ਫੁੱਲਾਂ ਦੇ ਸੰਗ (ਤਾਂਕਾ)

1.

ਇਹ ਜ਼ਿੰਦਗੀ

ਮੇਰਾ ਈ ਪਰਛਾਵਾਂ

ਕਰੇ ਸਵਾਲ

ਸਮਾਂ ਫੇਰ ਨਾ ਮਿਲੇ

ਕਰ ਲੈ ਸੁਆਗਤ

2.

ਨੀਲਾ ਆਕਾਸ਼
ਸੁਪਨੇ ਦੀ ਉਡਾਰੀ
ਜਿਵੇਂ ਪਤੰਗ

ਮਹਿਕੀ ਫੁੱਲਵਾੜੀ
ਹੁਣ ਫੁੱਲਾਂ ਦੇ ਸੰਗ 

ਕਸ਼ਮੀਰੀ ਲਾਲ ਚਾਵਲਾ

ਨੋਟ : ਇਹ ਪੋਸਟ ਹੁਣ ਤੱਕ 32 ਵਾਰ ਪੜ੍ਹੀ ਗਈ ਹੈ।

ਮੁਹੱਬਤ (ਤਾਂਕਾ)

1.

ਚਾਰ ਚੁਫੇਰੇ 

ਮੰਦਰ ਮਸਜਿਦ 

ਤਾਂ ਵੀ ਮਨਾਂ 'ਚ 

ਇੱਕ ਦੂਜੇ ਵਾਸਤੇ 

ਘਿਰਣਾ ਤੇ ਈਰਖਾ।

2.

ਮੁਹੱਬਤ 'ਚ 

ਪਿਆਰੇ ਤੋਂ ਪਰਦਾ 

ਦਿੰਦਾ ਹੈ ਤੋੜ  

ਮੁਹੱਬਤ ਦੀ ਡੋਰ  

ਪਿਆਰੇ ਦਾ ਦਿਲ ਵੀ।  

3.

 ਪੈਸੇ ਨੂੰ ਖੁਦਾ 

ਸਮਝਦਾ ਹੈ ਬੰਦਾ 

ਪੈਸੇ ਖਾਤਰ 

ਇਹ ਸਭ ਰਿਸ਼ਤੇ 

ਤਿਆਗ ਹੈ ਸਕਦਾ। 

ਮਹਿੰਦਰ ਮਾਨ
ਪਿੰਡ ਤੇ ਡਾਕ
ਰੱਕੜਾਂ ਢਾਹਾ
ਸ਼ਹੀਦ  ਭਗਤ  ਸਿੰਘ  ਨਗਰ

ਨੋਟ : ਇਹ ਪੋਸਟ ਹੁਣ ਤੱਕ 15 ਵਾਰ ਪੜ੍ਹੀ ਗਈ ਹੈ। 

ਸ਼ੱਕ ਦਾ ਛੇਕ (ਤਾਂਕਾ )

1.

ਸ਼ੱਕ ਦਾ ਛੇਕ 

ਪਿਆਰ ਵਾਲੀ ਬੇੜੀ 

ਕਦੇ ਨਾ ਪਾਰ 

ਲੱਗਣ ਦੇਵੇ ਯਾਰੋ 

ਸਦਾ ਡੋਬੇ ਵਿਚਾਲੇ। 

2.

ਪੇਟ ਖਾਤਰ 

ਵਿਦੇਸ਼ਾਂ 'ਚ ਰੁਲਦੇ 

ਪੁੱਤ ਮਾਵਾਂ ਦੇ 

ਹੈ ਉਨ੍ਹਾਂ ਨੂੰ ਵੀ ਮੋਹ 

ਦੇਸ਼ ਆਪਣੇ ਨਾਲ। 

mihMdr mwn

ipMf qy fwk r~kVW Fwhw

(S.B.s.ngr)
ਨੋਟ : ਇਹ ਪੋਸਟ ਹੁਣ ਤੱਕ 25 ਵਾਰ ਪੜ੍ਹੀ ਗਈ ਹੈ। 

ਮੌਜ਼ ਬਹਾਰਾਂ (ਤਾਂਕਾ)

