ਬੁੱਧਾ

ਹਰਜਿੰਦਰ ਢੀਂਡਸਾ  

(ਕੈਨਬਰਾ ) 

ਨੋਟ : ਇਹ ਪੋਸਟ ਹੁਣ ਤੱਕ 46 ਵਾਰ ਪੜ੍ਹੀ ਗਈ।

ਉਸ ਦੀ ਦੁਨੀਆਂ (ਚੋਕਾ)

ਖੇਤੋਂ ਮੁੜਕੇ
ਆਪਣੇ ਘਰ ਵੱਲ
ਮੈਂ ਤੁਰਿਆ ਸੀ
ਪਿੰਡ ਦੀ ਫਿਰਨੀ 'ਤੇ
ਓਹ ਬੈਠੀ ਸੀ
ਪਤਾ ਨਹੀਂ ਕਿਹੜੀ 
ਸੋਚ 'ਚ ਡੁੱਬੀ
ਡੱਕੇ ਨਾਲ ਵਾਹੁੰਦੀ
ਧਰਤੀ ਉੱਤੇ
ਘੁੱਗੂ- ਘਾਂਗੜੇ ਜਿਹੇ
ਗੁੰਮ ਸੁੰਮ ਜੀ
ਨਾ ਆਲੇ ਦੁਆਲੇ ਦੀ
ਕੋਈ ਖਬਰ
ਇੰਝ ਲੱਗਿਆ ਜਿਵੇਂ
ਦੋ ਪਲਾਂ ਵਿੱਚ
ਭਰ ਅੱਖਾਂ 'ਚ ਪਾਣੀ
ਓਹ ਰੋਵੇਗੀ
ਤੇ ਥਰਕਦੇ ਬੁੱਲ੍ਹ
ਮੁਸਕਰਾਹਟ
ਬਾਹਰ  ਸੁੱਟਣਗੇ
ਖੜਕੇ ਉਥੇ 

ਲੱਗਿਆ ਮੈਂ ਸੋਚਣ 

ਓਹ ਦੁਨੀਆਂ 

ਕਿਹੋ ਜਿਹੀ ਹੋਵੇਗੀ 

ਖੁਸ਼ੀਆਂ ਭਰੀ
ਜਾਂ ਪੀੜਾਂ ਦਾ ਪਰਾਗਾ
ਕੌਣ ਹੋਊਗਾ 

ਜੀਹਦੇ  ਨਾਲ ਹੋਊ 

ਇਹ ਵੰਡਦੀ
ਆਪਣੀਆਂ ਖੁਸੀਆਂ
ਤੇ ਅਪਣਾ ਦਰਦ|

ਹਰਜਿੰਦਰ ਢੀਂਡਸਾ 
(ਕੈਨਬਰਾ)

ਮੇਰਾ ਪੰਜਾਬ

1.
ਪਾਲਾ ਕੋਹੜੀ
ਵਿਹੜੇ 'ਚ ਲੋਹੜੀ
ਕੱਠੇ ਮਨਾਈ
ਅੱਗ ਸੇਕਦੇ ਖਾਧੀ 
ਮੂੰਗਫਲੀ ਤੇ ਰੋੜੀ। 

2.
ਮੇਰਾ ਪੰਜਾਬ
ਨਿੱਘਰਦਾ ਹੀ ਜਾਵੇ
ਕੋਈ ਨਾ ਸਾਂਭੇ
ਰਾਖਾ ਕੀ ਕਰੂ ਜਦ
ਵਾੜ ਖੇਤ ਨੂੰ ਖਾਵੇ। 

3.

