ਸਾਂਝ ਦਿਲਾਂ ਦੀ

1.
ਹੱਥ 'ਚ ਝਾੜੂ
ਕਰਨ ਸਫਾਈਆਂ 
ਖਿਚਾ ਕੇ ਫੋਟੋ। 

2.
ਖੜੇ ਗੇਟ 'ਤੇ 
ਦੇਖ ਹਿਲਾਵੇ ਹੱਥ 
ਸਾਂਝ ਦਿਲਾਂ ਦੀ।



ਜਗਦੀਸ਼ ਰਾਏ ਕੁਲਰੀਆਂ 
ਬਰੇਟਾ (ਮਾਨਸਾ)

ਬੱਚੇ ਹਲਕੇ

1.
ਬੈਠਾ ਆਫਿਸ
ਖੇਡੇ ਕੈਂਡੀਕਰੈਸ਼
ਟਾਈਮ ਪਾਸ।



2.
ਬਸਤੇ ਭਾਰੀ
ਆਧੁਨਿਕ ਸਿੱਖਿਆ
ਬੱਚੇ ਹਲਕੇ।



ਜਗਦੀਸ਼ ਰਾਏ ਕੁਲਰੀਆਂ 
ਬਰੇਟਾ (ਮਾਨਸਾ)

ਧੁੱਪੇ ਨਿਆਣਾ

1.

ਮੈਲੇ ਕੱਪੜੇ
ਰੋੜੀ ਕੁੱਟੇ ਰਾਹ 'ਤੇ
ਧੁੱਪੇ  ਨਿਆਣਾ।





2.
ਦਿਹਾੜੀਦਾਰ 
ਉਸਾਰੇ ਇਮਾਰਤਾਂ
ਮਿਲੀ ਨਾ ਛੱਤ।



ਜਗਦੀਸ਼ ਰਾਏ ਕੁਲਰੀਆਂ
ਬਰੇਟਾ (ਮਾਨਸਾ)।
ਨੋਟ: ਇਹ ਪੋਸਟ ਹੁਣ ਤੱਕ 29 ਵਾਰ ਖੋਲ੍ਹ ਕੇ ਵੇਖੀ ਗਈ। 

ਮਨ ਤ੍ਰਿਪਤੀ

1.

ਹੱਥ ਕਿਤਾਬ
ਬੈਠਾ ਪੜ੍ਹੇ ਇਕਾਂਤ
ਮਨ ਤ੍ਰਿਪਤੀ।




2.
ਚੱਲੀ ਟਰੇਨ
ਗਾਵੇ ਇੱਕ ਭਿਖਾਰੀ 
ਗੀਤ ਸੁਰੀਲਾ।



ਜਗਦੀਸ਼ ਰਾਏ ਕੁਲਰੀਆਂ
ਬਰੇਟਾ (ਮਾਨਸਾ)

ਨੋਟ : ਇਹ ਪੋਸਟ ਹੁਣ ਤੱਕ 16 ਵਾਰ ਪੜ੍ਹੀ ਗਈ। 

ਨਵੀਂ ਪੜ੍ਹਾਈ

1.
ਹੱਥ ਮੋਬੈਲ 
ਉਂਗਲਾਂ ਨੂੰ ਘੁਮਾਵੇ
ਕਰਦਾ ਚੈਟ।




2.
ਲੈ ਲੈਪਟਾਪ
ਚਲਾਵੇ ਫੇਸਬੁੱਕ
ਨਵੀਂ ਪੜ੍ਹਾਈ। 



ਜਗਦੀਸ਼ ਰਾਏ ਕੁਲਰੀਆਂ 
ਬਰੇਟਾ (ਮਾਨਸਾ)

ਨੋਟ : ਇਹ ਪੋਸਟ ਹੁਣ ਤੱਕ 30 ਵਾਰ ਪੜ੍ਹੀ ਗਈ। 

ਹਾਕਮੀ ਜ਼ੋਰ

ਜਗਦੀਸ਼ ਰਾਏ ਕੁਲਰੀਆਂ 

ਨੋਟ : ਇਹ ਪੋਸਟ ਹੁਣ ਤੱਕ 20 ਵਾਰ ਪੜ੍ਹੀ ਗਈ। 

ਦੁਸਹਿਰਾ

ਬੀੜੀ ਪੀਵਣ

ਰਾਮ ਰਾਵਣ 'ਕੱਠੇ  -

ਪੁਤਲਾ ਮੱਚੇ ।

ਦਲਵੀਰ ਗਿੱਲ 

(ਕਨੇਡਾ) 

