ਬੱਚੇ ਗਾਉਂਦੇ

1.
ਰਾਤ ਹਨ੍ਹੇਰੀ 
ਲਿਸ਼ਕਦੀ ਬਿਜਲੀ 
ਫੈਲੇ ਸਹਿਮ। 

2.
ਬੱਚੇ ਗਾਉਂਦੇ 
ਮੀਂਹ 'ਚ ਨਹਾਉਂਦੇ 
ਸ਼ੋਰ ਪਾਉਂਦੇ। 

ਪ੍ਰੋ.ਨਿਤਨੇਮ ਸਿੰਘ 
(ਮੁਕਤਸਰ)

ਨੋਟ : ਇਹ ਪੋਸਟ ਹੁਣ ਤੱਕ 18 ਵਾਰ ਪੜ੍ਹੀ ਗਈ। 

ਮੋਰ ਨੱਚਣ

1.

ਚਿੱਟੇ ਬੱਦਲ 
ਰੂੰ ਦੀਆਂ ਪੰਡਾਂ ਜਿਹੇ 
ਉੱਡਦੇ ਜਾਂਦੇ। 



2.
ਮੋਰ ਨੱਚਣ 
ਸੂਹੇ ਪੰਖ ਬਿਖੇਰ 
ਪੈਲਾਂ ਪਾਵਣ। 


ਪ੍ਰੋ. ਨਿਤਨੇਮ ਸਿੰਘ 
(ਮੁਕਤਸਰ) 

ਨੋਟ: ਇਹ ਪੋਸਟ ਹੁਣ ਤੱਕ 15 ਵਾਰ ਖੋਲ੍ਹ ਕੇ ਵੇਖੀ ਗਈ। 

ਖਾਣ ਲਵੇਰੇ

1.
ਭੱਜਣ ਜੱਟ
ਕਹੀਆਂ ਮੋਢੇ ਰੱਖ 
ਪਾਣੀ ਬੰਨਦੇ। 

2.
ਫੁੱਟਦਾ ਘਾਹ 
ਹਰਾ -ਹਰਾ ਚੁਫੇਰੇ 
ਖਾਣ ਲਵੇਰੇ। 

ਪ੍ਰੋ. ਨਿਤਨੇਮ ਸਿੰਘ 
(ਮੁਕਤਸਰ )

ਨੋਟ : ਇਹ ਪੋਸਟ ਹੁਣ ਤੱਕ 30 ਵਾਰ ਪੜ੍ਹੀ ਗਈ। 

ਸੌਣ ਮਹੀਨਾ

1.
ਸੌਣ ਝੜੀਆਂ 
ਬਾਲਣ ਚੁੱਲ੍ਹੇ ਗਿੱਲੇ 
ਅੱਗ ਨਾ ਮੱਚੇ। 
2.
ਗਲੀਏ ਗਾਰਾ 
ਸਿਰ 'ਤੇ ਘੜਾ ਭਾਰਾ 
ਤੁਰਨਾ ਔਖਾ। 

3.
ਸੌਣ ਮਹੀਨਾ 
ਨੱਚਣ ਮੁਟਿਆਰਾਂ 
ਤੀਆਂ ਲਾਉਣ। 

ਪ੍ਰੋ ਨਿਤਨੇਮ ਸਿੰਘ 
(ਮੁਕਤਸਰ)

ਆਵੇ ਛਟਾਕਾ

1.
ਪਾਣੀ ਅੰਦਰ
ਬੁਲਬੁਲੇ ਉੱਠਦੇ
ਤੱਕਣ ਬੱਚੇ।

2.
ਆਵੇ ਛਟਾਕਾ
ਚਲਦੇ ਪਰਨਾਲ਼ੇ
ਵਗਦਾ ਪਾਣੀ ।

3.
ਨੂਰ ਵਸਰੇ
ਕਰੂੰਬਲਾਂ ਫੁੱਟਣ
ਫੁਟਾਰਾ ਹੋਵੇ।

ਪ੍ਰੋ. ਨਿਤਨੇਮ ਸਿੰਘ

ਚੀਚ ਵਹੁਟੀ

1.