ਦੇਸ ਪੰਜਾਬ 

ਦਲਦਲ ਫਸਿਆ 

ਕੌਣ ਬਚਾਊ 

ਰਾਜਾ ਵਜੀਰ ਚੋਰ 

ਅਰਜ਼ੀ ਸੁਣੂ ਕੌਣ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ )

ਨੋਟ: ਇਹ ਪੋਸਟ ਹੁਣ ਤੱਕ 11 ਵਾਰ ਪੜ੍ਹੀ ਗਈ

ਮਾਘੀ ਦਾ ਮੇਲਾ ( ਤਾਂਕਾ)

1.                                                       
ਮਾਘੀ ਦਾ ਮੇਲਾ
ਖਿਦਰਾਣੇ ਦੀ ਢਾਬ
ਚਾਲੀ  ਮੁਕਤੇ
ਪੰਜਾਬ ਦੀ ਮੁਕਤੀ
ਕਰੂ ਆਮ ਆਦਮੀ। 


2.
ਮਾਘੀ ਦਾ ਮੇਲਾ
ਅਖਾੜੇ ਚ ਉੱਤਰੇ
ਸਿਆਸੀ ਮੱਲ
ਮੁੱਖ ਤੇ ਭੋਲਾਪਣ
ਖਿਆਲਾਂ ਚ ਕੁਰਸੀ। 

3.
ਪਹਿਲਾ ਮਾਘ
ਸਿਆਸਤਦਾਨਾ ਨੇ
ਗੰਦੀ ਕਰਤੀ
ਦੂਸ਼ਣਬਾਜੀ ਨਾਲ
ਪਵਿੱਤਰ ਧਰਤੀ। 

ਹਰਜਿੰਦਰ ਢੀਂਡਸਾ 
(ਕੈਨਬਰਾ)

ਨੋਟ: ਇਹ ਪੋਸਟ ਹੁਣ ਤੱਕ 69 ਵਾਰ ਪੜ੍ਹੀ ਗਈ

ਸਾਉਣ ਝੜੀ (ਤਾਂਕਾ)

ਬਿਨਾਂ ਐਨਕਾਂ
ਬਾਰੀ ਵਿਚੋਂ ਤੱਕਿਆ
ਰਾਤੀਂ  ਸ਼ਹਿਰ  

ਆਤਸ਼ਬਾਜ਼ੀ ਵਾਂਗੂੰ   

ਲਿਸ਼ਕੀਆਂ ਬੱਤੀਆਂ। 

ਸਾਉਣ ਝੜੀ
ਪਾਣੀ ਦੀਆਂ ਘਰਾਲਾਂ
ਸਿਰੋਂ  ਨਿਕਲ
ਮੁਖੜੇ ਤੋਂ ਹੁੰਦੀਆਂ
ਕੁੜਤੀ 'ਚ ਵੜੀਆਂ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 55 ਵਾਰ ਪੜ੍ਹੀ ਗਈ

ਬੁੱਝਿਆ ਚੁੱਲ੍ਹਾ

1.

ਚੁਫੇਰੇ ਕੋਰਾ 
ਸਿਆਲ ਦੀ ਸਵੇਰ 
ਬੁੱਝਿਆ ਚੁੱਲ੍ਹਾ। 

2.
ਜੂਨ ਮਹੀਨਾ
ਖੜ ਗਿਆ ਹੀਟਰ
ਠੰਡੀ ਰਜਾਈ।

3.
ਸਿਆਲੂ ਦਿਨ
ਧੁੰਦ ਦੇ  ਪਰਦੇ ਨੇ 

 ਕੱਜਿਆ ਪਿੰਡ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 59 ਵਾਰ ਪੜ੍ਹੀ ਗਈ।

ਸਾਉਣ ਝੜੀ (ਤਾਂਕਾ)

1.

ਧੁੰਦਲੀ ਸ਼ਾਮ
ਟਿਮਕਣ  ਬੱਤੀਆਂ
ਪਹਾੜੀ ਉੱਤੇ
ਜੁਗਨੂੰ ਦਾ ਭੁਲੇਖਾ
ਅਕਸਰ ਪਾਉਂਦੀ।

2.
ਬਿਨਾ ਐਨਕਾਂ
ਬਾਰੀ ਵਿਚੋਂ ਤੱਕਿਆ
ਰਾਤੀਂ  ਸ਼ਹਿਰ  

ਅਸ਼ਤਬਾਜ਼ੀ ਵਾਂਗੂੰ   

ਲਿਸ਼ਕੀਆਂ ਬੱਤੀਆਂ। 

3.

