ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

2 Apr 2014

ਵੈਣ ਗਮਾਂ ਦੇ ( ਤਾਂਕਾ)

ਦੁੱਖ-ਸੁੱਖ ਦੇ ਘੇਰੇ 'ਚ ਘੁੰਮਦੀ ਜ਼ਿੰਦਗੀ 'ਚ ਜਦੋਂ ਅਣਹੋਣੀ ਦੁੱਖ ਬਣ ਸਾਡੇ ਅੱਗੇ ਆ ਖਲੋਂਦੀ ਹੈ ਤਾਂ ਦਰਦ ਦਾ ਘੇਰਾ ਹੋਰ ਵੱਡੇਰਾ ਹੋ ਜਾਂਦਾ ਹੈ। ਪੀੜਾਂ ਦੇ ਸਾਜ਼ ਗੂੰਜਦੇ ਨੇ, ਦਿਲ ਦੇ ਵਿਹੜੇ ਗਮਾਂ ਦਾ ਸੱਥਰ ਵਿਛ ਜਾਂਦਾ ਹੈ। ਰਿਸ਼ਤਿਆਂ ਦੀਆਂ ਸਾਂਝਾਂ ਨੂੰ ਜਦੋਂ ਕੋਈ ਅੱਧਵਾਟੇ ਛੱਡ, ਬੇਵਕਤੇ ਸੱਦੇ ਨੂੰ ਕਬੂਲਦਾ ਸਾਡੇ ਕੋਲੋਂ ਸਦਾ ਲਈ ਵਿਛੜ ਜਾਂਦਾ ਹੈ ਤਾਂ ਜ਼ਿੰਦਗੀ ਨੀਰਸ ਬਣ ਜਾਂਦੀ ਹੈ। ਅਜਿਹੀ ਹੀ ਦੁੱਖ ਘੜੀ ਸਾਡੇ ਇੱਕ ਸਾਥੀ ਬਾਜਵਾ ਸੁਖਵਿੰਦਰ ਦੇ ਵਿਹੜੇ ਆ ਢੁੱਕੀ ਹੈ ਜਦੋਂ 29 ਦਸੰਬਰ 2013 ਨੂੰ ਆਪ ਦੇ ਛੋਟੇ ਵੀਰ ਨੂੰ ਇੱਕ ਸੜਕ ਹਾਦਸੇ 'ਚ ਮੌਤ ਨੇ ਆਪਣੀ ਗਲਵਕੜੀ 'ਚ ਲੈ ਲਿਆ। ਹਾਇਕੁ-ਲੋਕ ਪਰਿਵਾਰ ਵਲੋਂ ਮੈਂ ਵਿਛੜੀ ਆਤਮਾ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕਰ ਰਹੀ ਹਾਂ। 

1.
ਟੁੱਟਿਆ ਤਾਰਾ
ਹਨ੍ਹੇਰੇ 'ਚ ਵਲ੍ਹੇਟੀ
ਰੋਈ ਜ਼ਿੰਦਗੀ
ਕਾਲ਼ੇ ਸ਼ਾਹ ਹਨ੍ਹੇਰੇ
ਰੋਕਣ ਹਰ ਰਾਹ। 

2.
ਧਾਹੀਂ ਰੋਂਵਦਾ
ਭਰ-ਭਰ ਡੋਲ੍ਹਦਾ
ਖੂਨ ਦੇ ਹੰਝੂ
ਛੋਹੇ ਵੈਣ ਗਮਾਂ ਦੇ
ਲੱਗ ਵੀਰ ਦੇ ਕਾਨ੍ਹੀ। 

ਡਾ. ਹਰਦੀਪ ਕੌਰ ਸੰਧੂ

(ਨੋਟ: ਇਹ ਪੋਸਟ ਹੁਣ ਤੱਕ 60 ਵਾਰ ਪੜ੍ਹੀ ਗਈ) 

3 comments:

  1. ਇਸ ਖਬਰ ਸੁਣ ਬਹੁਤ ਦੁੱਖ ਹੋਇਆ ਹੈ।

    ReplyDelete
  2. इस दु:ख की घड़ी में हम सब सुखविन्दर भाई जी के साथ हैं। ईश्वर आपको इस असीम दु:ख को सहने की शक्ति प्रदान करे ! रामेश्वर काम्बोज 'हिमांशु'

    ReplyDelete
  3. ਦੁੱਖ ਦੀ ਘੜੀ 'ਚ ਦਿਲ ਲਈ ਧਰਵਾਸ ਤੇ ਹਿੰਮਤ ਹੈ ਹਾਇਕੁ ਲੋਕ ਪ੍ਰੀਵਾਰ......

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