ਚੀਚ ਵਹੁਟੀ
ਪਾ ਸੂਟ ਮਖਮਲੀ
ਨਖਰਾ ਕਰੇ। 

2.
ਬੋਲੇ ਕੋਇਲ
ਮੌਸਮਮ ਅਾਸ਼ਕਾਨਾ
ਮਹਿਕੇ ਹਵਾ। 

3.
ਚਿੱਟੇ ਬੱਦਲ਼
ਰੂੰ ਦੀਆਂ ਪੰਡਾਂ ਜਿਹੇ
ਉੱਡਦੇ ਜਾਂਦੇ। 

ਪ੍ਰੋ. ਨਿਤਨੇਮ ਸਿੰਘ
(ਮੁਕਤਸਰ) 

*ਹਾਇਕੁ ਬੋਲਦਾ ਹੈ- ਹਾਇਕੁ-ਸੰਗ੍ਰਹਿ ਵਿੱਚੋਂ ਧੰਨਵਾਦ ਸਹਿਤ

ਛਹਿਬਰਾਂ ਲੱਗਣ

1.
ਪੰਛੀ ਗਾਉਣ
ਸੁਰੀਲੇ ਮਿੱਠੇ ਗੀਤ
ਰੋਜ਼ ਸਵੇਰੇ। 
2.
ਚਿੱਟੀ ਬਰਫ਼
ਚੋਟੀਆਂ 'ਤੇ ਬਿਖਰੇ
ਸੋਹਣੀ ਲੱਗੇ। 
3.
ਕਣੀਆਂ ਪੈਣ
ਛਹਿਬਰਾਂ ਲੱਗਣ
ਖੁਸ਼ਬੋ ਫੈਲੇ। 

ਪ੍ਰੋ. ਨਿਤਨੇਮ ਸਿੰਘ
(ਨਾਨਕਪੁਰ-ਮੁਕਤਸਰ)
ਨੋਟ: ਇਹ ਪੋਸਟ ਹੁਣ ਤੱਕ 23 ਵਾਰ ਖੋਲ੍ਹ ਕੇ ਪੜ੍ਹੀ ਗਈ। 

ਸੱਤਰੰਗੀਆਂ ਪੀਘਾਂ

1.
ਕਾਲਖ ਸੁੱਟੇ
ਫੈਕਟਰੀ ਦਾ ਧੂੰਆਂ 
ਹਵਾ ਨੂੰ ਦੋਸ਼ । 

2.
ਵਹਿੰਦਾ ਪਾਣੀ
ਕਲ-ਕਲ ਕਰਦਾ
ਸੁਰ ਛੇੜਦਾ । 

3.
ਨੀਵਾਂ ਸੂਰਜ
ਸੱਤਰੰਗੀਆਂ ਪੀਘਾਂ 
ਬਣੇ ਨਜ਼ਾਰਾ । 

ਪ੍ਰੋ. ਨਿਤਨੇਮ ਸਿੰਘ 
ਨਾਨਕਪੁਰ-ਮੁਕਤਸਰ 
(ਹਾਇਕੁ ਬੋਲਦਾ ਹੈ ਵਿੱਚੋਂ ਧੰਨਵਾਦ ਸਹਿਤ ) 