ਸਾਉਣ ਝੜੀ
ਪਾਣੀ ਦੀਆਂ ਘਰਾਲਾਂ
ਸਿਰੋਂ  ਨਿਕਲ
ਮੁਖੜੇ ਤੋਂ ਹੁੰਦੀਆਂ
ਕੁੜਤੀ 'ਚ ਵੜੀਆਂ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ )
ਨੋਟ: ਇਹ ਪੋਸਟ ਹੁਣ ਤੱਕ 73 ਵਾਰ ਪੜ੍ਹੀ ਗਈ।

ਚਿੱਟੀ ਧਰਤੀ

1.

ਬੱਦਲਵਾਈ 
ਅਸਮਾਨੋ ਸੂਰਜ 
ਮਾਰੇ ਝਾਤੀਆਂ ।


2.
ਠੰਡੀ ਜੁਲਾਈ 
ਗੜ੍ਹਿਆਂ  ਵਾਲਾ ਮੀਂਹ 
ਚਿੱਟੀ ਧਰਤੀ । 

ਹਰਜਿੰਦਰ ਢੀਂਡਸਾ
(ਕੈਨਬਰਾ)

ਨੋਟ: ਇਹ ਪੋਸਟ ਹੁਣ ਤੱਕ 34 ਵਾਰ ਪੜ੍ਹੀ ਗਈ।

ਹੀਰ ਦੀ ਕਲੀ

1.

ਪਿੱਪਲ ਛਾਵੇਂ 
ਪਿੰਡ ਦੇ ਬਜੁਰਗ 
ਹੀਰ ਦੀ ਕਲੀ । 

2.
ਪਿੱਪਲ ਥੱਲੇ  
ਦਿਓਰ ਭਰਜਾਈ 
ਕਰਦੇ ਗੱਲਾਂ । 

3.
ਛੜਾ  ਅਮਲੀ 
ਪਿੱਪਲ 'ਤੇ ਚੜਿਆ 
ਨਾਨਕਾ ਮੇਲ । 

ਹਰਜਿੰਦਰ ਢੀਂਡਸਾ 
(ਕੈਨਬਰਾ)

ਨੋਟ: ਇਹ ਪੋਸਟ ਹੁਣ ਤੱਕ 29 ਵਾਰ ਪੜ੍ਹੀ ਗਈ। 

ਪਿੱਪਲ

1.
ਪੰਡਤ ਬਾਲੇ 

ਪਿੱਪਲ ਦੀ ਲੱਕੜ 
ਹੋਰਾਂ ਨੂੰ ਪਾਪ । 

2.
ਸੰਧਾਰਾ ਤੀਆਂ 
ਪਿੱਪਲ ਥੱਲੇ ਬੈਠੀ 
ਤਾਈ  ਉਡੀਕੇ । 

3.
ਪਿੰਡ ਦੀ ਸੱਥ 
ਪਿੱਪਲ ਹੇਠਾਂ ਬਾਬੇ 
ਖੇਡਣ ਸੀਪ । 

ਹਰਜਿੰਦਰ ਢੀਂਡਸਾ 
(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 32 ਵਾਰ ਪੜ੍ਹੀ ਗਈ। 

ਪਿੱਪਲੀ ਪੀਂਘਾਂ

1.

ਪਿੱਪਲ ਛਾਵੇਂ 
ਤਾਇਆ ਪੀਵੇ ਚਾਹ 
ਮਾਰ ਸੜ੍ਹਾਕੇ। 



2.
ਪਿੱਪਲੀ ਪੀਂਘਾਂ 
ਪਿੰਡ ਦੀਆਂ ਕੁੜੀਆਂ 
ਸੌਣ ਮਹੀਨਾ। 

ਹਰਜਿੰਦਰ ਢੀਂਡਸਾ 
(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 30 ਵਾਰ ਪੜ੍ਹੀ ਗਈ। 

