ਰਾਤ ਦੀ ਬੂੰਦ

ਇੱਕ ਲੰਮੀ ਚੁੱਪ ਤੋਂ ਬਾਦ ਇੱਕ ਵਾਰ ਫਿਰ .......

1.
ਖੜੋਤੀ ਝੀਲ
ਮੇਰੇ ਪੈਰਾਂ ਦੇ ਨਾਲ
ਚੱਲਦਾ ਚੰਨ।



2.
ਧੁੱਪ ਨੇ ਪੀਤੀ
ਪੱਤਿਆਂ 'ਤੇ ਤਰਦੀ
ਰਾਤ ਦੀ ਬੂੰਦ।

ਜਨਮੇਜਾ ਸਿੰਘ ਜੌਹਲ

ਨੋਟ: ਇਹ ਪੋਸਟ ਹੁਣ ਤੱਕ 50 ਵਾਰ ਪੜ੍ਹੀ ਗਈ।

ਕੁੱਕੜ ਬਾਂਗਾਂ

1.
ਕੁੱਕੜ ਬਾਂਗਾਂ -

ਕਸਾਈ  ਨੂੰ ਉਠਾਵੇ

ਭੁੱਖੇ ਰਜਾਵੇ  । 

2.
ਖਿੜਿਆ ਫੁੱਲ-
ਜਦ ਆਈ ਬਹਾਰ
ਮੈਂ ਵੀ ਖਿੜਨਾ। 

ਜਨਮੇਜਾ ਸਿੰਘ ਜੌਹਲ
(ਲੁਧਿਆਣਾ) 

ਮਿੱਟੀ ਘੁੰਮਦੀ

1.

ਪਰਲੋ ਆਈ

ਨਦੀ ਦੇ ਬਣ ਗਏ

ਤਿੰਨ ਕਿਨਾਰੇ ।

2.
ਮਿੱਟੀ ਘੁੰਮਦੀ
ਦੇਖੋ ਬਣਦੀ ਜਾਵੇ
ਇੱਕ ਪਿਆਲਾ ।

ਜਨਮੇਜਾ ਸਿੰਘ ਜੌਹਲ
(ਲੁਧਿਆਣਾ)

ਨੋਟ: ਇਹ ਪੋਸਟ ਹੁਣ ਤੱਕ 20 ਵਾਰ ਖੋਲ੍ਹ ਕੇ ਪੜ੍ਹੀ ਗਈ। 

ਕਿਰਤੀ ਭੁੱਖਾ

1.

ਗੀਤ ਨਾ ਗਾਵੀਂ

ਚਿੜੀਏ ਪਿਆਰੀਏ

ਕਾਂ ਨੇ ਸੁਣਦੇ

2.

ਕਿਰਤੀ ਭੁੱਖਾ

ਹੜਤਾਲ ਲਮਕੀ

ਕਲਰਕਾਂ ਦੀ

3.

ਮੂੰਹ ਹਨ੍ਹੇਰੇ

ਕੁੱਤੇ ਪਏ ਭੌਂਕਣ

ਚੋਰ ਫੜਿਆ

ਜਨਮੇਜਾ ਸਿੰਘ ਜੌਹਲ 
(ਲੁਧਿਆਣਾ) 