ਵਤਨੋਂ ਦੂਰ

1.
ਆਵੇ ਖੁਸ਼ਬੂ
ਵਤਨ ਦੀ ਮਿੱਟੀ ਦੀ 
ਵਤਨੋਂ ਦੂਰ।

2.
ਪਿੰਡ ਦੀ ਯਾਦ
ਸਤਾਉਂਦੀ ਸਭ ਨੂੰ
ਵਤਨੋਂ ਦੂਰ ।

3.
ਪੌਣ ਦਾ ਬੁੱਲਾ
ਸੁਨੇਹਾ ਲਿਆਉਂਦਾ 
ਵਤਨੋਂ ਦੂਰ ।

ਪ੍ਰੋ. ਨਿਤਨੇਮ ਸਿੰਘ
(ਨਾਨਕਪੁਰ-ਮੁਕਤਸਰ) 
* 'ਹਾਇਕੁ ਬੋਲਦਾ ਹੈ' ਵਿੱਚੋਂ ਧੰਨਵਾਦ ਸਹਿਤ 

ਹਾਇਕੁ ਬੋਲਦਾ ਹੈ

ਅੱਜ ਹਾਇਕੁ ਲੋਕ ਨਾਲ਼ ਪ੍ਰੋ. ਨਿਤਨੇਮ ਸਿੰਘ ਨੇ ਆਪਣੀ ਸਾਂਝ ਪਾਈ ਹੈ। ਆਪ ਬਾਟਨੀ ਵਿਸ਼ੇ ਦੇ ਲੈਕਚਰਰ ਵਜੋਂ ਪੰਜਾਬ ਦੇ ਵੱਖ-ਵੱਖ ਕਾਲਜਾਂ 'ਚ ਸੇਵਾ ਨਿਭਾਉਣ ਮਗਰੋਂ 31 ਮਈ 2011 ਨੂੰ ਸਰਕਾਰੀ ਕਾਲਜ ਮੁਕਤਸਰ ਤੋਂ ਸੇਵਾ ਮੁਕਤ ਹੋਏ। ਅੱਜਕੱਲ ਆਪਣੇ ਪਿੰਡ ਨਾਨਕਪੁਰਾ (ਮੁਕਤਸਰ) ਵਿਖੇ ਰਹਿ ਰਹੇ ਹਨ।

ਆਪ ਦਾ ਲਿਖਤੀ ਸਫ਼ਰ 1965 'ਚ ਜਦੋਂ ਆਪ ਪੰਜਵੀਂ ਜਮਾਤ 'ਚ ਪੜ੍ਹਦੇ ਸਨ, ਕੁਝ ਦੇਸ਼ ਭਗਤੀ ਦੇ ਗੀਤ ਲਿਖਣ ਤੋਂ ਸ਼ੁਰੂ ਹੋਇਆ ਪਰ ਅੱਧਵਾਟੇ ਹੀ ਛੁੱਟ ਗਿਆ। ਨੌਕਰੀ 'ਚ ਆਉਣ ਤੋਂ ਬਾਦ ਆਪ ਦੁਬਾਰਾ ਸਾਹਿਤ ਨਾਲ਼ ਜੁੜੇ। ਭਾਵੇਂ ਕਿਸੇ ਦੀ ਵਿਦਿਅਕ ਯੋਗਤਾ ਦਾ ਉਸ ਦੀ ਸਾਹਿਤਕ ਰੁਚੀ ਤੇ ਜਾਣਕਾਰੀ 'ਚ ਕੋਈ ਸਬੰਧ ਨਹੀਂ ਪਰ ਮੁਕਤਸਰ ਕਾਲਜ ਦੇ ਪੰਜਾਬੀ ਵਿਭਾਗ ਵਾਲ਼ਿਆਂ ਨੂੰ ਇੱਕ ਸਾਇੰਸ ਅਧਿਆਪਕ ਦੀ ਸਾਹਿਤਕ ਜਾਣਕਾਰੀ ਰੱਖਣ ਵਾਲ਼ੀ ਗੱਲ ਅੱਢੁਕਵੀਂ ਲੱਗੀ। ਆਪ ਨੇ ਇਸ ਨੂੰ ਚੁਣੌਤੀ ਵਜੋਂ ਲਿਆ ਤੇ ਪਹਿਲਾਂ ਗਜ਼ਲ ਤੇ ਫਿਰ ਹਾਇਕੁ ਸੰਗ੍ਰਹਿ ਪ੍ਰਕਾਸ਼ਿਤ ਕਰਵਾਇਆ। 
ਪ੍ਰੋ. ਨਿਤਨੇਮ ਸਿੰਘ ਜੀ ਨੂੰ ਜੀ ਆਇਆਂ ਕਹਿੰਦੀ ਹੋਈ ਮੈਂ ਆਪ ਦੇ ਹਾਇਕੁ ਸੰਗ੍ਰਹਿ 'ਹਾਇਕੁ ਬੋਲਦਾ ਹੈ' 'ਚੋਂ ਕੁਝ ਹਾਇਕੁ ਸਾਂਝੇ ਕਰਨ ਦੀ ਖੁਸ਼ੀ ਲੈ ਰਹੀ ਹਾਂ।

1.
ਝੂਮਦੇ ਰੁੱਖ
ਨੱਚਣ ਤੇ ਗਾਉਣ
ਸੁੰਦਰ ਪੰਛੀ ।

2.
ਮਹਿਕ ਫੈਲੇ
ਉੱਡਣ ਤਿੱਤਲੀਆਂ 
ਘੁੰਮਣ ਭੌਰੇ।

3.
ਕੋਇਲ ਬੋਲੇ
ਗਾਵੇ ਮਿੱਠੇ ਤਰਾਨੇ
ਅੰਬਾਂ ਉੱਪਰ । 

ਪ੍ਰੋ. ਨਿਤਨੇਮ ਸਿੰਘ 
(ਨਾਨਕਪੁਰ-ਮੁਕਤਸਰ)