ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

8 Feb 2017

ਸਰਦਲ

Image result for mum and daughter sketchਮਾਂ 
ਤੇਰੇ ਮਨ ਦੀ ਸਰਦਲ 'ਤੇ 
ਬਲਦੇ ਦੀਵਿਆਂ 'ਚੋਂ
ਬੋਚ ਬੋਚ ਕੁਝ ਦੀਵੇ
ਧਰ ਲਏ ਅਸਾਂ ਵੀ 
ਸਾਡੀ ਹਨ੍ਹੇਰੀ ਸਰਦਲ 'ਤੇ
ਤੇਰੀ ਸਰਦਲ ਦੇ ਅੰਦਰ
ਸੱਤਰੰਗੀਆਂ ਰਿਸ਼ਮਾਂ ਬਿਖਰੀਆਂ ਨੇ 
ਸਹਿਜ ਸੁਹਜ ਸੁਹਿਰਦਤਾ
ਸੰਜਮ ਸੰਤੋਖ ਸਲੀਕਾ
ਅਤੇ ਤੇਰੀ ਸਹਿਣਸ਼ੀਲਤਾ ਦੀ ਛੋਹ ਨਾਲ 
ਧੁਰ ਅੰਦਰ ਕੋਈ
ਰਾਹ ਇਲਾਹੀ ਛਿੜਿਆ ਏ 
ਤੇਰੀਆਂ ਅਸੀਸਾਂ ਦੀ ਆਬਸ਼ਾਰ ਸਾਹਵੇਂ
ਨਤਮਸਤਕ ਹੋ ਹੋ
ਅਸਾਂ ਸੱਖਣੀਆਂ ਝੋਲੀਆਂ ਭਰ ਲਈਆਂ !

 ਡਾ ਹਰਦੀਪ ਕੌਰ ਸੰਧੂ 

ਨੋਟ : ਇਹ ਪੋਸਟ ਹੁਣ ਤੱਕ 103 ਵਾਰ ਪੜ੍ਹੀ ਗਈ ਹੈ।
Posted by at
Labels: ,

2 comments:

  1. DILJODH9.2.17

    ਮਾਂ ਦੇ ਗੁਣਾ ਦੀਆਂ ਕਈਂ ਰੰਗਾਂ ਦੀਆਂ ਰਿਸ਼ਮਾਂ ਨਾਲ ਭਰੀ ਹੋਈ ਰਚਨਾ ।

    ReplyDelete
  2. Unknown9.2.17

    ਮਾਂ ਦੀ ਮਮਤਾ ਬਲਵਾਨ ਏ

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ

Subscribe to: Post Comments (Atom)