1.
ਦਲਾਨ ਚੋਂਦਾ 
ਪੜਛੱਤੀ 'ਤੇ ਪਿਆ 
ਬੇਬੇ ਮਾਂ ਦੀਆਂ 
ਯਾਦਾਂ ਵਿੱਚ ਡੁੱਬਿਆ 
ਨਿੱਤ ਚਰਖਾ ਰੋਂਦਾ। 

2.
ਅੰਮ੍ਰਿਤ ਬਾਣੀ 
ਸ਼ਬਦ ਸਿਰੋਪਾਓ 
ਅੱਖਰ ਮੋਤੀ 
ਕਾਗਜ਼ਾਂ 'ਤੇ ਵਿਛ ਕੇ 
ਚੰਦ ਨਗਮੇ ਬਣੇ। 
3.
ਘਰਾਂ 'ਚ ਮਾਪੇ 
ਨਾ ਫਿਕਰ ਨਾ ਫ਼ਾਕੇ 
ਮੌਜ਼ ਬਹਾਰਾਂ 
ਸਿਰ ਠੰਢੀਆਂ ਛਾਵਾਂ 
ਘਰ ਮੰਦਰ ਜਾਪੇ। 

ਬੁੱਧ ਸਿੰਘ ਚਿੱਤਰਕਾਰ 
ਪਿੰਡ :ਨਡਾਲੋਂ 
ਹੁਸ਼ਿਆਰਪੁਰ 
ਨੋਟ : ਇਹ ਪੋਸਟ ਹੁਣ ਤੱਕ 137 ਵਾਰ ਪੜ੍ਹੀ ਗਈ।

ਹੱਥਾਂ ਦੇ ਛਾਲੇ (ਤਾਂਕਾ )

1.
ਰਾਹਾਂ ਦੇ ਕੰਡੇ 
ਪੈਰਾਂ ਦੀਆਂ  ਠੋਕਰਾਂ 
ਹੱਥਾਂ ਦੇ ਛਾਲੇ 
ਉਮਰਾਂ ਦੇ ਉਲਾਂਬੇ 
ਅੰਗ ਸੰਗ ਹੀ ਰਹੇ। 

2.

ਉਦਾਸ ਘਰ 
ਘਰ ਦੁੱਖਾਂ ਦੇ ਡੇਰੇ 
ਬਿਪਤਾ ਘੇਰੇ 
ਨੂੰਹ ਮਟੀਆਂ ਧੋਵੇ 
ਸੱਸ ਪੂਜੇ ਜਠੇਰੇ। 

3.
ਟੁੱਟੇ ਚੰਦ ਦਾ 
ਦੇਖ ਇੱਕ ਟੁੱਕੜਾ 
ਤਾਜ਼ਾ ਹੋਇਆ 
ਫੁੱਟ -ਫੁੱਟ ਰੋਇਆ 
ਇੱਕ ਮੇਰਾ ਦੁੱਖੜਾ। 

ਬੁੱਧ ਸਿੰਘ ਚਿੱਤਰਕਾਰ 
ਪਿੰਡ :ਨਡਾਲੋਂ 
ਹੁਸ਼ਿਆਰਪੁਰ 
ਨੋਟ : ਇਹ ਪੋਸਟ ਹੁਣ ਤੱਕ 71 ਵਾਰ ਪੜ੍ਹੀ ਗਈ।

ਮੌਤ ਦਾ ਡਰ (ਤਾਂਕਾ )

1.

ਮੌਤ ਦਾ ਡਰ

ਰੱਬ ਦਾ ਨਾਂ ਜਪਾਵੇ

ੲਿਸ ਬੰਦੇ ਤੋਂ

ਨਹੀਂ ਤਾਂ ੲਿਹ ਬੰਦਾ

ਰੱਬ ਨੂੰ ਕੀ ਮੰਨਦਾ ? 

2.