ਮਾਂ ਦਾ ਬਲੀਦਾਨ

ਪੱਤਝੜ ਦੀ ਸੁੰਨੀ, ਠੰਡੀ ਤੇ ਕਾਲੀ ਬੋਲੀ ਰਾਤ...... ਦੋ ਕੁ ਵਜੇ ਇੱਕ ਚੀਖ ਨਾਲ ਖੁੱਲੀ ਅੱਖ। ਅੱਖਾਂ ਮਲਦਾ ਟਾਰਚ ਚੱਕ ਕੇ ਭੱਜਿਆ ਬੱਤਖਾਂ ਦੇ ਬਾੜੇ  ਵੱਲ। ਵੇਖਿਆ..... ਇੱਕਠੀਆਂ ਹੋਈਆਂ ਇੱਕ ਕੋਨੇ 'ਚ ਖੜੀਆਂ ਹਨ| ਆਲੇ  ਦੁਆਲੇ ਦੇਖਿਆ ਕੁਝ ਨਹੀਂ  ਮਿਲਿਆ, ਵਾਪਿਸ ਘਰ ਅੰਦਰ ਆਇਆ.....ਤਾਂ ਘਰਵਾਲੀ ਨੇ  ਪੁੱਛਿਆ ਕਿ  ਮੋਰਨੀ ਠੀਕ ਹੈ | "ਓਹ ਤੇਰੀ"... ਮੇਰੇ ਤਾਂ ਖਿਆਲ 'ਚ ਈ ਨੀ ਆਇਆ ਕਿ ਇਹ ਮੋਰਨੀ ਦੀ ਚੀਖ ਸੀ ਜੋ ਅੰਡਿਆਂ 'ਤੇ ਬੈਠੀ ਸੀ | ਭੱਜਿਆ ਉਸ ਦੇ ਆਲ੍ਹਣੇ  ਵੱਲ ਜਿਸ ਨੂੰ  ਮੈਂ ਚੰਗੀ ਤਰਾਂ  ਲੂੰਬੜੀ  ਤੋ ਬਚਾਉਣ ਲਈ ਸੁਰੱਖਿਅਤ ਕੀਤਾ ਹੋਇਆ ਸੀ|

            ਲਾਈਟ ਮਾਰੀ ਤਾਂ ਦੇਖਿਆ ਆਲ੍ਹਣਾ ਖਾਲੀ ਸੀ ਤੇ ਅੰਡੇ ਟੁੱਟੇ ਪਏ  ਸਨ| ਇੱਧਰ- ਉਧਰ  ਭੱਜਿਆ ਦੇਖਿਆ ਕਿਤੇ ਕੁਝ ਨਾ ਮਿਲਿਆ| ਵਾਪਿਸ ਆ ਕੇ ਫੇਰ ਆਲ੍ਹਣੇ ਤੇ ਲਾਈਟ ਮਾਰੀ ਤਾਂ ਕੰਨਾਂ 'ਚ ਚੀਂ -ਚੀਂ ਦੀ ਅਵਾਜ ਪਈ | ਸੁਰੱਖਿਆ ਪੈਨਲ ਹਟਾ ਕੇ ਅੰਦਰ ਗਿਆ ਤਾਂ ਦੇਖਿਆ ਤਿੰਨ ਬੱਚੇ ਆਲ੍ਹਣੇ ਦੇ ਇੱਕ ਪਾਸੇ ਬੈਠੇ ਹਨ| ਤਿੰਨਾ ਨੂੰ ਚੁੱਕ ਕੇ ਪੱਲੇ 'ਚ ਪਾ ਲਿਆ ਤੇ ਲੱਗਾ ਚੌਥੇ ਨੂੰ ਲੱਭਣ, ਪਰ  ਉਹ ਨਾ  ਮਿਲਿਆ।  ਇੰਨੇ ਨੂੰ ਘਰਵਾਲੀ ਵੀ ਆ ਗਈ | ਤਿੰਨੇ ਬੱਚੇ ਮੈਂ ਉਸਦੀ ਝੋਲੀ 'ਚ ਪਾ ਦਿੱਤੇ  ਤੇ ਆਪ ਫੇਰ ਕੰਡਿਆਂ ਨਾਲ ਭਰੀਆਂ  ਝਾੜੀਆਂ 'ਚ ਚੌਥੇ ਬੱਚੇ ਨੂੰ ਲੱਭਣ ਲੱਗ ਪਿਆ| ਥੋੜੀ ਕੋਸ਼ਿਸ ਮਗਰੋਂ ਓਹ ਵੀ ਮਿਲ  ਗਿਆ| ਚਾਰੇ ਬੱਚਿਆਂ ਨੂੰ ਅੰਦਰ ਲਿਆ ਕੇ ਓਹਨਾ ਲਈ ਬਰੂਡਰ ਤਿਆਰ  ਕੀਤਾ ਤੇ ਉਸ ਵਿਚ ਰੱਖਿਆ , ਜੋ ਹੁਣ ਤੱਕ ਠੀਕ ਠਾਕ  ਹਨ | ਪਰ ਉਹਨਾ ਦੀ ਮਾਂ  ਕਿਤੇ  ਨਾਂ ਮਿਲੀ। ਸੋਚਿਆ ਸ਼ਾਇਦ ਕੋਠੇ  'ਤੇ ਜਾਂ  ਦਰੱਖਤ 'ਤੇ ਜਾ ਬੈਠੀ ਹੋਵੇਗੀ।  