ਬੁੱਢਾ ਬੋਹੜ - 1

ਅੱਜ ਹਾਇਕੁ-ਲੋਕ ਮੰਚ ਇੱਕ ਕਦਮ ਹੋਰ ਅੱਗੇ ਵਧਿਆ ਹੈ ਜਿੱਥੇ ਪਾਠਕ ਤੇ ਰਚਨਾਕਾਰ ਇੱਕ ਦੂਜੇ ਦੀ ਹੌਸਲਾ ਅਫ਼ਜਾਈ ਦੇ ਨਾਲ਼-ਨਾਲ਼ ਹਾਇਕੁ-ਜੁਗਲਬੰਦੀ 'ਚ ਵੀ ਸ਼ਾਮਲ ਹੋਏ। ਪੁਰਾਣੇ ਘਰ ਨੂੰ ਲੈ ਕੇ ਕੀਤੀ ਹਾਇਕੁ-ਜੁਗਲਬੰਦੀ ਸ਼ਲਾਘਾਯੋਗ ਹੈ। ਇਸ ਰੁਚੀ ਨੂੰ ਅੱਗੇ ਵਧਾਉਂਦੇ ਹੋਏ ਅੱਜ 'ਬੁੱਢੇ ਬੋਹੜ' ਨੂੰ ਇਸ ਕੜੀ 'ਚ ਸ਼ਾਮਲ ਕੀਤਾ ਜਾ ਰਿਹਾ ਹੈ ਜਿਸ ਦਾ ਮੁੱਢਲਾ ਹਾਇਕੁ (ਹਾਇਗਾ) ਸਾਡੀ ਨਿੱਕੀ ਹਾਇਕੁਕਾਰਾ ਸੁਪ੍ਰੀਤ ਦਾ ਹੈ। ਇਸ ਨੂੰ ਹਾਇਕੁ ਜੁਗਲਬੰਦੀ ਦੇ ਰੂਪ 'ਚ ਮੈਂ ਅੱਗੇ ਵਧਾਉਂਦੀ ਹੋਈ ਸਾਡੇ ਮੰਚ ਦੇ ਸਾਰੇ ਪਾਠਕਾਂ ਤੇ ਲੇਖਕਾਂ ਨੂੰ ਇਸ ਵਿੱਚ ਸ਼ਾਮਲ ਹੋਣ ਦਾ ਖੁੱਲ੍ਹਾ ਸੱਦਾ ਦਿੰਦੀ ਹਾਂ। ਆਸ ਕਰਦੀ ਹਾਂ ਕਿ ਆਪ ਇਸ ਨਿੱਘੇ ਸੱਦੇ ਨੂੰ ਕਬੂਲਦੇ ਹੋਏ ਆਪਣੀਆਂ ਹਾਇਕੁ ਪੈੜਾਂ ਜ਼ਰੂਰ ਪਾਓਗੇ।

1.

ਬੁੱਢਾ ਬੋਹੜ

ਬਾਬੇ ਦੀਆਂ ਝੁਰੀਆਂ

ਲੱਗਣ ਇੱਕੋ 

ਸੁਪ੍ਰੀਤ ਕੌਰ ਸੰਧੂ-ਜਮਾਤ ਨੌਵੀਂ 

2.

ਆਥਣ ਵੇਲ਼ਾ

ਨੀਝ ਲਾ ਬਾਬਾ ਤੱਕੇ

ਬੁੱਢਾ ਬੋਹੜ 

ਡਾ. ਹਰਦੀਪ ਕੌਰ ਸੰਧੂ

3.
ਬਾਬਾ ਬੋਹੜ 
ਦਾੜੀ ਬਣੀ ਏ ਪੀਂਘ
ਬੱਚੇ ਝੂਟਣ

ਦਿਲਜੋਧ ਸਿੰਘ 

4.

ਬੁੱਢਾ ਬੋਹੜ 
ਉਡੀਕੇ ਆਰੀ ਵਾਲੇ 
ਧੂੰਆਂ ਅਸਹਿ ।


ਬੁੱਢਾ ਬੋਹੜ
ਸੜਕ ਦੇ ਕਿਨਾਰੇ
ਕਾਰਾਂ ਗਿਣਦਾ ।

ਬੁੱਢਾ ਬੋਹੜ
ਬਰਖਾ ਨੂੰ ਉਡੀਕੇ
ਮਿੱਟੀ ਝੜ੍ਹ ਜੂ ।

ਜਨਮੇਜਾ ਸਿੰਘ ਜੌਹਲ 

ਨੋਟ: ਇਹ ਪੋਸਟ ਹੁਣ ਤੱਕ 42 ਵਾਰ ਖੋਲ੍ਹ ਕੇ ਪੜ੍ਹੀ ਗਈ ।

ਪੀਂਘ ਹੁਲਾਰੇ

1.

ਪੀਂਘ ਹੁਲਾਰੇ

ਕੋਕੇ ਥਾਣੀ ਚਮਕੇ

ਸੂਰਜ ਸਾਰੇ

2.

ਪਾਣੀ ਧਰਿਆ

ਚਾਹ ਖੂਬ ਉੱਬਲੀ

ਥੱਲਾ ਸੜਿਆ

ਜਨਮੇਜਾ ਸਿੰਘ ਜੌਹਲ 
(ਲੁਧਿਆਣਾ)

ਗੁਸਲ ਬੈਠੇ

8 ਮਾਰਚ , 2013 ਨੂੰ ਪਟਿਆਲ਼ਾ ਵਿਖੇ ਹੋਈ ਦੂਜੀ ਅੰਤਰਰਾਸ਼ਟਰੀ ਕਾਨਫ਼ਰੰਸ 'ਚ ਜਨਮੇਜਾ ਸਿੰਘ ਜੌਹਲ ਹਾਇਕੁ-ਲੋਕ ਮੰਚ ਦੇ ਨਿਰੂਪਕ ਵਜੋਂ ਸ਼ਾਮਿਲ ਹੋਏ। ਆਪ ਵਲੋਂ ਪੜ੍ਹੇ ਗਏ ਹਾਇਕੁਆਂ ਵਿੱਚੋਂ ਪੇਸ਼ ਨੇ ਕੁਝ ਹਾਇਕੁ।

1.