ਖਿੜਦੇ ਫੁੱਲਾਂ

ਮਹਿਕਾਂ ਖਿਲਾਰੀਅਾਂ

ਚਾਰ ਚੁਫੇਰੇ

ਅਾ ਗੲੀਅਾਂ ਰੌਣਕਾਂ

ਬੁਝੇ ਚਿਹਰਿਅਾਂ 'ਤੇ ।

ਮਹਿੰਦਰ ਮਾਨ 

ਪਿੰਡ ਤੇ ਡਾਕ ਰੱਕੜਾਂ ਢਾਹਾ

 ਸ.ਭ.ਸ. ਨਗਰ

ਨੋਟ : ਇਹ ਪੋਸਟ ਹੁਣ ਤੱਕ 23 ਵਾਰ ਪੜ੍ਹੀ ਗਈ।

ਮਿੱਤਰਚਾਰਾ (ਤਾਂਕਾ )

1.

ਬੇੲਿਲਾਜ ਹੈ

ਵਹਿਮ ਦੀ ਬੀਮਾਰੀ 

ਲਾ ਨਾ ਬਹਿਣਾ

ਲੱਗ ਜਾੲੇ ਜਿਸ ਨੂੰ

ਨਹੀਂ ਬਚਦਾ ੳੁਹ ।

2.

ਟੁੱਟੀ ਸੜਕ

ਦੁਰਘਟਨਾਵਾਂ ਨੂੰ

ਅਾਪ ਬੁਲਾਵੇ

 ਹੋ ਕੇ ਸੁਚੇਤ ਜ਼ਰਾ

ੲਿਸ 'ਤੇ ਤੁਰੀਂ ਯਾਰਾ ।

3.

ਨਾਗਾਂ ਦੇ ਨਾਲ

ਰਾਸ ਕਦੇ  ਨਾ ਅਾਵੇ

ਮਿੱਤਰਚਾਰਾ

ਦੇਖ ਲਓ ਬੇਸ਼ੱਕ 

ਅਜ਼ਮਾ ਕੇ ਮਿੱਤਰੋ ।

ਮਹਿੰਦਰ ਮਾਨ 

ਨੋਟ : ਇਹ ਪੋਸਟ ਹੁਣ ਤੱਕ 33 ਵਾਰ ਪੜ੍ਹੀ ਗਈ।

ਮੌਤ ਦਾ ਡਰ (ਤਾਂਕਾ)

1.

ਖਿੜਦੇ ਫੁੱਲਾਂ 

ਮਹਿਕਾਂ ਖਿਲਾਰੀਅਾਂ

ਚਾਰ ਚੁਫੇਰੇ

ਅਾ ਗੲੀਅਾਂ ਰੌਣਕਾਂ

ਬੁਝੇ ਚਿਹਰਿਅਾਂ 'ਤੇ ।

2.

ਮੌਤ ਦਾ ਡਰ

ਰੱਬ ਦਾ ਨਾਂ ਜਪਾਵੇ

ੲਿਸ ਬੰਦੇ ਤੋਂ

ਨਹੀਂ ਤਾਂ ੲਿਹ ਬੰਦਾ

ਰੱਬ ਨੂੰ ਕੀ ਮੰਨਦਾ ।

ਮਹਿੰਦਰ ਮਾਨ

ਪਿੰਡ ਤੇ ਡਾਕ ਰੱਕੜਾਂ ਢਾਹਾ

 ਸ.ਭ.ਸ. ਨਗਰ

ਨੋਟ : ਇਹ ਪੋਸਟ ਹੁਣ ਤੱਕ 35 ਵਾਰ ਪੜ੍ਹੀ ਗਈ।

ਬੰਦੇ ਦੇ ਕਾਰੇ (ਤਾਂਕਾ)

