ਔਨਲਾਈਨ ਪੰਜਾਬੀ ਰਸਾਲੇ 'ਸਫ਼ਰਸਾਂਝ ' 'ਤੇ ਆਪ ਦਾ ਹਾਰਦਿਕ ਸੁਆਗਤ ਹੈ।ਇਸ ਸਾਈਟ ਦਾ ਮਕਸਦ ਪੰਜਾਬੀ ਸਾਹਿਤ ਦੀ ਝੋਲ਼ੀ ਮਿਆਰੀ ਲਿਖਤਾਂ ਪਾਉਣਾ ਹੈ। ਸਾਹਿਤ ਦੀ ਕਿਸੇ ਵੀ ਵਿਧਾ (ਹਾਇਕੁ,ਤਾਂਕਾ, ਸੇਦੋਕਾ, ਹਾਇਬਨ ਜਾਂ ਚੌਵਰਗਾ) ਦਾ ਹਰ ਸਮੇਂ ਸਵਾਗਤ ਹੋਵੇਗਾ।ਤੁਹਾਡੀਆਂ ਲਿਖਤੀ ਪੈੜਾਂ ਨੂੰ ਸ਼ਾਮਿਲ ਕਰਕੇ ਸਾਨੂੰ ਖੁਸ਼ੀ ਹੋਵੇਗੀ।

'ਸਫ਼ਰਸਾਂਝ' ਪੰਜਾਬੀ ਸਾਹਿਤ ਦੇ ਵਿਕਾਸ ਤੇ ਪ੍ਰਸਾਰ ਲਈ ਇੱਕ ਨਿਮਾਣਾ ਜਿਹਾ ਉਪਰਾਲਾ ਹੈ। ਅੱਜ ਦੀ ਘੜੀ ਇਹ 51 ਦੇਸ਼ਾਂ ਤੱਕ ਅੱਪੜ ਚੁੱਕਾ ਹੈ ਤੇ ਰੋਜ਼ਾਨਾ ਤਕਰੀਬਨ 50 ਤੋਂ ਵੱਧ ਵਾਰ ਖੋਲ੍ਹ ਕੇ ਪੜ੍ਹਿਆ ਜਾਂਦਾ ਹੈ। ਕਦੇ-ਕਦੇ ਇਹ ਅੰਕੜਾ 200 ਨੂੰ ਵੀ ਟੱਪ ਚੁੱਕਿਆ ਹੈ। ਆਪ ਜੀ ਦੇ ਨਿੱਘੇ ਹੁੰਗਾਰੇ ਦੀ ਆਸ ਰਹੇਗੀ।

ਹੁੰਗਾਰਾ ਭਰਨ ਵਾਲ਼ੇ

25 Aug 2013

ਬੇਮੌਸਮਾ ਮੀਂਹ (ਚੋਕਾ)


     ਭਾਦੋਂ ਮਹੀਨਾ
ਫੋਟੋ: ਅੰਮ੍ਰਿਤ ਰਾਏ -ਫਾਜ਼ਿਲਕਾ

ਜਦ-ਜਦ ਚੜ੍ਹਿਆ
ਵਿੱਚ ਸ਼ਿਕੰਜੇ
ਕਿਸਾਨ ਸੀ ਅੜਿਆ 
ਤੱਕੇ ਅੰਬਰੀਂ 
ਚੜ੍ਹਦੀਆਂ ਘਟਾਵਾਂ
ਬਦਲੇ ਦ੍ਰਿਸ਼
ਵਗਦੀਆਂ ਹਵਾਵਾਂ 
ਦਿਨ ਹੋ ਰਾਤ
ਵਰ੍ਹੇ ਵਾਂਗ ਵਰੋਲੇ
ਡੋਬੇ ਨਰਮੇ
ਦੁੱਖਾਂ ਦੇ ਦਰ ਖੋਲ੍ਹੇ 
ਰੁੜ੍ਹੇ ਕਿਧਰੇ 
ਬੰਨੇ ਤੂੜੀ ਦੇ ਕੁੱਪ 
ਚਾਰ-ਚੁਫੇਰੇ 
ਹੁਣ ਛਾਈ ਸੀ ਚੁੱਪ 
ਛੱਪੜ -ਟੋਭੇ
ਨੱਕੋ-ਨੱਕੀ ਭਰਦਾ
ਸੜਕਾਂ -ਘਰ 
ਜਲ-ਥਲ ਕਰਦਾ 
ਵਿੱਚ ਬਜ਼ਾਰਾਂ
ਦੁਕਾਨਦਾਰੀ ਡੋਬੇ
ਕਹਿਰ ਢਾਏ 
ਬੇਮੌਸਮਾ ਮੀਂਹ ਏ 
ਆਪਣਾ ਰੋਣਾ
ਕਿਸ ਅੱਗੇ ਰੋਈਏ 
ਲੱਭਦੀ ਨਾ ਢੋਈ ਏ !