ਗੁਸਲ ਬੈਠੇ

ਅਖਬਾਰਾਂ ਪੜ੍ਹੀਆਂ

ਪਾਣੀ ਛੱਡਿਆ

2.

ਅੰਦਰ ਬੈਠਾ

ਅਬਦਾਲੀ ਆਪਣੇ

ਲੁੱਟਦਾ ਜਾਵੇ

3.

ਹੱਕ ਮੰਗੀਏ

ਹਰ ਯੁੱਗ ਨੇ ਦਿੱਤੇ

ਪੁਲਸੀ ਡੰਡੇ

ਜਨਮੇਜਾ ਸਿੰਘ ਜੌਹਲ

(ਲੁਧਿਆਣਾ) 

ਮਲਾਲਾ ਬੋਲੀ

1.

ਰੱਬ ਨੂੰ ਪਾਵੋ

ਐਵੇ ਨਾ ਕੁਰਲਾਵੋ

ਆਪੇ ਬੁਲਾਵੇ

2.

ਕੁੱਤੇ ਭੌਂਕਣ

ਚੋਰਾਂ ਨੇ ਲਾਈ ਸੰਨ

ਚਾਕਰ ਸੁੱਤੇ

3.

ਮਲਾਲਾ ਬੋਲੀ

ਦਹਿਸ਼ਤੀ ਕੰਬਣ

ਮੱਛੀ ਤੜਫੇ

ਜਨਮੇਜਾ ਸਿੰਘ ਜੌਹਲ

(ਲੁਧਿਆਣਾ)

ਪੱਚਰਾਂ

ਤਸਵੀਰਾਂ ਨਾਲ਼ ਸ਼ਿੰਗਾਰੀ ਪੁਸਤਕ 'ਪੱਚਰਾਂ' ਜਨਮੇਜਾ ਸਿੰਘ ਜੌਹਲ ਦੀ ਪਲੇਠੀ ਹਾਇਕੁ-ਕਾਵਿ ਪੁਸਤਕ ਹੈ। ਇਸ ਪੁਸਤਕ ਵਿੱਚ  ਆਪ ਦੀ ਕਲਾ ਦੇ ਦੋ ਪੱਖ ਪੇਸ਼ ਕੀਤੇ ਗਏ ਹਨ- ਫੋਟੋਗਰਾਫ਼ੀ ਤੇ ਹਾਇਕੁ-ਕਾਵਿ। ਭਾਵੇਂ ਇਸ ਪੁਸਤਕ ਦੇ ਹਾਇਕੁ 5+7+5 ਵਿਧਾ ਤੋਂ ਹਟ ਕੇ ਲਿਖੇ ਗਏ ਹਨ, ਪਰ ਬਹੁਤ ਹੀ ਵਧੀਆ ਹਨ। 

ਲੇਖਕ ਦੀ ਸਹਿਮਤੀ ਨਾਲ਼ ਇਸੇ ਪੁਸਤਕ 'ਚੋਂ ਕੁਝ ਹਾਇਕੁ ਲੈ ਕੇ ਓਨ੍ਹਾਂ ਦਾ ਜਪਾਨੀ ਹਾਇਕੁ ਵਿਧਾ ਅਨੁਸਾਰ ਸੰਪਾਦਨ ਕਰਕੇ ਪੇਸ਼ ਕਰ ਰਹੀ ਹਾਂ। 

 ਸੰਪਾਦਿਤ ਰੂਪ                               ਮੂਲ ਰੂਪ                                      

1.                                               1.

ਪੱਤਾ ਨਾ ਹਿੱਲੇ                           ਸਿੱਖਰ ਦੁਪਹਿਰਾ                              

ਸਿੱਖਰ ਦੁਪਹਿਰਾ                       ਪੱਤਾ ਨਾ ਹਿੱਲੇ                            

ਖੁਰਪਾ ਚੱਲੇ                               ਖੁਰਪਾ ਚੱਲੇ

2.                                              2.