ਅੱਜ ਸਾਡੇ ਨਾਲ ਇੱਕ ਨਵਾਂ ਨਾਂ ਆ ਜੁੜਿਆ ਹੈ - ਮਹਿੰਦਰ ਸਿੰਘ ਮਾਨ। ਆਪ ਰਿਟਾਇਰਡ ਹੈਡ ਮਾਸਟਰ ਨੇ ਤੇ ਸਾਹਿਤ ਰਚਨਾ ਨਾਲ ਜੁੜੇ ਹੋਏ ਹਨ। ਆਪ ਮਿੰਨੀ ਕਹਾਣੀ, ਗ਼ਜ਼ਲ ਤੇ ਖੁੱਲ੍ਹੀ ਕਵਿਤਾ ਲਿਖਦੇ ਨੇ ਜੋ ਸਮੇਂ ਸਮੇਂ 'ਤੇ ਵੱਖੋ -ਵੱਖਰੇ ਵੈਬ ਰਸਾਲਿਆਂ 'ਚ ਪ੍ਰਕਾਸ਼ਿਤ ਹੁੰਦੀਆਂ ਰਹਿੰਦੀਆਂ ਨੇ। ਅੱਜ ਆਪ ਨੇ ਤਾਂਕਾ ਲਿਖ ਕੇ ਸਫ਼ਰਸਾਂਝ ਨਾਲ ਆ ਜੁੜੇ ਨੇ। ਅਸੀਂ ਆਪ ਦਾ ਨਿੱਘਾ ਸੁਆਗਤ ਕਰਦੇ ਹਾਂ। 

1.
ਪਿਆਸੇ ਪੰਛੀ
ਕਿਤੇ ਦਿਸੇ ਨਾ ਪਾਣੀ
ਬੰਦੇ ਦੇ ਕਾਰੇ
ਭੁਗਤਣ ਨਤੀਜੇ
ਬੇਜ਼ੁਬਾਨੇ ਵਿਚਾਰੇ।

2.
ਸ਼ਰਾਬੀ ਬੰਦਾ
ਘਰ 'ਚ ਭੁੱਜੇ ਭੰਗ
ਕਰੇ ਨਾ ਸੰਗ
ਕਹਿੰਦਾ ਮੇਰੇ ਜਿੰਨਾ
ਖੁਸ਼ ਕੋਈ ਨਾ ਏਥੇ। 



ਮਹਿੰਦਰ ਮਾਨ
ਪਿੰਡ ਤੇ ਡਾਕ
ਰੱਕੜਾਂ ਢਾਹਾ
ਸ਼ਹੀਦ  ਭਗਤ  ਸਿੰਘ  ਨਗਰ

ਨੋਟ : ਇਹ ਪੋਸਟ ਹੁਣ ਤੱਕ 23 ਵਾਰ ਪੜ੍ਹੀ ਗਈ।

ਲੁਕ ਲੁਕ ਤੱਕਦੇ (ਤਾਂਕਾ)

1.
ਰੋਗੀ ਵਿਰਤੀ 
ਸੋਗ ਮਈ ਸੁਭਾਅ 
ਮਰ ਜਾਂਦੇ ਨੇ 
ਇੱਕ -ਇੱਕ ਕਰਕੇ 
ਮਨ ਵਿਚਲੇ ਚਾਅ। 

2.
ਅੱਜ ਅਕਾਸ਼ੀਂ 
ਚੰਦ ਅਤੇ ਸੂਰਜ 
ਇੱਕ ਦੂਜੇ ਨੂੰ 
ਲੁਕ ਲੁਕ ਤੱਕਦੇ 
ਖਿੜ੍ਹ -ਖਿੜ੍ਹ ਹੱਸਦੇ। 

ਬੁੱਧ ਸਿੰਘ ਚਿੱਤਰਕਾਰ 
ਪਿੰਡ :ਨਡਾਲੋਂ 
ਹੁਸ਼ਿਆਰਪੁਰ 
ਨੋਟ: ਇਹ ਪੋਸਟ ਹੁਣ ਤੱਕ 38 ਵਾਰ ਖੋਲ੍ਹੀ ਗਈ 

ਸੁਪਨੇ (ਤਾਂਕਾ )

