ਸੁਨੇਹਾ ਚੁੱਪ

ਜਨਮੇਜਾ ਸਿੰਘ ਜੌਹਲ਼ 

(ਲੁਧਿਆਣਾ)

ਤੀਆਂ ਤੀਜ ਦੀਆਂ

ਅੱਜ 8 ਸਾਉਣ ਹੈ।ਤੀਆਂ ਦਾ ਤਿਉਹਾਰ ਸਾਉਣ ਮਹੀਨੇ ਦੀ ਮੱਸਿਆ ਤੋਂ ਬਾਦ ਤੀਜ ਤੋਂ ਸ਼ੁਰੂ ਹੁੰਦਾ ਹੈ  ਤੇ ਪੁੰਨਿਆ ਤੱਕ ਚਲਦਾ ਰਹਿੰਦਾ ਹੈ।ਇਸ ਵਰ੍ਹੇ 4 ਸਾਉਣ (19 ਜੁਲਾਈ) ਦੀ ਮੱਸਿਆ ਸੀ ਤੇ 7 ਸਾਉਣ ਨੂੰ ਤੀਜ ਜਾਣੀ ਕਿ ਤੀਆਂ ਤੀਜ ਦੀਆਂ....
                                            ਤੀਆਂ ਦਾ ਪਿੜ
                                         ਮੱਚੇ ਗਿੱਧੇ ਦੀ ਲਾਟ
                                             ਪੈਣ ਬੋਲੀਆਂ

ਪਤਲੀ ਵੀਣੀ

ਵੰਗਾਂ ਨੇ ਮੋਕਲ਼ੀਆਂ

ਸੱਤਰੰਗੀਆਂ 

ਡਾ.ਹਰਦੀਪ ਕੌਰ ਸੰਧੂ
(ਸਿਡਨੀ)

ਕੰਜਕਾਂ ਪੂਜੇ

1.

ਚਿੜੀ ਬਨ੍ਹੇਰੇ

ਸੱਸ ਮੱਥੇ ਤਿਉੜੀ

ਨੂੰਹ ਪੇਟ ਤੋਂ ।

2.

ਹੱਥ ਲਾਇਆ

ਪਾਣੀ ਦਾ ਬੁਲਬੁਲਾ

ਫੁੱਸ ਹੋਇਆ ।

3.

ਵਾਲ਼ਾਂ 'ਤੇ ਜੈਲ

ਵਰਦੀ ‘ਤੇ ਸੈਂਟ ਲਾ

ਜਾਂਦਾ ਸਕੂਲ  ।

4.

ਨਰਾਤਿਆਂ ‘ਚ

ਭਰੂਣ ਹੱਤਿਆਰੀ

ਕੰਜਕਾਂ ਪੂਜੇ ।

ਕਮਲ ਸੇਖੋਂ 

(ਪਟਿਆਲਾ)

ਵਾਅਦਾ ਤੇਰਾ

1.

ਆ ਗੱਲ਼ ਲੱਗ
ਬਰਖਾ ਰੁੱਤ ਦੂਰ 
ਠੰਡਕ ਪਵੇ 

2.
ਵਾਅਦਾ ਤੇਰਾ 
ਬਾਰਿਸ਼ ਦਾ ਮੌਸਮ 
ਬੱਸ ਖਬਰਾਂ 

3.
ਬਰਖਾ ਆਈ 
ਹੈ ਆ ਕੇ ਚਲੀ ਗਈ 
ਯਾਦਾਂ ਉੱਥੇ ਹੀ 


ਡਾ. ਸ਼ਿਆਮ ਸੁੰਦਰ ਦੀਪਤੀ
( ਅੰਮ੍ਰਿਤਸਰ) 

ਚਿੱਠੀ ਦੀਆਂ ਬਾਤਾਂ

18.07.12

ਸਤਿਕਾਰਯੋਗ ਹਰਦੀਪ ਜੀ , 

ਹਾਇਕੁ-ਲੋਕ ਆਪਣੀ ਪਛਾਣ ਵੱਲ ਵਧ ਰਿਹਾ ਹੈ । ਇਹ ਤੁਹਾਡੀ ਲਗਨ ਅਤੇ ਮਿਹਨਤ ਸਦਕਾ ਹੀ ਹੈ। ਮੇਰੇ ਲਾਇਕ ਕੋਈ ਸੇਵਾ ਹੋਵੇ , ਹਾਜ਼ਰ ਹਾਂ।