ਹੱਥ ਨਾ ਆਵੇ                             ਰੰਗ ਅਸਮਾਨੀ                           

ਰੰਗ ਜੋ ਅਸਮਾਨੀ                       ਹੱਥ ਨਾ ਆਵੇ                             

 ਨਕੰਮਾ ਬੰਦਾ                             ਨਕੰਮਾ ਬੰਦਾ 

3.                                             3.

ਦੀਵੇ- ਚਾਨਣ                            ਦੀਵੇ ਦਾ ਚਾਨਣ                        

ਨਾ ਰੋਸ਼ਨ ਕਰਿਆ                     ਰੋਸ਼ਨ ਨਾ ਕਰੇ                          

ਕੰਧਾਂ ਓਹਲੇ                              ਕੰਧਾਂ ਦੇ ਓਹਲੇ                           

4.                                           4.

ਹਵਾ ਰੁਮਕੇ                              ਹਵਾ ਰੁਮਕਦੀ                          

ਦੇਖ ਨਹੀਂ ਸਕਦੇ                      ਦੇਖ ਨਹੀਂ ਸਕਦੇ

ਏ.ਸੀ. ਕਮਰੇ                            ਏ. ਸੀ. ਕਮਰੇ

5.                                            5.

ਕੈਂਚੀ ਸੈਂਕਲ                              ਕੈਂਚੀ ਸੈਂਕਲ

ਹੁਣ ਨਹੀਂ ਚੱਲਦਾ                      ਹੁਣ ਨਹੀਂ ਚੱਲਦਾ

ਵਧੀ ਉਮਰ                               ਉਮਰਾਂ ਵਧੀਆਂ                          

ਹਾਇਕੁਕਾਰ- ਜਨਮੇਜਾ ਸਿੰਘ ਜੌਹਲ 

ਹਾਇਕੁ ਸੰਪਾਦਨ- ਡਾ. ਹਰਦੀਪ ਕੌਰ ਸੰਧੂ 

ਹਾਇਕੁ ਫੁੱਲ

1.

ਇਕੋ ਫਰੇਮ

ਹਰ ਬੰਦਾ ਬੰਨਿਆ

ਛੋਟੀਆਂ ਸੋਚਾਂ 

2.

ਹਾਇਕੁ  ਫੁੱਲ

ਬੰਦਾ ਅੱਕਲੋਂ ਗੁੱਲ

ਠੋਕਦਾ ਟੁੱਲ 

3.

ਸੁਪਨੇ ਵਿੱਚ 

ਸੁਪਨਾ ਇੱਕ  ਵੇਖਾਂ 

ਕਿੱਧਰ ਜਾਵਾਂ

4.

ਜੰਮੇ ਹਾਇਕੁ 

ਪਾਵੇ ਰੋਜ਼ ਪੁਆੜੇ

ਭਿੜੇ ਲੇਖਕ

ਜਨਮੇਜਾ ਸਿੰਘ ਜੌਹਲ 

ਲੁਧਿਆਣਾ 

ਖੱਚਰ ਤੋਰ

1.

ਕੁੱਤੇ ਵੀ ਫੇਲ

ਸਾਇਕਲ ਨਕਾਰਾ

ਹੱਸਣ ਬੱਚੇ 

2.

ਧੀਦੋ ਆਇਆ

ਨੈੱਟ ਗਰਮਾਇਆ

ਖੁਸ਼ੀਆਂ ਵੰਡੇ 

3.

ਰਾਂਝਾ ਬੋਲਿਆ

ਇਹ ਨਹੀਂ ਤਾਂ ਹੋਰ

ਖੱਚਰ ਤੋਰ

ਜਨਮੇਜਾ ਸਿੰਘ ਜੌਹਲ

(ਲੁਧਿਆਣਾ)

ਸੁਨੇਹਾ ਚੁੱਪ

ਜਨਮੇਜਾ ਸਿੰਘ ਜੌਹਲ਼ 

(ਲੁਧਿਆਣਾ)

ਆਪਣਾ ਸੱਚ

1.

ਫੁੱਲ ਖਿੜਿਆ
ਟਾਹਣੀ ਝੁੱਕ ਗਈ
ਖੁਸ਼ਬੂ ਅੱਗੇ


2.

