ਦੀਵਾਲੀ-4

ਦੀਵਿਆਂ ਦਾ ਤਿਓਹਾਰ ਦੀਵਾਲੀ , ਹੋਵੇ ਸਦਾ ਇਹ ਕਰਮਾਂਵਾਲੀ , ਮੋਹ ਦਾ ਤੇਲ ਪਾ ਦੀਵੇ ਟਿਮਕਣ , ਹਰ ਚਿਹਰੇ 'ਤੇ ਖੁਸ਼ੀਆਂ ਚਮਕਣ ! ਹਾਇਕੁ-ਲੋਕ ਵਲੋਂ ਸਾਰਿਆਂ ਨੂੰ ਦੀਵਾਲੀ ਮੁਬਾਰਕ!

1.

ਦੀਵਾਲੀ ਰਾਤ 
ਕੀਤੀ ਲਸ਼ਮੀ ਪੂਜਾ 
ਕੁੜੀ ਮਾਰ ਕੇ 

2.
ਦੀਵਾਲੀ ਰਾਤ 
ਜੰਮੀ ਘਰ ਲਸ਼ਮੀ 
ਛਾਈ ਉਦਾਸੀ

3.

ਦੀਪ ਬਲਦਾ 
ਦੂਸਰਿਆ ਖਾਤਿਰ 
ਖੁਦ ਜਲਦਾ

4.
ਚੱਲੇ ਪਟਾਕੇ 
ਕੁਦਰਤ ਉਦਾਸ 
ਫੈਲੇ ਜ਼ਹਿਰ

5.

ਆਤਿਸ਼ਬਾਜੀ 
ਖਿੜਦੀ ਜਾ ਅੰਬਰੀ  
ਫੁੱਲ ਬਣਦੀ

6.
ਨਿਕੜੇ ਬੱਚੇ 
ਫੁਲਝੜੀ ਨੂੰ ਦੇਖ 
ਕਰਦੇ ਚੋਜ

7.

ਮਿੱਟੀ ਦੇ ਦੀਵੇ 
ਵਿੱਚ ਬਲਦੀ ਲਾਟ 
ਦੇਸੀ ਘਿਓ ਦੀ

ਮਨਵੀਰ ਕੌਰ
(ਦੌਧਰ-ਮੋਗਾ) 

ਗੂਗਲ ਦਾਦਾ

'ਜਿਸ ਨੂੰ ਚਾਹ, ਉਸ ਨੂੰ ਲੱਭੇ ਰਾਹ' ਦੇ ਅਨੁਸਾਰ ਜੇ ਕਿਸੇ ਨੂੰ ਕੋਈ ਕੰਮ ਕਰਨ ਦੀ ਦਿਲੋਂ ਇੱਛਾ ਹੋਵੇ, ਤਾਂ ਉਸ ਨੂੰ ਕਰਨ ਦਾ ਢੰਗ ਵੀ ਲੱਭ ਲੈਂਦਾ ਹੈ। ਕੁਝ ਅਜਿਹਾ ਹੀ ਹੋਇਆ ਹਾਇਕੁ-ਲੋਕ ਨਾਲ਼ ਹੁਣੇ-ਹੁਣੇ ਜੁੜੀ ਮਨਵੀਰ ਨਾਲ਼। ਪ੍ਰੋ. ਦਵਿੰਦਰ ਕੌਰ ਸਿੱਧੂ ਦੀ ਪ੍ਰੇਰਨਾ ਸਦਕਾ ਉਹ ਹਾਇਕੁ ਪੜ੍ਹਨ ਲੱਗੀ। 27 ਸਤੰਬਰ 2012 ਨੂੰ ਹਾਇਕੁ-ਲੋਕ 'ਤੇ ਦਿੱਤੇ ਗੂਗਲ ਦੇ 14ਵੇਂ ਜਨਮ ਦਿਨ 'ਤੇ ਹਾਇਕੁ ਲਿਖਣ ਦੇ ਸੱਦੇ ਨੂੰ ਕਬੂਲਦੀ ਮਨਵੀਰ ਓਸ ਕੜੀ 'ਚ ਸ਼ਾਮਲ ਹੋਣ ਲਈ ਹਾਇਕੁ ਲਿਖ ਲਿਆਈ। ਪ੍ਰੋ. ਦਵਿੰਦਰ ਕੌਰ ਸਿੱਧੂ ਦੀ ਦਿੱਤੀ ਸੇਧ ਸਦਕਾ ਅੱਜ ਮਨਵੀਰ ਕੌਰ ਹਾਇਕੁ-ਲੋਕ ਮੰਚ 'ਤੇ ਹਾਜ਼ਰ ਹੈ। 

1.
ਸਾਡਾ ਗੂਗਲ

ਰੰਗ ਹੈ ਬਿਖੇਰਦਾ

ਮਨ ਭਾਉਂਦਾ 

2.

ਇੱਕੋ ਕਲਿੱਕ

ਦੇਵੇ ਦਸ ਜਵਾਬ

ਗੂਗਲ ਦਾਦਾ 

3.

ਉਮਰ ਚੌਦਾਂ 

ਹੈ ਗੂਗਲ ਕਿਸ਼ੋਰ 

ਸਭ ਜਾਣਦਾ 

ਮਨਵੀਰ ਕੌਰ
(ਦੌਧਰ-ਮੋਗਾ)