ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਜੇਕਰ ਤੁਸੀਂ ਵੀ ਪੰਜਾਬੀ ਵਿੱਚ ਲਿਖਦੇ ਹੋ ਤੇ ਪੰਜਾਬੀ ਸਾਹਿਤ ਖ਼ਜ਼ਾਨੇ 'ਯੋਗਦਾਨ ਚਾਹੁੰਦੇ ਹੋ ਤਾਂ ਸਾਨੂੰ haikusyd@gmail .com 'ਤੇ ਈ -ਮੇਲ ਕਰ ਸਕਦੇ ਹੋ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

4 Jul 2013

ਧੀ ਧਿਆਣੀ

ਹਾਇਕੁ-ਲੋਕ ਦੇ ਦੂਜੇ ਵਰ੍ਹੇ 'ਚ ਇੱਕ ਹੋਰ ਨਾਂ ਆ ਜੁੜਿਆ ਹੈ- ਨਿਰਮਲ ਸਤਪਾਲ । ਆਪ ਰਾਜਨੀਤੀ ਸ਼ਾਸਤਰ, ਹਿੰਦੀ ਤੇ ਪੰਜਾਬੀ 'ਚ ਐਮ. ਏ. -ਐਮ.ਐਡ. ਹਨ। ਅੱਜਕੱਲ ਸਰਕਾਰੀ ਸੀਨੀਅਰ ਸਕੈਂਡਰੀ ਸਕੂਲ ਨੂਰਪੁਰ ਬੇਟ (ਲੁਧਿਆਣਾ) ਵਿਖੇ ਬਤੌਰ ਪ੍ਰਿੰਸੀਪਲ ਸੇਵਾ ਨਿਭਾ ਰਹੇ ਹਨ। ਹੁਣ ਤੱਕ ਆਪ ਦੇ ਦੋ ਕਾਵਿ ਸੰਗ੍ਰਹਿ- ਸਾਹਾਂ ਦੀ ਸਾਂਝ (2009) ਤੇ ਸਾਹਾਂ ਦੀ ਤੰਦ (2011) ਅਤੇ ਇੱਕ ਕਹਾਣੀ ਸੰਗ੍ਰਹਿ - ਨਵੀਂ ਸੋਚ ਆ ਚੁੱਕਿਆ ਹੈ। 
ਅੱਜ ਆਪ ਨੇ ਹਾਇਕੁ ਲੋਕ ਨਾਲ਼ ਸਾਂਝ ਇੱਕ ਚੋਕਾ ਲਿਖ ਕੇ ਪਾਈ ਹੈ। ਮੈਂ ਹਾਇਕੁ-ਲੋਕ ਮੰਚ ਵਲੋਂ ਆਪ ਦਾ ਤਹਿ ਦਿਲੋਂ ਸੁਆਗਤ ਕਰਦੀ ਹਾਂ। ਆਸ ਕਰਦੀ ਹਾਂ ਕਿ ਆਪ ਅੱਗੋਂ ਵੀ ਸਾਡੇ ਨਾਲ਼ ਇਸੇ ਤਰਾਂ ਜੁੜੇ ਰਹਿਣਗੇ ਤੇ ਆਪਣੀ ਕਲਮ ਦੀ ਸਾਂਝ ਪਾਉਂਦੇ ਰਹਿਣਗੇ। 

ਧੀ ਧਿਆਣੀ ਏ 
ਘਰ ਦੀ ਸ਼ਾਨ ਹੁੰਦੀ
ਧੀਆਂ ਬਿਨਾਂ ਨੇ
ਸੁੰਨੇ ਨੇ ਘਰ ਲੋਕੋ
ਪੁੱਛੋ ਉਸ ਤੋਂ 
ਜਿਸ ਘਰ ਧੀ ਨਹੀਂ 
ਬੀਆਬਾਨ ਹੀ
ਹੁੰਦੇ ਨੇ ਘਰ ਲੋਕੋ 
ਅੱਜ ਧੀ ਓਹ
ਕੱਲ ਨੂੰ ਮਾਂ ਬਣਨਾ
ਚੱਲੇ ਦਿਨੀਆਂ 
ਧੀਆਂ ਨਾਲ਼ ਹੀ ਲੋਕੋ 
ਕੁੱਖ 'ਚ ਕਿਓਂ
ਧੀਆਂ ਨੂੰ ਮਾਰਦੇ ਹੋ
ਬੇਦਰਦੀਓ 
'ਨਿਰਮਲ' ਰੂਹ ਹੈ
ਧੀਆਂ ਦੀ ਜਾਨ ਲੋਕੋ!

