ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

25 May 2017

ਇਹ ਵੀ ਇੱਕ ਸੋਚ

ਇਹ ਤਾਂ ਹੋਣਾ ਹੀ ਸੀ 
ਰੁੱਤ ਬਦਲ ਗਈ ਏ ,
ਪੱਤੇ ਝੜਣੇ ਹੀ ਸਨ 
ਪੱਤਝੜ ਜੁ ਆ ਗਈ ਏ ,
ਰੁੱਖ ਤਾਂ ਖੜਾ ਹੈ 
ਨਿਡਰ  ਅਡੋਲ ,
ਠੰਡ ਅਤੇ ਕੱਕਰਾਂ ਨੂੰ 
ਸਹੇਗਾ- ਲੜੇਗਾ ,
ਅਗਲੀ ਰੁੱਤੇ ਮੁੜ 
ਹਰਿਆ ਭਰਿਆ 
ਤੇਰੇ ਲਈ ਛਾਂ ਲੈ ਕੇ ਆਵੇਗਾ ,
ਤੂੰ ਵੀ ਅਗਲੀ ਰੁੱਤ ਦਾ 
ਇੰਤਜ਼ਾਰ ਕਰੀਂ ,
ਉਸ ਨੂੰ ਰੱਜ ਕੇ ਦੇਖੀਂ 
ਉਸ ਦੀ ਛਾਵੇਂ 
ਜ਼ਰੂਰ ਬੈਠੀਂ ,
ਐਵੇਂ ਗਲੀਆਂ ਕੂਚਿਆਂ ਵਿੱਚ 
ਨਾ ਖੱਜਲ ਹੋਵੀਂ ,
ਅਤੇ ਜਿੰਨਾ ਘਰਾਂ ਨੂੰ 
ਜੰਦਰੇ ਲੱਗੇ ਨੇ ,
ਉਹਨਾਂ ਦੇ ਬੂਹੇ ਹੀ ਨਾ 
ਖੜਕਾਂਦਾ ਰਹੀਂ ।

ਦਿਲਜੋਧ ਸਿੰਘ

ਨੋਟ : ਇਹ ਪੋਸਟ ਹੁਣ ਤੱਕ 32 ਵਾਰ ਪੜ੍ਹੀ ਗਈ ਹੈ। 

No comments:

Post a Comment

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