ਜਲੇ ਰਾਵਣ
ਹਰੇਕ ਦੁਸਹਿਰੇ
ਬੁਰਾਈ ਜ਼ਿੰਦਾ। 

ਜਗਦੀਸ਼ ਰਾਏ ਕੁਲਰੀਆਂ

ਬਰੇਟਾ (ਮਾਨਸਾ)

ਰੌਣਕ ਮੇਲੇ
ਹਰ ਗੱਲੀ ਮੁਹੱਲੇ
ਦੁਸਹਿਰਾ ਹੈ।

ਅੰਮ੍ਰਿਤ ਰਾਏ (ਪਾਲੀ)

ਫਾਜ਼ਿਲਕਾ 

ਨੋਟ: ਇਹ ਪੋਸਟ ਹੁਣ ਤੱਕ 30 ਵਾਰ ਖੋਲ੍ਹ ਕੇ ਪੜ੍ਹੀ ਗਈ। 

ਲੇਬਰ ਚੌਂਕ

1.

ਆਈ ਹੈ ਗੱਡੀ

ਉਤਰੇ ਮੁਸਾਫਿਰ

ਮਿਲ਼ਿਆ ਮੀਤ।

2.

ਲੇਬਰ ਚੌਂਕ

ਖੜ੍ਹੇ ਬੰਨ੍ਹ ਕਤਾਰ

ਮਿਲੇ ਨਾ ਕੰਮ ।

3.

ਹੱਥ ਟਿਫ਼ਿਨ

ਸਾਈਕਲ 'ਤੇ ਪੈਰ

ਚੱਲੇ ਦਿਹਾੜੀ।

ਜਗਦੀਸ਼ ਰਾਏ ਕੁਲਰੀਆਂ

ਬਰੇਟਾ (ਮਾਨਸਾ)

(ਨੋਟ: ਇਹ ਪੋਸਟ ਹੁਣ ਤੱਕ 11 ਵਾਰ ਖੋਲ੍ਹ ਕੇ ਪੜ੍ਹੀ ਗਈ ਹੈ)

ਰੱਖੜੀ

ਸੁਪ੍ਰੀਤ ਕੌਰ ਸੰਧੂ

ਨੌਵੀਂ ਜਮਾਤ 

**************

ਰੱਖੜੀਓਂ ਸੱਖਣੇ ਗੁੱਟ ਵਾਲ਼ੀ ਫੋਟੋ ਅੰਮ੍ਰਿਤ ਰਾਏ ਨੇ ਫ਼ਾਜ਼ਿਲਕਾ ਤੋਂ ਭੇਜੀ ਹੈ ਜਿਸਨੂੰ ਹਾਇਗਾ ਦੇ ਰੂਪ 'ਚ ਪੇਸ਼ ਕੀਤਾ ਗਿਆ ਹੈ। 

***************************

1.

ਦਿਨ ਰੱਖੜੀ

ਭੈਣ ਭਾਈ ਦਾ ਮੋਹ

ਸਜੇ ਗੁੱਟ 'ਤੇ।

2.

ਰੇਸ਼ਮੀ ਧਾਗਾ

ਭੈਣ ਭਾਈ ਦੇ ਬੰਨੇ 

ਪਾਕ-ਰਿਸ਼ਤਾ। 

ਮਹਿੰਦਰ ਪਾਲ ਮਿੰਦਾ

ਬਰੇਟਾ (ਮਾਨਸਾ)
********************************
1.
ਵੀਰੇ ਦੇ ਗੁੱਟ
ਭੈਣ ਬੰਨੇ ਰੱਖੜੀ
ਮਿਲੇ ਸੁਗਾਤ ।
2.
ਮਾਂ ਜਾਏ ਵੀਰ
ਬੰਨੇ ਰੇਸ਼ਮੀ ਧਾਗਾ
ਵੱਧਦਾ ਮੋਹ।