ਨਿਰਮਲ ਸਤਪਾਲ 
(ਲੁਧਿਆਣਾ) 
{ਨੋਟ- ਇਹ ਪੋਸਟ ਹੁਣ ਤੱਕ 67 ਵਾਰ ਖੋਲ੍ਹ ਕੇ ਪੜ੍ਹੀ ਗਈ }

4 comments:

  1. ਨਿਰਮਲ ਸਤਪਾਲ ਜੀ ਦਾ ਹਾਇਕੁ ਪਰਵਾਰ ਵਿਚ ਹਾਰਦਿਕ ਸਵਾਗਤ ਕਰਦਾ ਹਾਂ । ਆਪ ਦੀ ਲਿਖਤ ਨੇ ਹਰ ਦਿਲ ਨੂੰ ਟੁੰਮਬਿਆ ਹੈ ।ਕਾਸ਼ ਹਰ ਕੋਈ ਇਹੀ ਸੋਚ ਅੱਪਨ੍ਹਾ ਲਵੇ।

    ReplyDelete
  2. ਮੈਡਮ ਨਿਰਮਲ ਜੀ ,
    ਜੀ ਆਇਆਂ ਨੂੰ !
    ਆਪ ਜੀ ਦੀ ਪਹਿਲੀ ਰਚਨਾ- ਚੋਕਾ - ਧੀ ਧਿਆਣੀ ਬਹੁਤ ਵਧੀਆ ਲੱਗੀ।
    ਬਿਲਕੁਲ ਸਹੀ ਕਿਹਾ ਹੈ....
    ਚੱਲੇ ਦਿਨੀਆਂ
    ਧੀਆਂ ਨਾਲ਼ ਹੀ ਲੋਕੋ
    ਕੁੱਖ 'ਚ ਕਿਓਂ
    ਧੀਆਂ ਨੂੰ ਮਾਰਦੇ ਹੋ
    ਬੇਦਰਦੀਓ
    'ਨਿਰਮਲ' ਰੂਹ ਹੈ
    ਧੀਆਂ ਦੀ ਜਾਨ ਲੋਕੋ!

    ਆਪ ਦਾ ਇਹ ਸੁਨੇਹਾ ਘਰ-ਘਰ ਸੁਨੇਹਾ ਪੁੱਜੇ !

    ReplyDelete
  3. ਨਿਰਮਲ ਜੀ,
    ਹਾਇਕੁ ਲੋਕ 'ਤੇ ਆਪ ਦਾ ਤਹਿ ਦਿਲੋਂ ਸੁਆਗਤ ਹੈ। ਹਾਇਕੁ ਲੋਕ ਪਰਿਵਾਰ 'ਚ ਹੋਇਆ ਵਾਧਾ ਦੇਖ ਕੇ ਖੁਸ਼ੀ ਹੋਈ।
    ਆਪ ਦਾ ਚੋਕਾ "ਧੀ ਧਿਆਣੀ" ਬਹੁਤ ਹੀ ਭਾਵਪੂਰਤ ਹੈ। ਵਧੀਆ ਸੁਨੇਹਾ ਦਿੰਦਾ ਹੈ-ਵਧਾਈ ਦੇ ਪਾਤਰ ਹੋ।

    ReplyDelete
  4. ਮੈਡਮ ਨਿਰਮਲ ਜੀ ਦਾ ਮੈਂ ਲੇਖ 'ਮੋਹ ਦੀਆਂ ਤੰਦਾਂ' ਪੜ੍ਹਿਆ - ਧੁਰ ਦਿਲ 'ਚ ਉੱਤਰ ਗਿਆ। ਮੈਡਮ ਜੀ ਨਾਲ਼ ਰਾਬਤਾ ਬਣਾਇਆ ਤੇ ਹਾਇਕੁ-ਲੋਕ ਬਾਰੇ ਦੱਸਿਆ। ਆਪ ਦੋ ਕਦਮ ਅਗਾਂਹ ਹੋ ਕੇ ਮਿਲ਼ੇ। ਜਿਸ ਦਾ ਨਤੀਜਾ - "ਧੀ -ਧਿਆਣੀ' ਕਵਿਤਾ ਸੀ ਜਿਸ ਨੂੰ ਚੋਕਾ ਦੇ ਰੂਪ 'ਚ ਪਾਠਕਾਂ ਦੇ ਰੂ-ਬ-ਰੂ ਕਰ ਸਾਡੇ ਨਾਲ਼ ਸਾਂਝ ਪਾਈ।
    ਇਹੋ ਜਿਹੀ ਸਾਂਝ ਤੇ ਮੋਹ ਦੀਆਂ ਤੰਦਾਂ ਜੁੜਦੀਆਂ ਰਹਿਣ- ਇਸੇ ਦੁਆ ਨਾਲ਼ !
    ਸ਼ੁੱਭ-ਕਾਮਨਾਵਾਂ !

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