ 
ਕੱਲਯੁੱਗੀ ਰਾਵਣ 
ਅੱਜ ਕਰੇ ਸ਼ਿਕਾਰ। 

ਬੁੱਧ ਸਿੰਘ ਚਿੱਤਰਕਾਰ 
ਪਿੰਡ : ਨਡਾਲੋਂ 
ਜ਼ਿਲ੍ਹਾ: ਹੁਸ਼ਿਆਰਪੁਰ 
ਨੋਟ: ਇਹ ਪੋਸਟ ਹੁਣ ਤੱਕ 159 ਵਾਰ ਪੜ੍ਹੀ ਗਈ।

19 Oct 2015

ਨੀਂਦਰਾਂ (ਸੇਦੋਕਾ)

1.

ਬੋਟ ਆਪਣਾ 
ਜੀ ਭਿਆਣੀ ਲੱਭਦੀ 
ਆਲ੍ਹਣੇ 'ਚੋਂ ਡਿੱਗਿਆ 
ਗਿਆ ਨਾ ਮੁੜੇ
ਰੱਖੋ ਭਾਵੇਂ ਮੁੜ ਕੇ
ਖੇਲ ਰੱਬੋਂ ਵਰਤੇ। 

2.
ਕੋਠੇ ਪੈ ਗਿਆ 
ੳੁਤੋਂ ਹੇਠੋਂ ਲਹਿ ਕੇ
ਪੱਖੀ ਝੱਲੇ ਬਹਿ ਕੇ 
ਤੜਕੇ ਜਾਣਾ
ਖੇਤਾਂ ਪਾਣੀ ਲਾਵਣਾ 
ਨੀਂਦਰਾਂ ਨਾ ਆਵਣਾ। 


ਇੰ : ਜੋਗਿੰਦਰ ਸਿੰਘ ਥਿੰਦ 
(ਸਿਡਨੀ) 
ਨੋਟ: ਇਹ ਪੋਸਟ ਹੁਣ ਤੱਕ 29 ਵਾਰ ਪੜ੍ਹੀ ਗਈ।

8 Oct 2015

ਨਾ ਸ਼ੁਕਰਾ (ਚੋਕਾ)

ਅੱਜ ਮਨੁੱਖ
ਕਿੰਨਾ ਏ ਨਾ ਸ਼ੁਕਰਾ
ਨਹੀਂ ਕਦਰ
ਕੁਦਰਤੀ ਦਾਤਾਂ ਦੀ
ਪਾਣੀ ਤੇ ਪੌਣ
ਹੋਈ ਏ ਜ਼ਹਰੀਲੀ
ਲੁੱਟੇ ਜੰਗਲ
ਗਏ ਗੁਆਚੇ ਰੁੱਖ
ਹੜ੍ਹਾਂ ਦੀ ਮਾਰ
ਝੱਲ ਰਿਹਾ ਸੰਸਾਰ
ਘਰੋਂ ਬੇਘਰ
ਹੋ ਰੁਲਦੀ ਦੁਨੀਆਂ
ਪ੍ਰਦੂਸ਼ਨ ਨੇ
ਕੀਤੇ ਅੰਬਰੀਂ ਛੇਦ
ਦੂਜਾ ਖੂੰਖਾਰ
ਖੂਨ ਪਿਆਸੇ ਬੰਦੇ
ਚਾਰ -ਚੁਫੇਰੇ
ਡਰਦੇ ਨਾ ਕਰਨੋ  
ਸਿਰ ਕਲਮ
ਹੁਣ ਦੇਸ਼ ਆਪਣਾ
ਲੱਗੇ ਬਿਗਾਨਾ  
ਉਜੜੇ ਘਰ ਵਾਰ
ਸੁਣੋ ਸਾਡੀ ਪੁਕਾਰ।

ਕਮਲਾ ਘਟਾਔਰਾ 
(ਯੂ. ਕੇ.)
ਨੋਟ: ਇਹ ਪੋਸਟ ਹੁਣ ਤੱਕ 55 ਵਾਰ ਪੜ੍ਹੀ ਗਈ।

6 Oct 2015

ਨੀਂਦ ਨਹਾਏ

1.
ਨਮ ਪਲਕਾਂ 
ਬੁੱਕ ਭਰੇ ਅੱਥਰੂ 
ਜਦ ਛਲਕੇ। 

2.
ਕਿਰੇ ਚਾਂਦਨੀ 
ਸਭ ਖੁੱਲ੍ਹੇ ਝਰੋਖੇ 
ਨੀਂਦ ਨਹਾਏ। 

3.

ਟਿਕੀ ਰਾਤ 'ਚ 
ਟਟੀਹਰੀ ਚੀਕਦੀ 
ਜਾਗੇ ਜੰਗਲ।




ਰਾਮੇਸ਼ਵਰ ਕੰਬੋਜ 'ਹਿੰਮਾਸ਼ੂ'

ਨਵੀਂ ਦਿੱਲੀ 
ਨੋਟ: ਇਹ ਪੋਸਟ ਹੁਣ ਤੱਕ 149 ਵਾਰ ਪੜ੍ਹੀ ਗਈ।