ਡਾ. ਸ਼ਿਆਮ ਸੁੰਦਰ ਦੀਪਤੀ

ਗੌਰਮਿੰਟ ਮੈਡੀਕਲ ਕਾਲਜ

ਅੰਮ੍ਰਿਤਸਰ 

*******************************************************************************************
 ਹਰਦੀਪ ਜੀ,

ਮੈਨੂੰ ਹਾਇਕੁ ਪਸੰਦ ਨਹੀਂ ਸੀ ਪਰ ਜਦੋਂ ਤੋਂ ਤੁਸੀਂ ਬਲਾਗ ਖੋਲ੍ਹਿਆ ਹੈ ਲਿਖਣ ਦੀ ਜਿਗਿਆਸਾ ਬਣ ਗਈ ਹੈ |

ਹਰਕੀਰਤ 'ਹੀਰ'

ਗੁਵਾਹਾਟੀ ਅਸਾਮ
ਹੋਰ ਚਿੱਠੀਆਂ ਪੜ੍ਹਨ ਲਈ ਇੱਥੇ ਕਲਿੱਕ ਕਰੋ 

ਆਪਣਾ ਸੱਚ

1.

ਫੁੱਲ ਖਿੜਿਆ
ਟਾਹਣੀ ਝੁੱਕ ਗਈ
ਖੁਸ਼ਬੂ ਅੱਗੇ


2.

ਅੱਕ ਦੇ ਫੁੱਲ

ਨਹੀਂ ਕੌੜੇ ਲੱਗਦੇ

ਬੱਕਰੀਆਂ ਨੂੰ

3.

ਕਾਰਜ ਪੂਰਾ

ਸੌਖਾ ਜਿਹਾ ਲੱਗਦਾ

ਮੁਰਝਾਉਣਾ

4.

ਵਿਦੇਸ਼ੀ ਪੁੱਤ

ਸਵੇਰਿਆਂ ਦੇ ਸੁੱਤੇ

ਰਾਤੀਂ ਜਾਗਣ

5.

ਆਪਣਾ ਸੱਚ

ਧੁਰ ਅੰਦਰ ਤੀਕ

ਕੂੜ ਕੰਬਾਵੇ 

ਜਨਮੇਜਾ ਸਿੰਘ ਜੌਹਲ

(ਲੁਧਿਆਣਾ)

ਪਹਿਲਾ-ਛੱਲਾ

1.

ਤਪੀ ਧਰਤੀ 
ਆ ਪਿਆ ਲੱਛੇਦਾਰ
ਪਹਿਲਾ-ਛੱਲਾ

 2.

ਬੱਦਲ ਗੱਜੇ
ਆਸਮਾਨੀ ਬਿਜਲੀ
ਧਰਤੀ ਚੁੰਮੇ

 3.

ਭਿੱਜੀ ਜੁਲਫ਼
ਤਿੱਪ-ਤਿੱਪ ਡਿੱਗੀਆਂ
ਇਕ ਦੋ ਬੂੰਦਾਂ

 4.

ਛੱਤੜੀ ਉਤੇ
ਛਿੱਟਾਂ ਦੀ ਕਿੜ-ਕਿੜ
ਸਾਉਣ ਵਰ੍ਹੇ

5. 

ਚੜ੍ਹਦੀ ਪੀਂਘ
ਲਿਫ਼ੇ ਪਿਆ ਟਾਹਣ
ਸਾਉਣ ਵਿੱਚ

 6.

ਪੁੱਤ ਸ਼ਰਾਬੀ
ਬਾਪੂ ਵੱਟਾਂ ਚੋਪੜੇ
ਛੱਨ 'ਤੇ ਛਿੱਟਾਂ

ਭੂਪਿੰਦਰ ਸਿੰਘ

(ਨਿਊਯਾਰਕ)