ਜਗਦੀਸ਼ ਰਾਏ ਕੁਲਰੀਆਂ
ਬਰੇਟਾ (ਮਾਨਸਾ) 
ਨੋਟ: ਇਹ ਪੋਸਟ ਹੁਣ ਤੱਕ 36 ਵਾਰ ਖੋਲ੍ਹ ਕੇ ਪੜ੍ਹੀ ਗਈ। 

ਸੁੰਨੀ ਹੈ ਭੱਠੀ

1.
ਚੜ੍ਹੇ ਸਾਉਣ
ਪੈਂਦੀ ਹੈ ਬਰਸਾਤ
ਪੱਕਣ ਪੂੜੇ।

2.
ਸੁੰਨੀ ਹੈ ਭੱਠੀ
ਭੁੰਨਾਉਣ ਨਾ ਦਾਣੇ
ਨਵੇਂ ਜ਼ਮਾਨੇ।

3.
ਦੌੜਦੀ ਵੈਨ
ਸਕੂਲੇ ਜਾਣ ਬੱਚੇ
ਕੱਲ ਦੇ ਨੇਤਾ।

4.
ਲੱਗੀ ਕੋਰਟ
ਪੈਂਦੀਆਂ ਨੇ ਤਰੀਕਾਂ
ਨਾ ਮਿਲੇ ਨਿਆਂ ।

ਜਗਦੀਸ਼ ਰਾਏ ਕੁਲਰੀਆਂ
(ਬਰੇਟਾ-ਮਾਨਸਾ) 
(ਨੋਟ: ਇਹ ਪੋਸਟ ਹੁਣ ਤੱਕ 46 ਵਾਰ ਖੋਲ੍ਹ ਕੇ ਪੜ੍ਹੀ ਗਈ)

ਤ੍ਰਿੰਝਣ -2

ਜਗਦੀਸ਼ ਰਾਏ ਕੁਲਰੀਆਂ ਨੇ ਵੀ ਆਪਣੇ ਹਿੱਸੇ ਦਾ ਬਣਦਾ ਯੋਗਦਾਨ ਪਾਇਆ 'ਤ੍ਰਿੰਞਣ-ਹਾਇਕੁ ਜੁਗਲਬੰਦੀ' ਵਿੱਚ-

1.
ਰਲ਼ ਕੁੜੀਆਂ 
ਕਰਨ ਦਿਲ ਸਾਂਝੇ
ਬੈਠ ਤ੍ਰਿੰਝਣ ।

2.
ਵਿੱਚ ਤ੍ਰਿੰਝਣ
ਚਰਖੇ ਦੀਆਂ ਤੰਦਾਂ
ਯਾਦਾਂ ਤੇਰੀਆਂ ।

ਜਗਦੀਸ਼ ਰਾਏ ਕੁਲਰੀਆਂ
(ਬਰੇਟਾ-ਮਾਨਸਾ)
************************************************************************************************************
ਸਾਡੇ ਬਹੁਤ ਹੀ ਸਤਿਕਾਰਯੋਗ ਸਾਥੀ ਦਿਲਜੋਧ ਸਿੰਘ ਨੇ ਬਹੁਤ ਹੀ ਖੂਬਸੂਰਤ ਅੰਦਾਜ਼ 'ਚ ਅੱਜਕੱਲ ਲੱਗਦੇ  ਤ੍ਰਿੰਝਣ ਦੀਆਂ ਝਲਕਾਂ ਨੂੰ ਹਾਇਕੁ-ਕਾਵਿ 'ਚ ਪਰੋ ਕੇ ਸਾਡੇ ਨਾਲ਼ ਸਾਂਝਾ ਕੀਤਾ ਹੈ।

1.
ਓਹੀਓ ਨਿੰਮ 
ਪਿੰਡ ਦੇ ਮੁੰਡੇ-ਬੁੱਢੇ
ਖੇਡਣ ਤਾਸ਼। 
2.
ਨਵਾਂ ਤ੍ਰਿੰਝਣ
ਟੀ.ਵੀ. ਦੇ ਸਾਹਮਣੇ
ਕਿੱਟੀ ਪਾਰਟੀ।

ਦਿਲਜੋਧ ਸਿੰਘ 
(ਯੂ. ਐਸ. ਏ.- ਨਵੀਂ ਦਿੱਲੀ) 

ਵਿੱਸਰੀ ਫੱਟੀ

ਅੱਜ ਸਾਡੇ ਨਾਲ਼ ਇੱਕ ਹੋਰ ਨਵਾਂ ਨਾਂ ਆ ਜੁੜਿਆ ਹੈ- ਜਗਦੀਸ਼ ਰਾਏ ਕੁਲਰੀਆਂ । ਆਪ ਪਿੰਡ ਕੁਲਰੀਆਂ, ਜ਼ਿਲ੍ਹਾ ਮਾਨਸਾ ਪੰਜਾਬ ਤੋਂ ਹਨ । ਆਪ ਨੇ ਹਿੰਦੀ, ਪੰਜਾਬੀ , ਮਾਸ ਕਮਿਊਨੀਕੇਸ਼ਨ ਤੇ ਸ਼ੋਸ਼ਲ ਵਰਕ 'ਚ ਐਮ. ਏ , ਹਿੰਦੀ 'ਚ ਐਮ. ਫਿਲ ਤੇ ਡਿਪਲੋਮਾ ਪੱਤਰਕਾਰਤਾ ਤੇ ਜਨਸੰਚਾਰ, ਡਿਪਲੋਮਾ ਐਮ.ਪੀ.ਡਬਲਯੂ. ਤੱਕ ਦੀ ਵਿਦਿਅਕ ਯੋਗਤਾ ਹਾਸਿਲ ਕੀਤੀ ਹੈ। ਆਪ ਪੰਜਾਬੀ, ਹਿੰਦੀ ਤੇ ਅੰਗਰੇਜ਼ੀ ਤਿੰਨੋਂ ਭਾਸ਼ਵਾਂ 'ਚ ਮਿੰਨੀ ਕਹਾਣੀ, ਲੇਖ, ਕਵਿਤਾ , ਵਿਅੰਗ ਤੇ ਸ਼ੇਅਰ ਲਿਖਦੇ ਹਨ। ਆਪ ਦਾ ਲੇਖਣ ਕਾਰਜ 1995 ਤੋਂ ਸ਼ੁਰੂ ਹੋਇਆ ।

