ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

24 Apr 2017

ਮਸੀਹਾ (ਮਿੰਨੀ ਕਹਾਣੀ)

Sukhwinder Singh Sher Gill's Profile Photo, Image may contain: 1 person, hat and closeup
ਲੜਕੀ ਦੇ ਜਨਮ ਦੀ ਖਬਰ ਸੁਣਦੇ ਹੀ ਸੱਸ ਅਮਰ ਕੌਰ ਅੱਗ ਬਬੂਲਾ ਹੋ ਕੇ  ਡਾ. ਸੁਨੀਤਾ ਨੂੰ ਕਹਿਣ ਲੱਗੀ,
"ਟੈਸਟ ਕਿਵੇਂ ਗਲਤ ਹੋ ਗਿਅਾ ? ਨਾਲੇ ਪੂਰੇ ਵੀਹ ਹਜ਼ਾਰ ਰੁਪਏ ਦਿੱਤੇ ਸੀ ਮੈਂ ੳੁਸ ਵਕਤ ।" 

ਅੱਗੋਂ  ਡਾ. ਮੁਸਕਰਾ ਕੇ ਬੋਲੀ, "ਮੈਂ ਬਿਨਾਂ ਟੈਸਟ ਕੀਤੇ ਲੜਕਾ ਹੀ ਦੱਸਦੀ ਹਾਂ ਅਤੇ ਲੜਕੀ ਹੋਣ ਸਮੇਂ ਪੱਚੀ ਹਜ਼ਾਰ ਸ਼ਗਨ ਪਾ ਕੇ  ਕਤਲ ਬਚਾਉਣ ਦਾ ਜੋ ਸਕੂਨ ਮੈਨੂੰ  ਮਿਲਦਾ ੳੁਹ  ਤੁਸੀਂ ਕੀ ਜਾਣੋ, ਮੈਂ ਅੌਰਤ  ਹੋ ਕੇ ਤੇਰੇ ਵਾਂਗੂੰ ਅੌਰਤ ਦੀ ਦੁਸ਼ਮਣ ਕਦੇ ਨਹੀਂ ਹੋ ਸਕਦੀ। "

ਮਸੀਹਾ ਬਣੀ ਡਾਕਟਰ ਦੇ ਬੋਲ ਸੁਣ ਕੇ ਅਮਰ ਕੌਰ ਪੱਥਰ ਹੋ ਗਈ |
             


ਮਾਸਟਰ  ਸੁਖਵਿੰਦਰ ਦਾਨਗੜ੍ਹ
94171-80205

3 comments:

  1. ਅਜਿਹੇ ਡਾਕਟਰਾਂ ਦੀ ਸਾਨੂੰ ਬਹੁਤ ਲੋੜ ਹੈ ਜੋ ਮਸੀਹਾ ਬਣ ਕੁੱਖ 'ਚ ਹੋਣ ਵਲੇ ਕਤਲਾਂ ਨੂੰ ਰੋਕ ਸਕਣ। ਸਾਡੇ ਸਮਾਜ 'ਚ ਅੱਜ ਵੀ ਧੀ ਦਾ ਜਨਮ ਜਸ਼ਨਾਂ ਦੀ ਥਾਂ ਉਦਾਸੀ ਦਾ ਸਬੱਬ ਹੈ , ਭਾਵੇਂ ਧੀ ਦੇ ਜਨਮ 'ਤੇ ਲੱਡੂ ਵੰਡਣੇ ਸ਼ੁਰੂ ਹੋ ਗਏ ਨੇ। ਅਜੇ ਵੀ ਸਾਡੀ ਸਿਉਂਕ ਖਾਧੀ ਸੋਚ ਨਹੀਂ ਬਦਲੀ।
    ਬਹੁਤ ਹੀ ਵਧੀਆ ਸੁਨੇਹਾ ਦਿੰਦੀ ਕਹਾਣੀ ਨਾਲ ਸਾਂਝ ਪਾਉਣ ਲਈ ਆਪ ਵਧਾਈ ਦੇ ਪਾਤਰ ਹੋ।

