ਬਹੁੜ ਕਿਤੇ ਵੇ ਸੱਚਿਆ ਸਾਈਆਂ

ਬਹੁੜ ਕਿਤੇ ਵੇ, ਸੱਚਿਆ ਸਾਈਆਂ। ਬਹੁੜ ਕਿਤੇ ਵੇ, ਸੱਚਿਆ ਸਾਇਆਂ। ਸਿਸਕਦੇ ਹਰਫ਼, ਵਿਲਕਦੇ ਪੰਨੇ, ਉਦਾਸ ਕਲਮ, ਉਖੜੀ ਸੋਚ, ਭਟਕੇ ਲੋਕ। ਅੰਧਵਿਸ਼ਵਾਸ, ਬੁੱਝਗੀ ਜੋਤ, ਕੁੱਖ ਦਾ ਨਾਸ, ਰੁੱਖ ਨੇ ਨਿਰਾਸ਼ । ਲਾਲੋ ਦੀ ਰੁੱਖੀ, ਮਲਕ ਦੀ ਪੂਰੀ, ਹੁਣ ਨਾ ਡਰਦਾ, ਪਾਪ ਕਮਾਉਂਦਾ, ਬਾਬਾ ਨਾਨਕ ਅ਼ੱਜ ਵੀ ਉਦਾਸ। ਕਿਰਤਾਂ ਭੁੱਲੀਆਂ, ਧੀਆਂ ਰੁੱਲੀਆਂ, ਦਾਜ ਦੇ ਲੋਭੀ, ਪਾਵਣ ਖਿੱਲੀਆਂ। ਸੁੱਤੀਆਂ ਸਰਕਾਰਾਂ, ਲੈਣ ਨਾ ਸਾਰਾਂ, ਬੇਰੁਜਗਾਰੀ, ਦਵੇ ਦੁਹਾਈਆਂ। ਚਿੱਟੇ ਦੀ ਵੀ ਹੁਣ, ਬੱਲੇ ਬੱਲੇ । ਜਵਾਨੀ ਡਿੱਗ ਗਈ, ਥੱਲੇ ਥੱਲੇ। ਬਹੁੜ ਕਿਤੇ ਵੇ ਸੱਚਿਆ ਸਾਈਆਂ । ਬਹੁੜ ਕਿਤੇ ਵੇ ਸੱਚਿਆ ਸਾਈਆਂ। ਨਿਰਮਲ ਕੋਟਲਾ
ਪਿੰਡ :ਕੋਟਲਾ ਮੱਝੇਵਾਲ
ਨੋਟ : ਇਹ ਪੋਸਟ ਹੁਣ ਤੱਕ 42 ਵਾਰ ਪੜ੍ਹੀ ਗਈ ਹੈ।