ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

10 Nov 2016

ਮੇਰੀ ਕੂਕ

ਮੇਰੀ ਕੂਕ
ਪਪੀਹੇ ਵਾਲੀ ,
ਕਦੀ ਨਾ ਤ੍ਰਿਪਤ ਹੋਈ 
ਬੱਸ 
ਤੇਰੇ ਵਜੂਦ 'ਚ
ਸਮਾ
ਜਾਣਾ ਚਾਹੁੰਦੀ ਆਂ ।

ਦਰ -ਬ -ਦਰ ,
ਭਟਕਣਾ ਨੂੰ ਛੱਡ 
ਬੱਸ 

ਇੱਕ ਦੀ ,

ਜੋਤ 'ਚ ਸਿਮਟ 

ਜਾਣਾ ਚਾਹੁੰਦੀ ਆਂ।



ਰੂਹਾਨੀਅਤ
ਮੇਰੇ ਜਿਸਮ ਅੰਦਰ 
ਫ਼ੂਕ ਦੇ ਮੇਰੇ ਮੌਲਾ 

ਮੈਂ 
ਆਪਣੇ 'ਚੋਂ ਮੈਂ ਮੁਕਾ 
ਬੱਸ ਤੂੰ ਹੀ ਤੂੰ  
ਹੋਣਾ ਚਾਹੁੰਦੀ ਹਾਂ।
ਤੇਰੇ ਵਿੱਚ
ਸਮਾਉਣਾ ਚਾਹੁੰਦੀ ਹਾਂ

ਸਵਾਂਤੀ ਬੂੰਦ ਦੀ
ਜੇ
ਕਰ ਦਵੇਂ ਬਖਸ਼ਿਸ਼
ਬੱਸ ਜ਼ਹਿਰ ਤੋਂ
ਅੰਮ੍ਰਿਤ ਹੋਣਾ ਚਾਹੁੰਦੀ ਹਾਂ। 

ਨਿਰਮਲ ਕੋਟਲਾ
ਪਿੰਡ ਕੋਟਲਾ ਮੱਝੇਵਾਲ 
ਜ਼ਿਲ੍ਹਾ ਅੰਮ੍ਰਿਤਸਰ 


ਨੋਟ : ਇਹ ਪੋਸਟ ਹੁਣ ਤੱਕ 106 ਵਾਰ ਪੜ੍ਹੀ ਗਈ ਹੈ। 

5 comments:

  1. ਸੁੰਦਰ ਖ਼ਿਆਲ। ਆਪ ਦੇ ਮਨ ਦੀ ਮੁਰਾਦ ਪੂਰੀ ਹੋਵੇ,ਨਿਰਮਲ ਕੋਟਲਾ ਜੀ।

    ReplyDelete
  2. Jagroop Kaur10.11.16

    ਬਹੁਤ ਸੁੰਦਰ ਰਚਨਾ ਭੈਣ ਜੀ

    ReplyDelete
  3. ਪਾਰਮਾਤਮਾ ਕੋ ਪਾਨੇ ਕੀਆਤਮਾ ਕੀ ਤੜਪ ਕਾ ਸੁੰਦਰ ਵਰਣਨ ਹੈ ਕੋਟਲਾ ਜੀ ।

    ReplyDelete
  4. 'ਮੈਂ ' ਅਤੇ 'ਤੂੰ ' ਦੀ ਗੱਲ , ਮੈਂ ਨੂੰ ਖਤਮ ਕਰਨ ਦੀ ਵੇਦਨਾ , ਸੋਹਣੀ ਰਚਨਾ

    ReplyDelete
  5. ਬਹੁਤ ਵਧੀਆ ਜੀ

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