ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

4 Feb 2016

ਬੂਟਾਂ ਵਿੱਚ ਸੋਚ

          ਪ੍ਰਾਇਮਰੀ ਸਕੂਲ ਵਿੱਚ ਉਹ ਇੱਕ ਸੌੜੀ ਸੋਚ ਵਾਲਾ ਅਧਿਆਪਕ ਹੈ। ਇੱਕ ਪਿੰਡ ਵਿੱਚ ਨੌਕਰੀ ਕਰ ਰਿਹਾ ਹੈ।ਵੇਖਣ ਪਾਖਣ  ਨੂੰ ਚੰਗਾ ਭਲਾ ਲੱਗਦਾ  ਹੈ। ਪਰ "ਅਕਲਾਂ ਬਾਜੋਂ ਖੂਹ ਖਾਲੀ" ਵਾਲੀ ਗੱਲ ਬਿਲਕੁਲ ਉਸ 'ਤੇ ਢੁੱਕਦੀ ਏ।ਰੱਬ ਦੀ ਕਰਨੀ ਕਿ ਉਸ ਦਾ ਵਿਆਹ ਇੱਕ ਪੜੀ ਲਿਖੀ ਕੁੜੀ ਨਾਲ ਹੋ ਗਿਆ। ਮੂਰਖਾਂ ਦਾ ਟੱਬਰ, ਕੁੜੀ ਮਾਰੇ ਮੱਥੇ ਨੂੰ ਹੱਥ। ਪਰ ਹੁਣ ਕੀ ਕਰ ਸਕਦੀ ਸੀ। ਗੱਲ ਪਿਆ ਢੋਲ ਤਾਂ ਵਜਾਉਣ ਹੀ ਸੀ।
              ਖੈਰ, ਕੁੜੀ ਪੜੀ -ਲਿਖੀ ਹੋਣ ਕਰਕੇ ਲਾਗੇ ਹੀ ਸਰਕਾਰੀ ਦਫਤਰ ਵਿਚ ਸਰਵਿਸ ਕਰਦੀ ਸੀ। ਇਸ ਲਈ ਪੈਸੇ ਧੇਲੇ ਵਲੋਂ ਨਿਰਭਰ ਨਹੀਂ ਸੀ। ਨਹੀਂ ਤਾਂ ਆਦਮੀ ਨੇਂਘ ਚੋਂ ਜੂੰ ਨਾ ਕੱਢੇ। ਜਮਾਂ ਈ ਕੰਜੂਸ। ਸੌੜੀ ਸੋਚ ਤੇ ਕੰਜੂਸੀ ਦਾ ਇੱਕ ਨਮੂਨਾ ਉਦੋਂ ਸਾਹਮਣੇ  ਆਇਆ ਜਦੋਂ ਉਸ ਦੇ ਤਿੰਨ  ਕੁ ਸਾਲ ਦੇ ਬੱਚੇ  ਦੇ ਪੁਰਾਣੇ ਬੂਟਾਂ ਦਾ ਸੱਜਾ ਬੂਟ ਕਿਤੇ ਗੁੰਮ ਹੋ ਗਿਆ। ਫਿਰ ਕੀ ਸੀ.....ਘਰ ਵਿਚ ਵੱਖਤ ਪੈ ਗਿਆ। ਸਾਰਾ ਘਰ ਫਰੋਲ ਮਾਰਿਆ। ਬੂਟ ਨਾ ਲੱਭਾ। ਬੰਦੇ ਨੇ ਅਕਲ ਦੌੜਾਈ  ਤੇ ਬੱਚੇ ਦਾ ਖੱਬਾ ਬੂਟ ਲੈ ਕੇ ਨਾਲ ਲੱਗਦੇ ਸ਼ਹਿਰ ਚਲਾ ਗਿਆ। ਹੱਥ ਵਿੱਚ ਖੱਬੇ ਬੂਟ  ਨੂੰ ਵਿਖਾ ਕੇ ਉਸ ਨਾਲ ਦਾ ਸੱਜਾ ਬੂਟ ਹਰ ਬੂਟਾਂ ਦੀ ਦੁਕਾਨ 'ਤੇ ਭਾਲਦਾ ਰਿਹਾ । ਦੁਕਾਨਦਾਰ ਉਸ ਦੀ ਮੂਰਖਤਾ 'ਤੇ ਹੱਸਦੇ  ਰਹੇ। ਪਰ ਉਸ 'ਤੇ ਕੋਈ ਅਸਰ ਨਾ ਹੁੰਦਾ। ਸਾਰਾ ਸ਼ਹਿਰ ਗਾਹ ਮਾਰਿਆ। ਬੂਟ ਕਿੱਥੋਂ ਲੱਭਣਾ ਸੀ ? ਸਾਰਾ ਦਿਨ ਮੂਰਖਤਾ ਦਾ ਤਮਾਸ਼ਾ ਕਰਕੇ ਘਰ ਦਾ ਬੁੱਧੂ ਘਰ ਨੂੰ ਆਇਆ ।