1.
ਘਰ ਤਿਆਗੇ 
ਪਰਦੇਸ ਹੰਢਾਏ 
ਮਾਪੇ ਗਵਾਏ 
ਸੁਪਨੇ ਵੀ ਸਜਾਏ 
ਕਿਸੇ ਕੰਮ ਨਾ ਆਏ। 

2.
ਲੋਕਾਂ ਦਾ ਰਾਜ਼ 
ਲੋਕਾਂ ਦੀ ਅਦਾਲਤ 
ਹੈ ਜਹਾਲਤ 
ਦਿਨੋਂ ਦਿਨ ਨਿੱਘਰੀ 
ਮੁਲਕ ਦੀ ਹਾਲਤ। 

ਬੁੱਧ ਸਿੰਘ ਚਿੱਤਰਕਾਰ 
(ਪਿੰਡ:ਨਡਾਲੋਂ) 
ਜ਼ਿਲ੍ਹਾ :ਹੁਸ਼ਿਆਰਪੁਰ 

ਨੋਟ: ਇਹ ਪੋਸਟ ਹੁਣ ਤੱਕ 165 ਵਾਰ ਪੜ੍ਹੀ ਗਈ

ਤਨ ਚਮੜਾ (ਤਾਂਕਾ)

1.
ਦੁੱਖਾਂ ਦਾ ਗਜ਼ 
ਆਦਰ ਦੀਆਂ ਤਾਰਾਂ 
ਤਨ ਚਮੜਾ 
ਖਿੱਚ -ਖਿੱਚ ਮੜ੍ਹਿਆ 
ਰੁੱਖ ਰਬਾਬ ਬਣੇ। 
2.
ਬੜਾ ਸੰਤਾਪ 
ਬਿਮਾਰ ਪੁੱਤਰ ਦੀ 
ਬਾਂਹ ਫੜ੍ਹ ਕੇ 
ਸੜਕ ਲੰਘਾਉਂਦਾ 
ਇੱਕ ਬਿਰਧ ਬਾਪ। 

ਬੁੱਧ ਸਿੰਘ ਚਿੱਤਰਕਾਰ 
ਪਿੰਡ :ਨਡਾਲੋਂ 
ਜ਼ਿਲ੍ਹਾ -ਹੁਸ਼ਿਆਰਪੁਰ 
ਨੋਟ: ਇਹ ਪੋਸਟ ਹੁਣ ਤੱਕ 162 ਵਾਰ ਪੜ੍ਹੀ ਗਈ 

ਸੱਜਰੀ ਧੁੱਪ (ਤਾਂਕਾ)

1.

ਸ਼ੌਕ ਅਨੋਖਾ

ਤੜਕੇ ਲੱਸੀ ਪੀ ਕੇ

ਫੜੇ ਬੰਦੂਕ

ਧੁਸੀ ਲੱਭੇ ਸ਼਼ਿਕਾਰ

ਮੁੜਦਾ ਪੱਲੇ ਝਾੜ। 

2.
ਪੰਛੀ ਗਾਉਣ 

ਵਗਦੀ ਮਿੱਠੀ ਪੌਣ

ਸੱਜਰੀ ਧੁੱਪ

ਟ੍ਰੈਕਟਰ ਘੂਕਣ

ਟਿਊਵੈਲ ਛੂਕਣ। 

3.
ਨਵੀਂ ਸੜਕ

ਪਹੁੰਚੀ ਪਿੰਡੋ ਪਿੰਡ

ਮੌਜਾਂ ਲੱਗੀਆਂ 

ਸਾਈਕਲ ਦੀ ਥਾਂ 'ਤੇ

ਸਕੂਟਰ ਤੇ ਕਾਰਾਂ। 
ਇੰਜ: ਜੋਗਿੰਦਰ ਸਿੰਘ "ਥਿੰਦ "
  (ਸਿਡਨੀ)
ਨੋਟ: ਇਹ ਪੋਸਟ ਹੁਣ ਤੱਕ 34 ਵਾਰ ਪੜ੍ਹੀ ਗਈ 

ਤੇਰੇ ਨਾਮ(ਤਾਂਕਾ)

1.

ਅੱਜ ਦਾ ਦਿਨ  

ਉਦਾਸੀ ਭਰੀ ਸ਼ਾਮ 

ਕਰ ਚੱਲੇ ਹਾਂ 

ਇਹ ਆਖਰੀ ਸ਼ਾਮ 

ਸੱਜਣਾਂ ਤੇਰੇ ਨਾਮ। 

2.