               ਸਵੇਰੇ ਉੱਠ ਕੇ ਦੇਖਿਆ ਕਿ ਭਾਣਾ  ਤਾਂ ਵਰਤ ਗਿਆ...... ਜਦ  ਵਿਹੜੇ ਵਿੱਚ ਇੱਕ ਜਗਾਹ ਉਸ ਦੇ ਖੰਭ ਮਿਲੇ ਤੇ ਪੱਕਾ ਯਕੀਨ ਹੋ ਗਿਆ ਕਿ  ਲੂੰਬੜੀ ਕਾਰਾ  ਕਰ ਗਈ | ਉਦੋਂ ਤੋਂ ਹੀ ਸੋਚ  ਰਿਹਾਂ ਹਾਂ ਕਿ ਇਹ ਕਿਵੇਂ ਤੇ ਕਿਓਂ ਹੋਇਆ ? ਮੋਰਨੀ ਪਿੱਛਲੇ ਚਾਰ ਹਫਤਿਆਂ ਤੋਂ ਉਥੇ ਹੀ ਬੈਠੀ ਸੀ ਤੇ ਲੂੰਬੜੀ ਰੋਜ ਹੀ ਚੱਕਰ ਲਾਉਦੀ ਸੀ।  ਫੇਰ ਇਹ ਭਾਣਾ ਉਸ ਦਿਨ ਕਿਓਂ  ਵਰਤਿਆ| ਹੌਲੀ ਹੌਲੀ ਸਮਝ ਲੱਗੀ ਕਿ  ਉਸੇ ਦਿਨ ਬੱਚੇ ਨਿਕਲੇ ਸਨ ਤੇ ਬੱਚਿਆਂ ਦੀ ਅਵਾਜ ਨੇ ਲੂੰਬੜੀ  ਨੂੰ ਆਲ੍ਹਣੇ ਵੱਲ ਖਿੱਚਿਆ ਹੋਣਾ ਤੇ ਬੱਚਿਆਂ ਨੂੰ  ਬਚਾਉਣ ਲਈ ਮਾਂ ਨੇ ਆਲ੍ਹਣੇ ਚੋਂ  ਉਡਾਰੀ ਮਾਰ ਦਿੱਤੀ ਤੇ ਲੂੰਬੜੀ ਦੇ ਕਾਬੂ ਆ ਗਈ| ਬਸ ਤਦ ਤੋਂ ਹੀ ਇਹ ਖਿਆਲ ਮਨ ਚ ਘੁੰਮ  ਰਿਹਾ ਕਿ ਕਿਸ ਤਰਾਂ ਇੱਕ  ਮਾਂ ਆਪਣੀ ਜਾਨ ਦੀ ਬਾਜੀ ਲਾ ਕੇ ਵੀ ਆਪਣੇ ਬੱਚਿਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੀ ਹੈ| 

ਮਾਂ ਬਲੀਦਾਨ -

ਵਿਹੜੇ 'ਚ ਖਿਲਰੇ 

ਖੰਭ ਹੀ ਖੰਭ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)
ਨੋਟ : ਇਹ ਪੋਸਟ ਹੁਣ ਤੱਕ 17 ਵਾਰ ਪੜ੍ਹੀ ਗਈ। 

ਜੁੱਤ ਪਤਾਣ

1.