ਅੱਕ ਦੇ ਫੁੱਲ

ਨਹੀਂ ਕੌੜੇ ਲੱਗਦੇ

ਬੱਕਰੀਆਂ ਨੂੰ

3.

ਕਾਰਜ ਪੂਰਾ

ਸੌਖਾ ਜਿਹਾ ਲੱਗਦਾ

ਮੁਰਝਾਉਣਾ

4.

ਵਿਦੇਸ਼ੀ ਪੁੱਤ

ਸਵੇਰਿਆਂ ਦੇ ਸੁੱਤੇ

ਰਾਤੀਂ ਜਾਗਣ

5.

ਆਪਣਾ ਸੱਚ

ਧੁਰ ਅੰਦਰ ਤੀਕ

ਕੂੜ ਕੰਬਾਵੇ 

ਜਨਮੇਜਾ ਸਿੰਘ ਜੌਹਲ

(ਲੁਧਿਆਣਾ)

ਮੀਂਹ ਦੇ ਛਰਾਟੇ

ਅੱਜ 28 ਹਾੜ ਹੈ ਤੇ ਸਾਉਣ ਦਾ ਮਹੀਨਾ ਚੜ੍ਹਨ ਹੀ ਵਾਲ਼ਾ ਹੈ। ਪਰ ਮੌਸਮ 'ਚ ਬਦਲਾਓ ਨੇ ਪਹਿਲਾਂ ਹੀ ਝਲਕਾਰਾ ਮਾਰ ਦਿੱਤਾ ਹੈ। ਤਿੱਖੀਆਂ ਧੁੱਪਾਂ ਦੇ ਝੰਬੇ ਲੋਕਾਂ ਨੂੰ ਮੀਂਹ ਦੇ ਛਰਾਟੇ ਨੇ ਕੁਝ ਰਾਹਤ ਦਿਵਾਈ ਹੈ। ਏਹੋ ਨਜ਼ਾਰਾ ਸਾਡੇ ਹਾਇਗਾ ਨੇ ਚਿੱਤਰਿਆ ਹੈ।

ਜਨਮੇਜਾ ਸਿੰਘ ਜੌਹਲ
(ਲੁਧਿਆਣਾ) 

ਡਾ.ਹਰਦੀਪ ਕੌਰ ਸੰਧੂ
(ਸਿਡਨੀ)

ਘੜੀ ਦੀ ਟਿੱਕ

1.

ਕੁੱਤੇ ਝਾਕਣ

ਓ ਲੰਗਰ ਸੁੱਟਦਾ

ਖੁਸ਼ੀ 'ਚ ਖੀਵੇ

2.

ਅਮਲੀ ਰੋਵੇ

ਡੱਬੀ ਖੜਕੇ ਖਾਲੀ

ਜਾਗੂ ਤੜਕੇ

3.

ਘੜੀ ਦੀ ਟਿੱਕ

ਨੀਂਦਰ ਕਿੰਝ ਆਵੇ

ਕੰਮ 'ਤੇ ਜਾਣਾ

4.

ਕੰਮਪੂਟਰ

ਨਾ ਹੱਸੇ ਨਾ ਰੋਆਵੇ

ਚੱਲਦਾ ਜਾਵੇ

5.

ਵਿਦੇਸ਼ੀਂ ਬੈਠਾ

ਰੂੜੀਆਂ ਨੂੰ ਤਰਸੇ

ਪੋਂਡ ਕਮਾਵੇ

6.

ਪੱਗ ਬੰਨਣੀ

ਸਿੱਖਣ ਦੀ ਕੀ ਲੋੜ

ਆਪੇ ਲੁਹਾਈ 

ਜਨਮੇਜਾ ਸਿੰਘ ਜੌਹਲ

(ਲੁਧਿਆਣਾ)

ਅੱਜ ਦੀ ਸੋਹਣੀ

                                                                                                                                                                                                   

ਹਾਇਕੁ-ਜਨਮੇਜਾ ਸਿੰਘ ਜੌਹਲ ਹਾਇਗਾ- ਡਾ.ਹਰਦੀਪ ਕੌਰ ਸੰਧੂ 

   

ਜਨਮੇਜਾ ਸਿੰਘ ਜੌਹਲ
(ਲੁਧਿਆਣਾ-ਪੰਜਾਬ)

ਨੋਟ : ਇਹ ਪੋਸਟ ਹੁਣ ਤਲ 17 ਵਾਰ ਖੋਲ੍ਹ ਕੇ ਵੇਖੀ ਗਈ।