    ReplyDelete
  2. ਇਸ ਸੇਧਮਈ ਕਹਾਣੀ ਦੀ ਬਣਤਰ, ਬੁਣਤਰ ਅਤੇ ਅਤਿ ਸੰਵੇਦਸਸ਼ੀਲ ਸੁਨੇਹਾ ਬੜਾ ਹੀ ਅਰਥ ਭਰਪੁਰ ਹੈ। ਕਹਾਣੀ ਇੱਕ ਘਿਨਾਉਂਣੇ ਸਮਾਜਿਕ ਜ਼ੁਰਮ ਦੀ ਨਿਸ਼ਾਨਦੇਹੀ ਕਰਦੀ ਹੈ ਜੋ ਲੁਕ ਛਿਪ ਕੇ ਹੋ ਰਿਹਾ ਦੁੱਖਦਾਈ ਅਤੇ ਨਾਕਾਬਿਲੇ ਮਾਫ਼ੀ ਵਰਤਾਰਾ ਹੈ। ਮੇਰੇ ਲਈ ਕਹਾਣੀ ਦਾ ਹੋਰ ਵੀ ਅਹਿਮ ਅਧਿਆਏ ਉਦੋਂ ਸ਼ੁਰੂ ਹੁੰਦਾ ਹੈ, ਜਦੋਂ ਡਾਕਟਰ ਸਾਹਿਬਾਂ ਆਖਦੀ ਹੈ ”ਮੈਂ ਔਰਤ ਹੋ ਕੇ ਤੇਰੇ ਵਾਂਗੂੰ ਔਰਤ ਦੀ ਦੁਸ਼ਮਣ ਕਦੇ ਨਹੀਂ ਹੋ ਸਕਦੀ”। ਇਹ ਕਥਨ ਬੜਾ ਮਹੱਤਵਪੂਰਨ ਹੈ। ਉਹ ਕਿਹੜੀਆਂ ਸਥਿੱਤੀਆਂ ਜਾਂ ਪ੍ਰਸਥਿੱਤੀਆਂ ਹਨ ਜਿਨ੍ਹਾਂ ਕਾਰਣ ਇੱਕ ਔਰਤ ਦਾ ਇੱਕ ਦੂਸਰੀ ਔਰਤ, ਜੋ ਸਹਿਜੇ ਹੀ ਉਸਦੀ ਸੱਸ ਜਾਂ ਮਾਂ ਵੀ ਹੋ ਸਕਦੀ ਹੈ, ਪ੍ਰਤੀ ਵਰਤਾਰਾ ਦੁਸ਼ਮਣੀ ਵਾਲਾ ਹੋ ਜਾਂਦਾ ਹੈ? ਇਹ ਔਰਤ ਨੂੰ ਕਿਸਨੇ ਸੁਝਾਇਆ ਜਾਂ ਸਮਝਾਇਆ ਹੋਵੇਗਾ? ਮੇਰੀ ਸੋਚ ਮੁਤਾਬਕ ਮਰਦ ਪ੍ਰਧਾਨ ਵਿਵਸਥਾ ਨੇ ਬੜੀ ਗਹਿਰੀ ਸਾਜਿਸ਼ ਅਧੀਨ ਔਰਤ (ਧੀ, ਭੈਣ, ਪਤਨੀ, ਮਾਂ ਜਾਂ ਸੱਸ) ਦੀ ਸੁਰੱਖਿਆ ਨੂੰ ਮਰਦ ਸਰਪ੍ਰਸਤੀ ਅਤੇ ਸਥਾਈ ਵਸੇਵੇਂ ਨਾਲ ਜੋੜ ਕੇ ਸੋਚਣਾ ਸਿਖਾਇਆ ਹੈ। ਇਸੇ ਕਰਕੇ ਸੰਭਾਵੀ ਮਾਂ ਦੀ ਮਾਂ ਵੀ ਆਪਣੀ ਧੀ ਦੀ ਸੁਰੱਖਿਆ ਅਤੇ ਵਸੇਂਵੇ ਪ੍ਰਤੀ ਉਨ੍ਹਾਂ ਚਿਰ ਸਤੁੰਸ਼ਟ ਨਹੀਂ ਹੁੰਦੀ ਜਿਨ੍ਹਾਂ ਚਿਰ ਉਸਦੀ ਧੀ ਦੇ ਪੁੱਤਰ ਨਾ ਹੋ ਜਾਵੇ। ਸੱਸ ਦੇ ਰੂਪ ਵਿੱਚ ਔਰਤ ਨੇ ਵੀ ਇਸ ਸਮਾਜਿਕ ਮਾਪਦੰਡ ਨੂੰ ਸਹੀ ਵਰਤਾਰਾ ਸਮਝ ਕੇ ਅਪਣਾ ਲਿਆ ਹੈ। ਹੁਣ ਜਦੋਂ ਫ਼ੈਸਲੇ ਦੀ ਘੜੀ ਆਉਂਦੀ ਹੈ ਤਾਂ ਕਟਿਹਰੇ ਵਿੱਚ ਔਰਤ ਵੀ ਬਰਾਬਰ ਦੀ ਦੋਸ਼ੀ ਗਿਣੀਂ ਜਾਂਦੀ ਹੈ। ਬਹੁਤੀ ਵਾਰ ਤਾਂ ਮਰਦ ਪ੍ਰਧਾਨ ਸਮਾਜ ਬੜੀ ਸ਼ਾਤਿਰਤਾ ਇਸਨੂੰ ਸਿਰਫ਼ ਔਰਤ (ਸੱਸ ਦੇ ਰੂਪ ਵਿੱਚ) ਦੇ ਗਲ਼ ਮੜ੍ਹ ਦਿੰਦਾ ਹੈ ਅਤੇ ਆਪਣਾ ਬਚਾਅ ਔਰਤ ਦੇ ਸਿਰ ਤੇ ਕਰ ਲੈਂਦਾ ਹੈ। ਸੋ, ਮੇਰੀ ਸੋਚ ਮੁਤਾਬਕ ਮਾਂ ਕਿਸੇ ਵੀ ਰੂਪ ਵਿੱਚ ਜ਼ੁੰਮੇਵਾਰ ਨਹੀਂ ਹੁੰਦੀ ਜੇ ਉਸਦਾ ਚੌਗਿਰਦਾ ਤੇ ਪ੍ਰਸਥਿੱਤੀਆਂ ਉਸਨੂੰ ਬਿਨਾ ਡਰ ਅਤੇ ਸਤੰਤਰ ਸੋਚਣੀ ਦੇ ਅਧਾਰ ਤੇ ਨਾਂਹ ਕਰਨ ਦਾ ਨਿਰਣਾਇਕ ਹੱਕ ਪ੍ਰਦਾਨ ਕਰਨ। ਬਸ ਏਨਾ ਹੀ। ਧੰਨਵਾਦ।

    ReplyDelete
  3. it is my own written story ......i am very thankful of safer sanjh ...

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