ਮੂੰਹ ਮੋਟਾਪਾ -
ਪਿੱਠਾਂ ਜੋੜੀ ਮੰਜੇ 'ਤੇ
ਨਵ ਵਿਆਹੇ ।

2.

ਜੁੱਤ ਪਤਾਣ -
ਫਿਰੇ ਲੋਕਾਂ ਦੱਸਦਾ
ਚੁੰਮਣ ਚਾਟਾ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)

ਨੋਟ : ਇਹ ਪੋਸਟ ਹੁਣ ਤੱਕ 06 ਵਾਰ ਪੜ੍ਹੀ ਗਈ। 

ਤੀਜਾ ਪਹਿਰ

1.

ਤੀਜਾ ਪਹਿਰ
ਹੱਥ ਫੜ ਕਰਦੇ
ਮਾਂ ਪਿਓ ਸੈਰ।

2.

ਪੋਤੇ ਦੇਖਣ
ਸਾਇਕਲ 'ਤੇ ਬੈਠੇ
ਦਾਦਾ ਤੇ ਦਾਦੀ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)

ਨੋਟ: ਇਹ ਪੋਸਟ ਹੁਣ ਤੱਕ 36 ਵਾਰ ਪੜ੍ਹੀ ਗਈ।

ਖਿਆਲਾਂ ਦੀ ਦੁਨੀਆਂ

1.

ਸਿਆਲੂ ਰਾਤ 

ਭਿੱਜਿਆ ਸਿਰਹਾਣਾ 

ਹੰਝੂਆਂ ਨਾਲ। 

2.

ਨਿੱਘੀ ਰਜਾਈ 

ਖਿਆਲਾਂ ਦੀ ਦੁਨੀਆਂ 

ਅੱਖਾਂ ਭਰੀਆਂ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)

 ਨੋਟ: ਇਹ ਪੋਸਟ ਹੁਣ ਤੱਕ 32 ਵਾਰ ਪੜ੍ਹੀ ਗਈ।

ਨਸ਼ੇ ਵਿਰੁੱਧ ਧਰਨਾ (ਚੋਕਾ)

ਨਸ਼ੇ ਵਿਰੁੱਧ 

ਧਰਨੇ ਦੀ ਤਿਆਰੀ 

ਪਿੰਡ ਦੀ ਜੂਹ 

ਕੱਠੇ ਹੋਏ ਅਮਲੀ
ਨਸ਼ੇ ਦੀ ਤੋੜ 

ਸਰਕਾਰੀ ਧਰਨਾ 

ਬੱਸ 'ਚ ਬੈਠੇ 

ਬੱਸ ਵਿੱਚ ਚੱਲਿਆ 

ਨਸ਼ੇ ਦਾ ਦੌਰ 

ਡੱਬ ਵਿੱਚ ਬੋਤਲ 

ਜੇਬ 'ਚ ਭੁੱਕੀ 

ਆਖਿਆ ਸਰਪੰਚ 

ਲਾਓ ਨਾਹਰਾ
ਨਸ਼ੇ ਕਰਨੇ ਬੰਦ 

ਉੱਚੀ ਹੇਕ 'ਚ 

ਅਮਲੀਆਂ ਲਾਇਆ 

ਪਿੰਡ ਚ ਚਿੱਟਾ 

ਵੜਨ ਨਹੀਂ ਦੇਣਾ 

ਠੇਕਾ ਸ਼ਰਾਬ 

ਪਿੰਡ ਤੋਂ ਬਾਹਿਰ 

ਅਸੀਂ ਦੇਵਾਂਗੇ

ਬਾਡਰ 'ਤੇ ਪਹਿਰਾ 

ਮਾਰੇ ਬੜਕਾਂ 

ਚੱਕ ਦਿਆਂਗੇ ਫੱਟੇ
ਨਸ਼ੇ 'ਚ ਟੁੰਨ 

ਸਰਪੰਚ ਹੱਸਿਆ 

ਖਚਰਾ ਹਾਸਾ 

ਕਰ ਲਈ ਕਮਾਈ 

ਮਨ 'ਚ ਸੋਚੇ 

ਚੇਅਰਮੈਨੀ ਪੱਕੀ 

ਪੰਚਾਇਤ ਸੰਮਤੀ|

ਹਰਜਿੰਦਰ ਢੀਂਡਸਾ 

(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 06 ਵਾਰ ਪੜ੍ਹੀ ਗਈ। 

ਮੇਲੇ ਦੀ ਰੁੱਤ

1.

