ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਦਰੀਆਂ
ਅੱਖਾਂ ਨਾਲ ਗਲੇਡੂਆਂ ਭਰੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਵੜੀਆਂ
ਮੇਰੇ ਨੈਣਾਂ ਲਾਈਆ ਝੜੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਵੰਗਾਂ
ਮੇਰੇ ਨੈਣੋਂ ਵਗਦੀ ਗੰਗਾ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਚੁੰਨੀਆਂ
ਤੇਰੇ ਹਿਜ਼ਰ ਵਿਛੋੜੇ ਗੁੰਨੀ ਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਗੁੱਡੀਆਂ
ਤੂੰ ਮਿਲੇ ਤਾਂ ਪਾਵਾਂ ਲੁੱਡੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਤਾਰਾਂ
ਤੇਰੇ ਉੱਤੋਂ ਜ਼ਿੰਦਗੀ ਵਾਰਾਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਲੋਈਆਂ
ਅੱਖਾਂ ਬੱਦਲੀ ਵਾਂਗੂੰ ਚੋਈਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਕਲੀਆਂ
ਤੇਰੇ ਹਿਜ਼ਰ ਵਿਛੋੜੇ ਬਲੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਚਿੜੀਆਂ
ਮੈਂ ਇਸ਼ਕ ਚੁਬਾਰੇ ਚੜੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਵੜੀਆਂ
ਘਰ ਆਜਾ ਬੂਹੇ ਖੜ੍ਹੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਛੱਲੀਆਂ
ਜੱਗ ਵੈਰੀ ਰਾਹਵਾਂ ਮੱਲੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
ਬਜ਼ਾਰ ਵਿਕੇਦੀਆਂ ਘੜੀਆਂ
ਆਜਾ ਯਾਦ ਤੇਰੀ ਨੇ ਫੜੀਆਂ
ਅੱਖਾਂ ਤਰਸਣ ਦਰਸ ਵਿਖਾ ਸੋਹਣਿਆ ।
- ਐਸ ਸੁਰਿੰਦਰ UK -
ਨੋਟ : ਇਹ ਪੋਸਟ ਹੁਣ ਤੱਕ 68 ਵਾਰ ਪੜ੍ਹੀ ਗਈ ਹੈ।
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