ਤਨ ਮੁੱਕਿਆ 

ਹੱਡੀਆਂ ਦਾ ਪਿੰਜਰ 

ਸੀਨੇ ਖੰਜਰ 

ਵੇਖ ਬੰਦੇ ਦੀ ਹੋਣੀ 

ਤਬਾਹੀ ਦਾ ਮੰਜਰ। 

ਬੁੱਧ ਸਿੰਘ ਚਿੱਤਰਕਾਰ 

ਪਿੰਡ :ਨਡਾਲੋਂ 

ਜਿਲ੍ਹਾ :ਹੁਸ਼ਿਆਰਪੁਰ 
ਨੋਟ: ਇਹ ਪੋਸਟ ਹੁਣ ਤੱਕ 112 ਵਾਰ ਪੜ੍ਹੀ ਗਈ    

ਦਿਨ ਬਸੰਤੀ (ਤਾਂਕਾ )

1.

ਮੋਹ ਗਲੋਟੇ 
ਚਾਵਾਂ ਨਾਲ ਅਟੇਰੇ

ਉਲਝੇ ਤੰਦ

ਚੜ ਮਚੀ ਸ਼ਰੀਕੇ

ਹੋਈ ਜੱਗ ਹਸਾਈ। 

2.

ਲਿਪਦੀ ਫਿਰਾਂ

ਦਲਾਨ ਕੋਠੜੀਆਂ

ਚੜਦੀ ਧੁੱਪੇ

ਦਿਨ ਬਸੰਤੀ ਆਏ

ਰੰਗ ਪਿਆਰ ਵਾਲੇ।

ਕਮਲਾ ਘਟਾਔਰਾ 
ਯੂ ਕੇ 

ਨੋਟ: ਇਹ ਪੋਸਟ ਹੁਣ ਤੱਕ 44 ਵਾਰ ਪੜ੍ਹੀ ਗਈ    

ਮੇਰਾ ਪੰਜਾਬ

1.
ਪਾਲਾ ਕੋਹੜੀ
ਵਿਹੜੇ 'ਚ ਲੋਹੜੀ
ਕੱਠੇ ਮਨਾਈ
ਅੱਗ ਸੇਕਦੇ ਖਾਧੀ 
ਮੂੰਗਫਲੀ ਤੇ ਰੋੜੀ। 

2.
ਮੇਰਾ ਪੰਜਾਬ
ਨਿੱਘਰਦਾ ਹੀ ਜਾਵੇ
ਕੋਈ ਨਾ ਸਾਂਭੇ
ਰਾਖਾ ਕੀ ਕਰੂ ਜਦ
ਵਾੜ ਖੇਤ ਨੂੰ ਖਾਵੇ। 

3.

ਦੇਸ ਪੰਜਾਬ 

ਦਲਦਲ ਫਸਿਆ 

ਕੌਣ ਬਚਾਊ 

ਰਾਜਾ ਵਜੀਰ ਚੋਰ 

ਅਰਜ਼ੀ ਸੁਣੂ ਕੌਣ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ )

ਨੋਟ: ਇਹ ਪੋਸਟ ਹੁਣ ਤੱਕ 11 ਵਾਰ ਪੜ੍ਹੀ ਗਈ

ਮਾਘੀ ਦਾ ਮੇਲਾ ( ਤਾਂਕਾ)

1.                                                       
ਮਾਘੀ ਦਾ ਮੇਲਾ
ਖਿਦਰਾਣੇ ਦੀ ਢਾਬ
ਚਾਲੀ  ਮੁਕਤੇ
ਪੰਜਾਬ ਦੀ ਮੁਕਤੀ
ਕਰੂ ਆਮ ਆਦਮੀ। 


2.
ਮਾਘੀ ਦਾ ਮੇਲਾ
ਅਖਾੜੇ ਚ ਉੱਤਰੇ
ਸਿਆਸੀ ਮੱਲ
ਮੁੱਖ ਤੇ ਭੋਲਾਪਣ
ਖਿਆਲਾਂ ਚ ਕੁਰਸੀ। 

3.
ਪਹਿਲਾ ਮਾਘ
ਸਿਆਸਤਦਾਨਾ ਨੇ
ਗੰਦੀ ਕਰਤੀ
ਦੂਸ਼ਣਬਾਜੀ ਨਾਲ
ਪਵਿੱਤਰ ਧਰਤੀ। 

ਹਰਜਿੰਦਰ ਢੀਂਡਸਾ 
(ਕੈਨਬਰਾ)

