ਵੰਗਾਰ

ਭਰੂਣ ਹੱਤਿਆ ਤੋਂ ਜਦੋਂ ਮੈਂ ਬਚੀ 

ਲੱਗਿਆ ਸੁਪਨਾ ਹੋਵੇਗਾ ਹੁਣ ਸਾਕਾਰ ਲੋਕੋ

ਹੋਂਦ ਮੇਰੀ ਬਣ ਗਈ ਪਰ ਅੜਿੱਕਾ
ਜੋੜੀ ਭਰਾਵਾਂ ਦੀ ਵਿਚਕਾਰ ਲੋਕੋ

ਵਿਤਕਰਾ ਮੇਰੇ ਨਾਲ਼ ਹੋ ਗਿਆ ਸ਼ੁਰੂ
ਰੱਖਦਾ ਨਹੀਂ ਸੀ ਕੋਈ ਮੇਰਾ ਖਿ਼ਆਲ ਲੋਕੋ

ਮਾਂ ਮੇਰੀ ਇੱਕ ਔਰਤ ਹੋ ਕੇ ਵੀ
ਕਰਦੀ ਨਹੀਂ ਸੀ ਮੈਨੂੰ ਪਿਆਰ ਲੋਕੋ

ਬਾਪ ਮੇਰੇ ਦਾ ਕਰਜ਼ ਵੀ ਹੋ ਗਿਆ ਹੌਲ਼ਾ
ਵਿੱਚ ਵੇਚ ਕੇ ਭਰੇ ਬਜ਼ਾਰ ਲੋਕੋ

ਬਿਨਾਂ ਮਰਜ਼ੀ ਤੋਂ ਮੈਨੂੰ ਪਿਆ ਜਾਣਾ
ਮਿਲਿਆ ਕੁਦੇਸਣ ਦਾ ਉੱਥੇ ਖ਼ਿਤਾਬ ਲੋਕੋ

ਹੋ ਕੇ ਉਹਨਾਂ ਦੀ ਵੀ ਮੈਂ ਪਰਾਈ ਹੀ ਰਹੀ
ਨਹੀਂ ਮਿਲਿਆ ਕੋਈ ਸਤਿਕਾਰ ਲੋਕੋ

ਹੱਡ ਬੀਤੀ ਇਹ ਜੱਗ ਜਨਣੀਆਂ ਦੀ
ਪਰ ਦਿੰਦੀਆਂ ਸਭ ਨੇ ਇਹ ਵਿਸਾਰ ਲੋਕੋ

ਹੈ ਔਰਤ, ਔਰਤ ਦੀ ਦੁਸ਼ਮਣ
ਕਿਹੋ ਜਿਹਾ ਹੈ ਇਹ ਸੰਸਾਰ ਲੋਕੋ

ਕੋਈ ਅੱਖ ਚੱਕ ਕੇ ਨਹੀਂ ਸੀ ਵੇਖ ਸਕਦਾ
ਬਣਨ ਇਹ ਸਭ ਜੇ ਮੇਰੀ ਢਾਲ਼ ਲੋਕੋ

ਇਤਿਹਾਸ ਵਾਰ-ਵਾਰ ਆਪ ਨੂੰ ਦੁਹਰਾਈ ਜਾਵੇ
ਘਿਰੀ ਮੈਂ ਜਿਊਂਦੀਆਂ  ਲਾਸ਼ਾਂ ਵਿਚਕਾਰ ਲੋਕੋ

ਲੜਾਈ ਪਹਿਚਾਣ ਦੀ ਕਰਨੀ ਹੈ ਖ਼ੁਦ ਪੈਣੀ
ਹੈ ਮੈਨੂੰ ਇਹ ਵੰਗਾਰ ਲੋਕੋ
ਹੈ ਮੈਨੂੰ ਇਹ ਵੰਗਾਰ ਲੋਕੋ

ਅਨਿਲ ਕੁਮਾਰ ਫਰਵਾਹੀ
ਹੈੱਡ ਟੀਚਰ
ਸ  ਪ੍ਰਾ ਸ   ਭੱਠਲਾਂ
81460-44417

ਨੋਟ : ਇਹ ਪੋਸਟ ਹੁਣ ਤੱਕ 51 ਵਾਰ ਪੜ੍ਹੀ ਗਈ ਹੈ।