ਹਵਾ ਦੀ ਬੁੱਲਾ 
ਤਪਦੀ ਦੁਪਿਹਰ 
ਚੋਵੇ ਪਸੀਨਾ। 

2.
ਸਾਲ ਦਾ ਅੰਤ 
ਅੱਤ ਦੀ ਗਰਮ ਲੂ 
ਛੁੱਟੀ ਉਡੀਕਾਂ। 

3.
ਕ੍ਰਿਸਮਿਸ ਡੇ 
ਖਰੀਦੋ ਫਰੋਕਤ 
ਭੀੜ ਦੁਕਾਨੀ। 

4.
ਮੇਲੇ ਦੀ ਰੁੱਤ 
ਖਿਡੌਣੇ  ਖਰੀਦਣ 
ਬੱਚੇ ਚੀਕਣ। 

ਹਰਜਿੰਦਰ ਢੀਂਡਸਾ 
(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 32 ਵਾਰ ਪੜ੍ਹੀ ਗਈ। 

ਅੰਬਰ ਨੀਲਾ

1.

ਸ਼ਾਂਤ ਮੌਸਮ
ਹਿਲਿਆ ਦਰਖਤ
ਹਵਾ ਦਾ ਬੁੱਲਾ।

2.

ਹਵਾ ਦਾ ਝੋਂਕਾ
ਝੀਲ ਦੀਆਂ ਲਹਿਰਾਂ
ਤੈਰੇ ਬੱਤਖ਼। 

3.

ਅੰਬਰ ਨੀਲਾ
ਨਿਕਲੀ ਕਾਂ ਦੀ ਅੱਖ
ਤੋਤਾ ਉੜਿਆ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 25 ਵਾਰ ਪੜ੍ਹੀ ਗਈ। 

ਸੂਰਜਮੁਖੀ

1.

ਰੰਗਲਾ ਤੋਤਾ
ਸਿਖਰ ਦੁਪਿਹਰ
ਖੰਭੇ ਤੇ ਬੈਠਾ। 



2.
ਸੋਹਣਾ ਦਿਨ 
ਦਫਤਰ ਦੀ ਬਾਰੀ  
ਤੱਕਾਂ ਬੱਦਲ। 



3.
ਸੂਰਜਮੁਖੀ 
ਸਿਖਰ ਦੁਪਿਹਰ 
ਅੰਬਰੀ ਦੇਖੇ। 

ਹਰਜਿੰਦਰ ਢੀਂਡਸਾ 
(ਕੈਨਬਰਾ) 

ਨੋਟ: ਇਹ ਪੋਸਟ ਹੁਣ ਤੱਕ 29 ਵਾਰ ਪੜ੍ਹੀ ਗਈ।

ਕਿੱਟੀ ਪਾਰਟੀ

1.
ਸਿਆਲੂ ਰਾਤ-
ਖੁੱਲੇ ਖੇਤਾਂ ਚ ਸੇਕਾਂ 

ਅੱਗ ਦੀ ਧੂਣੀ। 

2.
ਕਿੱਟੀ ਪਾਰਟੀ -

ਕੁੜਤੀ ਤੇ ਸੁਰਖੀ 

ਇੱਕੋ ਰੰਗ ਦੇ। 

3.
ਸ਼ੁੱਕਰਵਾਰ-
ਪਾਰਟੀ ਦੀ ਤਿਆਰੀ 
ਪੂਰੀ ਟੌਹਰ। 



ਹਰਜਿੰਦਰ ਢੀਂਡਸਾ 
(ਕੈਨਬਰਾ)

ਨੋਟ : ਇਹ ਪੋਸਟ ਹੁਣ ਤੱਕ 12 ਵਾਰ ਪੜ੍ਹੀ ਗਈ।