ਜ਼ਮੀਨ ਸਰਕਾਰੀ
ਨਾ ਰੋਜ਼ਗਾਰੀ
ਆਮ ਇਨਸਾਨ ਨੂੰ
ਜਿੱਤਿਆ ਨੇਤਾ
ਮਿੰਨਾ-ਮਿੰਨਾ ਹੱਸਦਾ
ਵੱਸ ਕੁਝ ਨਾ
ਲਾਵੇ ਝੋਨਾ ਅਗੇਤਾ
ਦੁੱਖ ਹੀ ਦੁੱਖ
ਝੱਲਦਾ ਏ ਕਿਸਾਨ
ਬੈਂਕ - ਕਰਜ਼ਾ
ਖੇਤ ਵਿੱਚ ਦਰਜਾਂ
ਮੁਰਝਾਏ ਨੇ ਫੁੱਲ
ਸੁੱਕੇ ਨੇ ਬੁੱਲ
ਪਾਣੀ ਨੂੰ ਤਰਸਣ
ਕੰਮ ਦੀ ਵਾਰੀ
ਵਿਗੜੇ ਪਟਵਾਰੀ
ਕਲਰਕ ਵੀ
ਪੈਸੇ ਦੇ ਪਹੀਏ ਲਾ
ਫਾਈਲ ਤੋਰੇ
ਲੱਗੀ ਭੈੜੀ ਬੀਮਾਰੀ
ਰਿਸ਼ਵਤ ਦੀ
ਹੌਲੀ-ਹੌਲੀ ਹੋਵਣ
ਕਾਰਜ ਸਰਕਾਰੀ !
ਵਰਿੰਦਰਜੀਤ ਸਿੰਘ ਬਰਾੜ
(ਬਰਨਾਲ਼ਾ)
ਨੋਟ: ਇਹ ਪੋਸਟ ਹੁਣ ਤੱਕ 19 ਵਾਰ ਖੋਲ੍ਹ ਕੇ ਪੜ੍ਹੀ ਗਈ।
ਨੋਟ: ਇਹ ਪੋਸਟ ਹੁਣ ਤੱਕ 19 ਵਾਰ ਖੋਲ੍ਹ ਕੇ ਪੜ੍ਹੀ ਗਈ।
ਵਰਿੰਦਰਜੀਤ--ਤੁਹਾਡਾ ਹਾਇਕੁ ਅੱਜ ਦੇ ਬਿਮਾਰ ਸਮਾਜ ਦੀ ਸਹੀ ਤਰਜਮਾਨੀ ਕਰਦਾ ਹੈ। ਮੈਂ ਤਾਂ ਕਹਿੰਦਾ ਹਾਂ ਕਿ ਹਰ ਕੰਮ ਲਈ ਰਿਸ਼ਵਤ ਦੀ ਲਿਸਟ ਦਫਤਰ ਦੇ ਬਾਹਰ ਚਿਪਕਾ ਦੇਨੀ ਚਾਹੀ ਹੈ ਤੇ ਸੱਭ ਦੀਆਂ ਤਨਖਾਹਾਂ ਬੰਦ ।
ReplyDeleteਸਮਾਜ ਨੂੰ ਝੰਝੋੜਨ ਲਈ ਸ਼ਾਬਾਸ਼।
ਵਰਿੰਦਰ ਨੇ ਅਜੋਕੇ ਸੱਚ ਨੂੰ ਉਜਾਗਰ ਕਰਦਾ ਚੋਕਾ ਲਿਖਿਆ ਹੈ । ਕੋਈ ਕੰਮ ਪੈਸਾ ਦਿੱਤੇ ਬਿਨਾ ਪੂਰਾ ਨਹੀਂ ਹੁੰਦਾ ।
ReplyDeleteਹਲੂਣਾ ਦੇਣ ਲਈ ਕਾਫ਼ੀ ਹੈ ਇਹ ਲਿਖਤ ।
ਥਿੰਦ ਅੰਕਲ ਜੀ ਤੇ ਹਰਦੀਪ ਭੈਣ ਜੀ ਦਾ ਮੈਂ ਤਹਿ ਦਿਲੋਂ ਸ਼ੁਕਰੀਆ ਕਰਦਾ ਹਾਂ, ਚੋਕਾ ਪਸੰਦ ਕਰਨ ਤੇ ਹੌਸਲਾ ਅਫ਼ਜ਼ਾਈ ਲਈ। ਆਪ ਦੀ ਦਿੱਤੀ ਸ਼ਾਬਾਸ਼ ਹੋਰ ਲਿਖਣ ਦਾ ਹੁਲਾਰਾ ਦਿੰਦੀ ਹੈ।
ReplyDeleteਵਰਿੰਦਰਜੀਤ ਦੀ ਖੂਬਸੂਰਤ ਚੋਕਾ ਵਿਚਲੀ ਵਿਚਾਰਾਂ ਦੀ ਰਵਾਨਗੀ ਮਨ ਨੂੰ ਭਾ ਗਈ। ਕਲਾ ਦੇ ਸੋਹਣੇ ਪ੍ਰਦਰਸ਼ਨ ਲਈ ਵਧਾਈ।
ReplyDelete