ਲੋਕੀਂ ਹੱਸਣ
ਬੁੱਧੂ ਕਰੇ ਤਮਾਸ਼ਾ
ਹੱਥ 'ਚ ਕਾਸਾ। 



ਇੰਜ: ਜੋਗਿੰਦਰ ਸਿੰਘ "ਥਿੰਦ"    
(ਸਿਡਨੀ )        

ਨੋਟ: ਇਹ ਪੋਸਟ ਹੁਣ ਤੱਕ 35 ਵਾਰ ਪੜ੍ਹੀ ਗਈ

4 comments:

  1. ਥਿੰਦ ਅੰਕਲ ਜੀ ਦੀਆਂ ਲਿਖਤਾਂ ਦੀ ਹਮੇਸ਼ਾਂ ਉਡੀਕ ਰਹਿੰਦੀ ਹੈ। ਪਿਛਲੇ ਦਿਨੀਂ ਸ਼ਾਇਦ ਰੁਝੇਵਿਆਂ ਕਾਰਣ ਆਪ ਆਪਣੀ ਹਾਜ਼ਰੀ ਨਿਰੰਤਰ ਨਹੀਂ ਲੁਆ ਸਕੇ। ਆਪ ਨੇ ਬਹੁਤ ਹੀ ਰੌਚਕ ਢੰਗ ਨਾਲ ਸੌੜੀ ਸੋਚ ਤੇ ਕੰਜੂਸੀ ਦੀ ਮਾਨਸਿਕਤਾ ਵਾਲੇ ਵਿਅਕਤੀ ਦਾ ਚਿੱਤਰਣ ਇਸ ਹਾਇਬਨ ਵਿੱਚ ਕੀਤਾ ਹੈ। ਅਕਲਾਂ ਬਾਜੋਂ ਖੂਹ ਖਾਲੀ ਸੱਚੀਂ ਹੀ ਖਾਲੀ ਸੀ। ਅੰਤ 'ਚ ਲਿਖਿਆ ਹਾਇਕੁ ਵੀ ਬਹੁਤ ਅਰਥਪੂਰਣ ਹੈ। ਆਪ ਵਧੀਆ ਲਿਖਤ ਸਾਂਝੀ ਕਰਨ ਲਈ ਵਧਾਈ ਦੇ ਪਾਤਰ ਨੇ।
    ਹਰਦੀਪ

    ReplyDelete
  2. ਕਂਜੂਸੀ ਦਾ ਚਿਤਰਨ ਕਮਾਲ ਕਾ ਹੈ ।ਅਕਲਾਂ ਬਾਜੋਂ ਖੂਹ ਖਾਲੀ ਨੂ ਸਟੀਕ ਬੈਠਦਾ ਹਾਇਬਨ ਬਹੁਤ ਮਨਰਂਜਕ ਲੱਗਾ।

    ReplyDelete
  3. ਸੁੰਦਰ ਚਿੱਤਰਣ

    ReplyDelete
  4. ਬੜੀ ਦਿਲਚਸਪ ਰਚਨਾ

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