ਮੌਲਿਕ ਪ੍ਰਕਾਸ਼ਨਾਵਾਂ   :  1. ਹਾਸ਼ੀਏ ਤੋਂ ਮੁੜਦੀ ਜ਼ਿੰਦਗੀ(ਨਾਟਕ)

    2. ਸੰਵਾਦ ਤੇ ਸਿਰਜਣਾ (ਮਿੰਨੀ ਕਹਾਣੀ ਲੇਖਕਾਂ ਨਾਲ ਮੁਲਾਕਾਤਾਂ) ਆਲੋਚਨਾ

ਸੰਪਾਦਨ/ਸਹਿ-ਸੰਪਾਦਨ: 1. ਪੰਜਾਬੀ ਮਿੰਨੀ ਕਹਾਣੀ ਦਾ ਵਰਤਮਾਨ(ਮਿੰਨੀ ਕਹਾਣੀ ਸੰਗ੍ਰਹਿ)        
      2.  ਆਓ ਜਿਊਣ ਜੋਗੇ ਹੋਈਏ(ਸਿਹਤ ਚੇਤਨਾ ਸਬੰਧੀ ਲੇਖ ਸੰਗ੍ਰਹਿ)
    3. ਮੈਂ ਪਾਣੀ ਕਹਾਂ ਕਹਾਣੀ (ਲੇਖ ਸੰਗ੍ਰਹਿ) 
ਖੋਜ ਕਾਰਜ   : ਪੰਜਾਬੀ ਔਰ ਹਿੰਦੀ ਲਘੂਕਥਾ ਕਾ ਤੁਲਨਾਤਾਮਕ ਅਧਿਐਨ(ਹਿੰਦੀ)

ਆਪ ਨੂੰ ਸਿਹਤ ਵਿਭਾਗ ਪੰਜਾਬ ਵਲੋਂ ਸਟੇਟ ਐਵਾਰਡ (2009) ਪ੍ਰਾਪਤ ਹੋਣ ਦੇ ਨਾਲ਼-ਨਾਲ਼ ਹੋਰ ਵੀ ਬਹੁਤ ਸਾਰੀਆਂ ਸੰਸਥਾਵਾਂ ਵਲੋਂ ਸਨਮਾਨ ਕੀਤਾ ਗਿਆ। 
ਅੱਜ ਆਪ ਨੇ ਹਾਇਕੁ ਲੋਕ ਨਾਲ਼ ਸਾਂਝ ਪਾਈ ਹੈ। ਮੈਂ ਆਪ ਦਾ ਹਾਇਕੁ-ਲੋਕ ਮੰਚ 'ਤੇ ਤਹਿ ਦਿਲੋਂ ਸੁਆਗਤ ਕਰਦੀ ਹਾਂ। ਆਸ ਕਰਦੀ ਹਾਂ ਕਿ ਆਪ ਸਾਡੇ ਨਾਲ਼ ਇਸੇ ਤਰਾਂ ਜੁੜੇ ਰਹਿਣਗੇ।

1.
ਸੀਟਾਂ ਨੇ ਖਾਲੀ
ਨਾ ਦਫ਼ਤਰੀ ਬਾਬੂ
ਮੁੜਦੇ ਲੋਕ ।


2.
ਘੜ੍ਹਦੇ ਕਾਨੀ
ਸਿਆਹੀ ਸੀ ਘੋਲ਼ਦੇ
ਵਿੱਸਰੀ ਫੱਟੀ ।

ਜਗਦੀਸ਼ ਰਾਏ ਕੁਲਰੀਆਂ
(ਬਰੇਟਾ-ਮਾਨਸਾ)
ਨੋਟ: ਇਹ ਪੋਸਟ ਹੁਣ ਤੱਕ 45 ਵਾਰ ਖੋਲ੍ਹ ਕੇ ਪੜ੍ਹੀ ਗਈ।