ਨੋਟ: ਇਹ ਪੋਸਟ ਹੁਣ ਤੱਕ 69 ਵਾਰ ਪੜ੍ਹੀ ਗਈ

ਸਾਉਣ ਝੜੀ (ਤਾਂਕਾ)

ਬਿਨਾਂ ਐਨਕਾਂ
ਬਾਰੀ ਵਿਚੋਂ ਤੱਕਿਆ
ਰਾਤੀਂ  ਸ਼ਹਿਰ  

ਆਤਸ਼ਬਾਜ਼ੀ ਵਾਂਗੂੰ   

ਲਿਸ਼ਕੀਆਂ ਬੱਤੀਆਂ। 

ਸਾਉਣ ਝੜੀ
ਪਾਣੀ ਦੀਆਂ ਘਰਾਲਾਂ
ਸਿਰੋਂ  ਨਿਕਲ
ਮੁਖੜੇ ਤੋਂ ਹੁੰਦੀਆਂ
ਕੁੜਤੀ 'ਚ ਵੜੀਆਂ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ)
ਨੋਟ: ਇਹ ਪੋਸਟ ਹੁਣ ਤੱਕ 55 ਵਾਰ ਪੜ੍ਹੀ ਗਈ

ਸਾਉਣ ਝੜੀ (ਤਾਂਕਾ)

1.

ਧੁੰਦਲੀ ਸ਼ਾਮ
ਟਿਮਕਣ  ਬੱਤੀਆਂ
ਪਹਾੜੀ ਉੱਤੇ
ਜੁਗਨੂੰ ਦਾ ਭੁਲੇਖਾ
ਅਕਸਰ ਪਾਉਂਦੀ।

2.
ਬਿਨਾ ਐਨਕਾਂ
ਬਾਰੀ ਵਿਚੋਂ ਤੱਕਿਆ
ਰਾਤੀਂ  ਸ਼ਹਿਰ  

ਅਸ਼ਤਬਾਜ਼ੀ ਵਾਂਗੂੰ   

ਲਿਸ਼ਕੀਆਂ ਬੱਤੀਆਂ। 

3.

ਸਾਉਣ ਝੜੀ
ਪਾਣੀ ਦੀਆਂ ਘਰਾਲਾਂ
ਸਿਰੋਂ  ਨਿਕਲ
ਮੁਖੜੇ ਤੋਂ ਹੁੰਦੀਆਂ
ਕੁੜਤੀ 'ਚ ਵੜੀਆਂ। 

ਹਰਜਿੰਦਰ ਢੀਂਡਸਾ 

(ਕੈਨਬਰਾ )
ਨੋਟ: ਇਹ ਪੋਸਟ ਹੁਣ ਤੱਕ 73 ਵਾਰ ਪੜ੍ਹੀ ਗਈ।

ਚਿੰਤਾ ਛੰਡ (ਤਾਂਕਾ)

1.

ਵਧੀ ਕਹਿਣ
ਘਟਦੀ ਉਮਰ ਨੂੰ 
ਕੈਸੀ ਗਿਣਤੀ
ਜੀਵਨ ਆਸਵੰਦ
ਮਰਨ ਚਿੰਤਾ ਛੰਡ। 

2.
ਕਾਲਜ ਆ ਕੇ
ਲਹਿ ਗਈ ਵਰਦੀ
ਹੁੰਦੀ ਮਰਜ਼ੀ
ਜੀਨ ਟੌਪ ਜਾਂ ਪਾਈ
ਤਨ ਪਾਵੇ ਦੁਹਾਈ। 

ਹਰਭਜਨ ਸਿੰਘ ਖੇਮਕਰਨੀ 
(ਮੁਕਤਸਰ)