ਅੰਮ੍ਰਿਤ ਰਾਏ (ਪਾਲੀ)
ਫਾਜ਼ਿਲਕਾ 

(ਨੋਟ: ਇਹ ਪੋਸਟ ਹੁਣ ਤੱਕ 27 ਵਾਰ ਖੋਲ੍ਹ ਕੇ ਪੜ੍ਹੀ ਗਈ ਹੈ)


4 comments:

  1. ਫਾਜ਼ਿਲਕਾ ਇਲਾਕੇ ਦੀ ਫੋਟੋ ਤੇ ਬੇਮੌਸਮੇ ਮੀਂਹ ਦਾ ਹਾਲ ਇਸ ਚੋਕੇ 'ਚ ਪੇਸ਼ ਕਰਨ ਦੇ ਨਾਲ਼-ਨਾਲ਼ ਕਿਸਾਨ ਦੀ ਹਾਲਤ ਵੀ ਬਾਖੂਬੀ ਬਿਆਨ ਕੀਤੀ ਹੈ।
    ਕਹਿਰ ਢਾਏ
    ਬੇਮੌਸਮਾ ਮੀਂਹ ਏ
    ਆਪਣਾ ਰੋਣਾ
    ਕਿਸ ਅੱਗੇ ਰੋਈਏ
    ਲੱਭਦੀ ਨਾ ਢੋਈ ਏ !
    ਬਿਲਕੁਲ ਸੱਚ ਕਿਹਾ ਹੈ !

    ReplyDelete
    Replies
    1. ਵੀਰ ਜੀ ਮੈਂ ਧੰਨਵਾਦੀ ਹਾਂ ਕਿ ਤੁਸੀਂ ਇਸ ਚੋਕੇ ਨੂੰ ਪਸੰਦ ਕੀਤਾ

      Delete
  2. ਖੇਤੀ, ਕੁਦਰਤ ਨਾਲ ਕਿੰਨੀ ਜੁੜੀ ਹੋਈ ਹੈ , ਉਸ ਦਾ ਸੁੰਦਰ ਤਰੀਕੇ ਨਾਲ ਬਿਆਨ ਕੀਤਾ ਹੈ ।

    ReplyDelete
  3. ਚੋਕੇ ਰਾਹੀਂ ਅੰਮ੍ਰਿਤ ਨੇ ਬਹੁਤ ਹੀ ਸੋਹਣੇ ਢੰਗ ਨਾਲ ਮੀਂਹ ਦੇ ਪਾਣੀ ਦੀ ਮਾਰ ਨੂੰ ਬਿਆਨ ਕੀਤਾ ਹੈ | ਤੂੜੀ ਦੇ ਕੁੱਪ ਦਾ ਪਾਣੀ 'ਚ ਰੁੜ੍ਹਨਾ, ਨਰਮਿਆਂ 'ਚ ਪਾਣੀ ਭਰਨਾ ਤੇ ਖੇਤੀ ਦਾ ਪ੍ਰਭਾਵਿਤ ਹੋਣਾ | ਕਿਵੇਂ ਕਿਸਾਨ ਇਸ ਪ੍ਰੇਸ਼ਾਨੀ 'ਚੋਂ ਲੰਘਦਾ ਹੈ ਦਾ ਬਾਖੂਬੀ ਜ਼ਿਕਰ ਕਰਕੇ ਅਣਗੌਲੀਆਂ ਗੱਲਾਂ ਨੂੰ ਸਾਡੇ ਧਿਆਨ 'ਚ ਲਿਆਂਦਾ ਹੈ |

    ReplyDelete

ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